Бычак кармаган киши.  Архивдик сүрөт

"Макмалда" иштеген кишинин аялын өлтүртүп... 90-жылдардагы кылмыштар

2413
(жаңыланган 14:58 07.10.2019)
Өлкө аймагында 25 жыл мурун болгон окуяларды гезит беттеринен барактап окууга болот. Кылмышкерлердин айрымдары боорду эзсе, кээси жан кейитет.

Sputnik Кыргызстан агенттиги 1994-жылы сентябрь айында болгон чуулгандуу кылмыштарды тизмектейт.

Москвада чуу салгандар

Москвада көптөн бери рэкетчилик менен алектенген эки кыргызстандык ал жактан жакшы эле орун-очок алып калган. Буга чейин соттолгондор соодагер, жай тургундарды курал менен коркутуп тыйын алып, негизинен талап-тоноочулук менен алектенчү. Бир күнү алар Кыргызстандын Россиядагы элчилигинин алдындагы мейманканага барып, Бишкектен келген милиция кызматкерлерине кол салган. Погончондордун экөөсүн катуу сабап опузалашкан. Үчүнчүсү окуяга кокусунан күбө болуп, ок чыгарууга мажбур болгон. Эки шектүү тең окуя болгон жерде жарадар болуп, ооруканага жеткирилген. Ошентип чет жакта иштеген мекендештер Москванын чок ортосунда ызы-чуу салып Кыргызстанда соттолгон.

Зөөкүр зордукчулар

Буга чейин түрдүү кылмыштарга аралашып, темир тор артында отуруп чыккан достор кезигип калып майрамдашкан. Үчөө коомдук жайда арак ичип, баарлашуусун үйдө уланткан. Мас болгон шериктер кеңешип, кылаарга иш издеп кылмыш жасоого бел байлайт. Алар жаш келиндин үйүнө жолдошунун жогунан пайдаланып балкон аркылуу кирип, аялды канжалата сабап, колу-бутун байлап, үчөөлөп зордуктаган. Зөөкүрлөр кожойкени оор абалда байланган боюнча калтырып, үйдөгү баалуу оокаттарды жыйнап кеткен. Кийин бир нече тергөөчү шектүүлөрдүн изине түшүп кармаган. Сот бирөөнү алты, калган экөөнү сегиз жылдан эркинен ажыраткан.

Бычакталган келин

Өз үйүндө 23 жаштагы келин өзгөчө мыкаачылык менен өлтүрүлгөн. Төрт жолу бычак жеп, кекиртеги кесилген аял көп кан жоготуп, дарыгерлер келгенче эле көз жумган. Маркумдун сөөгүн сиңдиси үйгө келип көрүп калган. Укук коргоо кызматкерлери муну буюртма өлтүрүү деп эсептешүүдө. Кылмышкердин изине түшүү үчүн милиционерлер бир да илинчек таба алышкан эмес. Бычакталган аялдын жолдошу "Макмал" алтын комбинатында жогорку кызматты ээлегендердин бири болгон.

Шаолинге качкан өспүрүмдөр

1994-жылдын тогуз айында кыргызстандык чек арачылар өлкөдөн мыйзамсыз чыгып кетүүгө аракет кылган беш өспүрүмдү кармаган. Алардын экөө ата-энесине таарынып Пакистанга өтүп кетмек болгону аныкталган. Калган үчөө Шаолинге барып, мушташуу ыкмасын үйрөнгүсү келген окуучулар болгон. Чек арачылар мындай окуялардын көп болуусуна ата-энелердин жоопкерчиликсиздиги менен чет элдик тасмалардын таасири дешкен.

Аялын, өзүн атып...

Борбор калаадагы ишканалардын биринин ээси менен келинчеги экөөнүн сөөгү өз үйүндө табылган. Тергөөчүлөр көпкө чейин каргашанын себебин тактай албай убара болгон. Кийин эркек киши жубайын үйдөгү мылтык менен атып, анан өзүн атып өлтүргөнү аныкталган. Ишкер компаниясынын банкротко кабылышынан улам карызга белчесинен батып, аласа-бересесинен кутулуу үчүн автоунаасын сатып, үйүн күрөөгө койгону белгилүү болгон.

2413
Белгилер:
газета, 90-жылдар, кылмыш, Кыргызстан
Тема боюнча
Зордукталып талаада тоңуп өлгөн мас келин... Сентябрдагы соттук чечимдер
Өзбекстандан Баткенге качып келип, атын өзгөртүп жашап жүргөн кылмышкер кармалды
Сүйлөшкөн кызын өлтүргөн киши жасаган жоругу тууралуу барга барып рэп ырдаган
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

283
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

283
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

210
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

210
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

362
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

362
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда