БИШКЕК, 2-окт. — Sputnik. Бүгүн түндө 19 жаштагы жигит Бишкектеги Чоң Чүй каналына чөгүп кетти. Бул туурасында Өзгөчө кырдаалдар министрлигинен билдиришти.
Маалыматка караганда, 2-октябрга караган түнү саат 01.19да бир кишинин Алма-Ата көчөсү жактагы каналга түшүп кеткени тууралуу айтылган.
Издөө иштерин жүргүзүү үчүн ӨКМдин Бишкек шаардык башкармалыгынын Куткаруу кызматынын куткаруучулары тартылган. Азырынча жигит табыла элек.
