Көлдө айып пулдун 600 миң сомун менчиктеп алган сот аткаруучу кармалды

© Фото / пресс-служба ГКНБ КРЗадержание с поличным сотрудницы Центра образования Октябрьского района Бишкека
Задержание с поличным сотрудницы Центра образования Октябрьского района Бишкека  - Sputnik Кыргызстан
Жазылуу
Сот аткаруучу бери дегенде 34 жолу соттолуучулар айып пул катары төлөгөн акчаны мыйзамсыз менчиктеп алганы айтылууда.

БИШКЕК, 24-сен. — Sputnik. Ысык-Көл райондук сот аткаруучулар кызматынын өкүлү соттолгондор айып пул катары төлөгөн каражатты мыйзамсыз алып жүргөн деп кармалды. Бул тууралуу Башкы прокуратуранын маалымат кызматынан кабарлашты.

Ал 2018-жылдын октябрь айынан 2019-жылдын январына чейин Жазыктар кодексинин 246-беренеси ("Башкага берүү максатын көздөбөстөн баңгилик каражаттарды же психотроптук заттарды мыйзамсыз даярдоо, алуу, сактоо, ташуу же жөнөтүү") менен соттолгон үч адамдан айып пул катары 600 миң сом алганы айтылат.

"Андан соң каражат тиешелүү жактарга жөнөтүлгөндүгү тууралуу банктык квитанцияларды жасап, жаза аткаруу боюнча документтерге тиркеген. Бирок текшерүү маалында аталган каражат мамлекеттик бюджетке түшпөгөнү белгилүү болду", — деп айтылат билдирүүдө.

Задержание четырех сотрудников Октябрьского РУВД - Sputnik Кыргызстан
Бишкекте пара алып жаткан милиционерлер кармалды. Атайын операциянын сүрөтү
Облус прокуратурасы аталган фактыны Жазыктар кодексинин 320-беренесине ("Кызмат абалынан кыянаттык менен пайдалануу") ылайык Кылмыштардын жана жоруктардын бирдиктүү реестрине каттоого алды.

Бүгүнкү күндө мамлекетке келтирилген чыгымдын орду толугу менен толтурулду.

Анткен менен иликтөө маалында бул кызматкер акча алган дагы 33 факты аныкталды. Учурда алар боюнча мамлекетке канча чыгым келтирилгени такталууда.

Виджет news
Жаңылыктар түрмөгү
0