Бишкек шаарындагы бейбаштык. Архивдик сүрөт

Бишкекте август айында болгон башаламандык. Шектүүнүн бири кармалды

112
(жаңыланган 12:41 20.09.2019)
9-августка караган түнү топтошкон уландар ИИМдин машинасына таш ыргытып, "Коопсуз шаардын" камераларын талкалаган. Анын кесепетинен 3 миллион сомдук зыян келтирилген.

БИШКЕК, 20-сен. — Sputnik. Кой-Таш айылында жүргөн операциядан кийин, 9-августка караган түнү бейбаштык кылган деген шек менен бир киши кармалды. Бул тууралуу Бишкек ШИИБдин маалымат кызматы кабарлады. 

Задержан один из подозреваемых в хулиганстве во время беспорядков, которые произошли в Бишкеке в ночь с 8 на 9 августа
© Фото / Пресс-служба ГУВД города Бишкек
Кой-Таш айылында жүргөн операциядан кийин, 9-августка караган түнү бейбаштык кылган деген шек менен бир киши кармалды

Шаардык милиция топ балдардын аракеттери тартылып калган видеону Facebook баракчасына жарыялады. 

Тартип сакчылары кабарлашкандай, ал түнү жигиттердин тобу Токомбаев менен 7-апрель көчөлөрүнүн кесилишинен коомдук тартипти одоно бузушкан.

"Жолду тосуп, өтүп жаткан машиналарды карап, айдоочуларды коркутуп, жүргүнчүлөрдү сабайбыз деп атырылган. ИИМдин бир нече автоунаасын жабыркатып, "Коопсуз шаардын" камералары талкаланган. Жыйынтыгында 3 миллион сомдук зыян келген. Топтошкон балдар изин жашырып кетишкен", — деп айтылат маалыматта.

Аталган факты Жоруктар менен кылмыштардын бирдиктүү реестрине катталып, Кылмыш-жаза кодексинин 266-беренеси боюнча сотко чейинки тергөө амалдары башталган.

"Шектүү катары 1993-жылы туулган М.С. аттуу жаран кармалды. Ал Октябрь РИИБине алып келинип, ШИИБдин убактылуу кармоо жайына киргизилди", — деп айтылат маалыматта.

Милиция кызматкерлери калган шектүүлөрдү издеп табуу аракеттерин көрүп жатат.

Кой-Таш окуясы

7-августта кечинде Кой-Таш айылында УКМКнын атайын даярдыктагы аскерлери мурдагы президент Алмазбек Атамбаевди кармоого аракет кылып, ал ишке ашпай, атайын даярдыктагы бир аскер каза болгон. 8-августта кечке маал укук коргоо органдары Атамбаевдин үйүнө күч менен кирип, мурдагы президент багынып берген.

Эки күндө болгон окуялардан 136 киши ар кандай жаракат алышкан. Кийин Атамбаев УКМКнын убактылуу кармоо жайына киргизилип, анын бир нече жактоочусу кармалган.

112
Белгилер:
Кой-Таш, шектүү, милиция, ШИИБ
Тема боюнча
Кой-Таш окуясы: комиссия Курсан Асанов менен Равшан Жээнбековду укту. Сүрөт
Куралчан адам. Архив

Кыргыз-тажик чек арасында ок атылып, кыргызстандык аскер жаракат алды

158
(жаңыланган 10:41 06.08.2020)
Учурда чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

БИШКЕК, 6-авг. – Sputnik. Бүгүн кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алды. Бул тууралуу Мамлекеттик чек ара кызматынан билдиришти.

“Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок аткан. Жыйынтыгында ок аскердин колун тешип өткөн”, — деп айтылат билдирүүдө.

Ага медициналык жардам көрсөтүлүп, ушул тапта абалы канааттандырарлык деп бааланууда.

Азыр чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

Абал туруктуу.

