Торт. Архив

Ош: туулган күндө окуучулар менен мугалимдер тортко ууланды

360
(жаңыланган 09:37 25.09.2019)
Тортко уулангандар 2019-жылдын 23-сентябрында саат 20:40тар чамасында облустук ооруканага кайрылышкан.

ОШ, 24-сен. — Sputnik. Ош шаарында алты окуучу жана эки мугалим тортко ууланып ооруканага түштү. Бул тууралуу Ош шаардык балдар ооруканасынын башкы дарыгери Кайрат Абжалов билдирди.

Маалыматка ылайык, тортко уулангандар 2019-жылдын 23-сентябрында саат 20:40тар чамасында облустук ооруканага кайрылышкан.

Учурда балдар ооруканасында алты окуучу дарыланып жатат. Эки мугалим облустук ооруканага которулду. Гапар Айтиев орто мектебинин жетекчилиги аталган мектепте иштеген мугалим небересинин туулган күнүн белгилөө үчүн торт алып келгендигин билдирди. Тортту 3-класста окуган 20га жакын окуучу жеген. Алардын ичинен алты окуучу ооруканага жеткирилип, медициналык жардам көрсөтүлдү.

"Учурда окуучулардын абалы орто. Дарыгерлер көзөмөл кылууда", — деди Абжалов.

Окуучулардын ата-энелери доосу жок экендигин билдирип, милицияга арыз менен кайрылган эмес.

360
Белгилер:
мугалим, окуучу, мектеп, уулануу, Ош
Тема боюнча
Адис: тамактан ууланбаш үчүн 7 нерсеге көңүл буруу керек
Медиктер сөөктү алып кетүүдө. Архивдик сүрөт

Коронавирустан бир суткада үч киши каза болду, бири медик

242
(жаңыланган 10:14 03.06.2020)
Каза болгондордун баары эркек кишилер. Көз жумган медицина кызматкери апрель айынан бери пневмония дартына чалдыккандарды дарылап келген.

БИШКЕК, 3-июн. — Sputnik. Өткөн суткада өлкө ичинде коронавирустан үч киши каза болду. Алардын бири медик. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.

“Ош облустук бириктирилген ооруканасында каза болгон бейтаптар 59, 55 жаштагы эркек кишилер. Үчүнчүсү Нарын облустук ооруканасында дарыланып жаткан. Ал 84 жашта болгон”, — деди Үсөнбаев.

Жалпы каза болгондордун саны 20 кишини түздү.

242
Белгилер:
өлүм, Кыргызстан, коронавирус
Тема:
Коронавируска байланыштуу Кыргызстандагы кырдаал
Тема боюнча
Кыргызстанда бүгүн 26 адам коронавирус жуктурганы белгилүү болду
Эркек кызды чачынан тартып жатат. Иллюстративдик сүрөт

1000 сомдун айынан ажал таап... Аялын өлтүргөн эркекке өкүм чыкты

163
Үй-бүлөдөгү чырга эркек кишинин катып койгон акчасынын табылбай калышы себеп болгон. Аял оорукананын жандандыруу бөлүмүндө тогуз күн жатып кайтыш болгон.

БИШКЕК, 3-июн. — Sputnik. Жарандык никедеги аялын өлтүргөн эркек киши 7,5 жылга эркинен ажыратылды. Бул тууралуу Жогорку соттун расмий сайтында жарыяланды.

Өкүмгө ылайык, окуя Чүй облусундагы шаарлардын биринде болгон. Үйгө мас болуп келген айыпталуучу келинчеги менен урушуп, аны катуу сабап койгон. Чыр-чатактын келип чыгышына үй ээсинин дасторкон астына катылган 1000 сомун таппай калганы себеп болгон.

Сот отурумунда шектүү күнөөсүн толук мойнуна алып, төмөндөгүдөй көрсөтмө берген:

"Ал күнү аялым экөөбүздүн тең арактан башыбыз ооруп турган. Мен андан мурда берген акчаны жана короого коюп койгон жезди сурасам жок деп жооп берген. Ачуум келип аны бир жолу эле бетке чаап жатып алгам. Бир аз убакыт өткөндөн кийин таанышым келип 500 сомго кык жүктөшүп койчу дегенинен ошол жакка кеткем. Кайра келсем аялым короодо жатыптыр, байкасам жүрөгүнүн согушу сезилбейт. Дароо дарыгерлерди чакырткам", — деген ал.

Баш мээси катуу жабыркаган аял оорукананын жандандыруу бөлүмүндө тогуз күн жатып кайтыш болгон.

Сот айыпталуучуну 7,5 жылга эркинен ажыратып, 90 миң сом айып салды.

163
Белгилер:
Өлтүрүү, адам, кылмыш, өкүм, сот, Кыргызстан
Тема боюнча
Балта менен коркутуп аялыма арак алдырайын дегем... Марттагы соттук өкүмдөр
Интернеттен жигит болуп таанышып, жолукканда кызды бычактаган аялга өкүм чыкты
Урожай грецких орехов в селе Зар в Цхинвальском районе Южной Осетии.

Адис: быйыл Кыргызстанда жаңгакты үшүк алып кетти

0
(жаңыланган 15:36 03.06.2020)
Өлкө аймагында жаңгак багынын жалпы аянты 42,5 миң гектарды түзөт. Анын басымдуу бөлүгү Жалал-Абад облусунда жана жапайы жаңгак болуп эсептелет.

БИШКЕК, 3-июн. — Sputnik. Быйыл Кыргызстанда жаңгакты үшүк алып кетти. Бул тууралуу парламентте Курчап турган чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов билдирди.

Учурда Жогорку Кеңеште "Жаңгак плантацияларын өндүрүү жөнүндө Кыргыз Республикасынын мыйзам долбоору" экинчи окууда каралып жатат.

Ага депутат Абдывахап Нурбаев Кыргызстанда канча гектар жерге жаңгак тигилерин жана андан канча түшүм алынары боюнча суроо берген.

Шериповдун айтымында, өлкө аймагында жаңгак багынын жалпы аянты 42,5 миң гектарды түзөт. Анын басымдуу бөлүгү Жалал-Абад облусунда жана жапайы жаңгак болуп эсептелет.

"Жылына бул аянттан 6 миң тонна алынат. Бирок климаттык шарттардан көз каранды. Жазда үшүк жүрсө, албетте, түшүм азаят. Мисалы, быйыл жаңгакты үшүк алып кетти", — деди Шерипов.

Маалыматка караганда, былтыр 6 миң тонна түшүм алынган, ал эми 2018-жылы 5,5 миң тоннага гана жетип калган.

Кыргызстан негизинен жаңгакты Европа мамлекеттерине, анын ичинде Түркияга көп экспорттойт.

0
Белгилер:
түшүм, үшүк, жаңгак, Жалал-Абад, Кыргызстан