Часть облицовки дома, упавшая из-за ветра на припаркованные машины в микрорайоне Тунгуч

Министрлик: шамал мектеп чатырын учуруп, үйлөрдүн шыбагын түшүргөн

126
(жаңыланган 10:30 25.09.2019)
Шамал Бишкек шаарындагы Учкун жаңы конушунда жайгашкан орто мектептин чатырынын 300 чарчы метрин учуруп кеткен.

БИШКЕК, 25-сен. — Sputnik. Бишкек шаарында 23-сентябрда болгон шамалдан бактар кулап, үйлөрдүн сыртындагы шыбактар түшүп, автонуааларды басып калган. Бул туурасында ӨКМдин маалымат кызматынан кабарлашты.

Эске салсак, 23-сентяябрда таңга маал Чүй облусу менен Бишкек шаарында катуу шамал болгон. Социалдык тармактарга анын видеосу жана кесепетинин сүрөттөрү жарыяланган.

Ылдамдыгы секундасына 20 метрге жеткен шамал мектепке да зыян келтирген. Бишкек шаарындагы Учкун жаңы конушунда жайгашкан №89 орто мектебинин имаратынын чатырынын 300 чарчы метрин учуруп кеткен.

Андан сырткары, онго чукул жерде бак-дарактар кулаган, бир катарлары жолдорду жаап калган.

Ошондой эле Тунгуч кичи районунда жайгашкан көп кабаттуу үйдүн сырткы шыбагы түшүп, автоунааны басып калган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
126
Белгилер:
кесепет, мектеп, шамал, ӨКМ, Кыргызстан
Тема боюнча
Дарактар теңселип... Таңга жуук Бишкекте болгон катуу шамалдын видеосу
Бишкекте жарандын ишенимине кирүү менен 100 миң долларын алып из жашырган киши кармалды.

Батирин сатымыш болуп аялдын 100 миң долларын алып койгон. Шектүү кармалды

167
(жаңыланган 17:13 04.12.2020)
Шектүүнүн башка дагы ушундай кылмыштарга тийиштиги бар-жогу текшерилип жатат. Бул адамдан жабыркагандар милицияга кайрылса болот.

БИШКЕК, 4-дек. — Sputnik. Бишкекте жарандын ишенимине кирүү менен 100 миң долларын алып из жашырган киши кармалды. Бул тууралуу шаардык милициядан кабарлашты.

Маалыматка караганда, үстүбүздөгү жылдын 1-декабрында Октябрь райондук милициясына З.Е. аттуу аял арыз менен кайрылган. Ал март айында О.Т. аттуу жаран борбор калаадагы Каралаев көчөсүндө жайгашкан көп кабаттуу үйдөгү батирлердин бирин сатам деп, ошол эле жерден андан 100 миң 150 долларын алып калганын айткан. Кийин шектүү убадасын аткарбастан из жашырып кеткен.

Факты Кылмыш жана жоруктардын бирдиктүү реестрине Кылмыш-жаза кодексинин 204-беренеси ("Алдамчылык") боюнча каттоого алынган.

"Ыкчам издөө иш-аракеттеринин негизинде 33 жаштагы О.Т. аттуу шектүү кармалды. Ал Жукеев-Пудовкин көчөсүндөгү ижарага алынган батиринде жашап жүргөн. Шектүү Бишкек шаардык милициясынын убактылуу кармоочу жайына киргизилди", — деп айтылат маалыматта.

Учурда анын башка дагы ушундай кылмыштарга тийиштиги бар-жогу текшерилип жатат. Бул адамдан жабыркагандар болсо 0(772) 33-32-01, 0(707) 81-44-44 же 102 номерлерине кайрылууга болот.

167
Белгилер:
шектүү, батир, милиция, Бишкек
Тема боюнча
Бишкектин чок ортосунан 18 жаштагы куралчан жаран кармалды. Сүрөт
Жолдон чуркап өтүп бараткан кыз. Архивдик сүрөт

Өзгөндө окуучу кызды унаа учура сүзгөн окуя видеого түшүп калган

161
(жаңыланган 15:36 04.12.2020)
Окуя 2-декабрь күнү Бишкек — Ош жолунун 613-чакырымында, тагыраагы, Өзгөн шаарынын Мирзарахимов көчөсүндө болгон.