158
Белгилер:
жаракат, чек ара, Тажикстан, Кыргызстан
Тема боюнча
Казак чек арасындагы чатак: мигранттар алдамчылардын торуна кантип түштү
Сел. Архив

Жүрөктүн үшүн алган сел Арсланбап айылын каптады. Видео

262
(жаңыланган 10:30 06.08.2020)
Куткаруучулар жергиликтүү эл менен кошо кечээтен тарта селдин кесепеттерин четтетүү аракеттерин көрүп жатышат. Алар короо жайларды жана жолдорду тазалашууда.

БИШКЕК, 6-авг. — Sputnik. Жалал-Абад облусунун Арсланбап айылында дагы катуу сел жүрдү. Бул тууралуу ӨКМдин маалымат кызматы кабарлады.

Окуянын жеринен тартылган видеосун "Короче" Telegram-каналы жарыялады.

Видеодо сел үйлөрдүн короо-жайларына кирип, жолдорду жарактан чыгарууда.

ӨКМдин маалыматы боюнча, сел кечээ, 5-августта, саат 19:00дө тоолордо жааган катуу жаандан улам жүргөн. Анын кесепетинен 10 турак үйдүн короосуна суу толгон. Сарайлардын дубалдары ураган. 1,2 чакырым жол бузулуп, бир электр мамычасы кулаган.

Жапа чеккендер болгон эмес.

Селдин кесепетин жоюу үчүн жерине атайын техникалар жана ӨКМдин ыкчам тобу тартылган. 50 жергиликтүү тургун аларга жардам берип жатышат.

Кечээтен бери алар үч үйдүн короосун тазалашты, иш бүгүн да уланып жатат.

262
Белгилер:
ӨКМ, сел, жаан-чачын, Арсланбап
Тема боюнча
Жети-Өгүз: сел жүрүп жаап калган Көк-Жайык жайлоосунун жолу ачылды. Видео
Кыргызстандан чыккан UFC мушкери Валентина Шевченко. Архив

Шевченко Tapology версиясы боюнча эң мыкты 100 мушкердин катарына кирди

0
(жаңыланган 12:59 06.08.2020)
Жалпысынан рейтингге 224 спортчу киргизилген. Арасында карьерасын эбак жыйынтыктап, бирок эл оозунда айтылып келе жаткандар дагы бар.

БИШКЕК, 6-авг. — Sputnik. Кыргызстандан чыккан UFC мушкери Валентина Шевченко Tapology спорттук басылмасынын версиясы боюнча эң мыкты 100 мушкердин катарына кирди. Толук тизме порталдын сайтына жүктөлдү.

Жаңыртылган маалымат боюнча, Шевченко 58-орунду ээлеп турат. Жалпысынан рейтингге 224 спортчу киргизилген. Арасында карьерасын жыйынтыктаган атактуу спортчулар дагы бар. Аларга бааны ММА сүйүүчүлөрү берген.

Аралаш мушташ тарыхында эң мыкты мушкер деп канадалык Жорж Сен-Пьер табылган. Ал UFC уюмунда эки салмак категория боюнча чемпион болгон. Экинчи сапты учурда орточо оор (93 килограмм) салмакта бел курду тагынып турган америкалык Жон Жонс ээлеген. Үчүнчүгө мурдагы чемпион, бразилиялык белгилүү мушкер Андерсон Силва илинген.

Төртүнчү орунга UFC уюмундагы чемпиондук наамын бир нече жылдар бою коргоп келип, азыр башка компания менен иштешкен Деметриус Жонсон, ал эми бешинчиге россиялык Федор Емельяненко жайгашкан.

Валентина Шевченконун титулун кантип коргой турганы маалымдалды. Видео

UFC уюмунун учурдагы чемпиону Хабиб Нурмагомедов сегизинчи орунга, анын эзелки атаандашы, мурда эки салмак категориясында бел курду тагынып турган ирландиядык Конор Макгрегор 17-орунга татыган.

Кыз-келиндердин арасында бразилиялык Аманда Нуньес лидер болгон. Ал 20-сапка илинсе, UFC уюмунун аялдар арасындагы алгачкы чемпиону Ронда Роузи 44-орунга жайгашкан.

0
Белгилер:
мушкер, рейтинг, Валентина Шевченко, UFC
Тема боюнча
Шевченко: Нуньес мен көздөгөн акыркы атаандаш