БИШКЕК, 4-дек. — Sputnik. Өзгөн шаарында алты жашар кыз баланы унаа коюп кетти. Бул тууралуу Облустук жол кыймылы коопсуздугун камсыздоо бөлүмүнүн өкүлү Алтынбек Теңизбаев Sputnik Кыргызстан агенттигине билдирди.

Ал эми окуянын видеосун "Короче" Telegram-каналы жарыялады.

Маалыматка караганда, окуя 2-декабрь күнү Бишкек — Ош жолунун 613-чакырымында, тагыраагы, Өзгөн шаарынын Мирзарахимов көчөсүндө саат 11:30дар чамасында болгон.

"Өзгөн районунун 32 жаштагы жашоочусу Daewoo Tiko үлгүсүндөгү унаасы менен алты жаштагы кызды жөө адамдар өтө турган чийинден коюп кеткен. Натыйжада ал жаракат алып, райондук ооруканага жаткырылган", — деди Теңизбаев.

Өзгөн РИИБнин тергөө кызматы тарабынан тийиштүү экспертизалар дайындалып, сотко чейинки өндүрүшкө алынды. Учурда иликтөө иштери жүрүп жатат.

161
Белгилер:
жол кырсык, Өзгөн
Тема:
2020-жылдын башынан бери Кыргызстанда болгон жол кырсыктар
Тема боюнча
Тогуз-Торо: Кара-Көөдө автокырсыктан бир адам каза таап, төртөө жабыркады
Кыргызстандын экономика министри Санжар Мукамбетов. Архив

Мукамбетов: Кытай Кыргызстан Өзбекстан темир жолу ЕАЭБде жаңы рынокторду ачат

0
Министр темир жолду куруу иштерине кызыкдар мамлекеттер гана эмес, ЕАЭБдин структуралары анын ичинде банк жана башка өнүктүрүү институттары да катышуусу керек деп эсептейт.

БИШКЕК, 5-дек. — Sputnik. Кытай — Кыргызстан — Өзбекстан темир жолу ЕАЭБде жаңы рынокторду ачат. Бул тууралуу Кыргызстандын экономика министри Санжар Мукамбетов билдирди.

4-декабрда Евразия өнүктүрүү банкы тарабынан уюштурулган биринчи Евразия конгресси өттү.

Форумдун алкагында министр Sputnik Кыргызстан агенттигине Кыргызстандын ЕАЭБдеги артыкчылыктарын айтып берди.

"Биз ЕАЭБдин түштүк чек арасында жайгашканбыз. Кыргызстан аркылуу Кытай, Индия жана Пакистанга жол ачылат. Тилекке каршы, бул ири рыноктор Кыргызстан тарабынан колдонулбай жатат. Кытай — Кыргызстан — Өзбекстан темир жолу курулса ЕАЭБге көп пайда алып келмек", — деди Мукамбетов.

Анын айтымында, бул ири долбоор көп жылдардан бери ишке ашпай келе жатат.

"Кыймыл бар. Жолдун узундугу, казылуучу тоннелдердин саны, калктуу конуштарды аралап өтүүчү участоктор талкууланып жатат. Бирок бул маселеде саясий чечим талап кылынат. Ошондой эле бул долбоорго кызыкдар мамлекеттер гана эмес, ЕАЭБдин структуралары анын ичинде банк жана башка өнүктүрүү институттары да катышуусу керек", — деди министр.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

0
Белгилер:
министр, Өзбекстан, Кытай, Кыргызстан, темир жол, Евразиялык экономикалык биримдик
Тема:
ЕАЭБдеги Кыргызстан
Тема боюнча
Жээнбеков: Кытай — Кыргызстан — Өзбекстан темир жолун курууга Россия да кызыкдар
Кытай — Кыргызстан — Өзбекстан темир жолу: кандай сүйлөшүүлөр болуп жатат