Милиция маршрутканын айдоочусун бет талаштыра чапкан кишини издеп жатат

Жазылуу
Буга чейин социалдык тармактарга маршрутканын эшигин ачып, орто курактагы айдоочуну ай-буйга келбей бет талаштыра чаап, жулкулдатып жаткан жигиттин видеосу тараган.

БИШКЕК, 11-окт. — Sputnik. Бишкекте маршруттук таксилердин биринин айдоочусун бет талаштыра чапкан жигиттин видеосун шаардык милиция текшерип жатат.

Буга чейин социалдык тармактарга маршрутканын эшигин ачып, орто курактагы айдоочуну ай-буйга келбей бет талаштыра чаап, жулкулдатып жаткан жигиттин видеосу тараган. Аны жолдон өтүп бараткан киши тартып алган. Видеодон "Ай, сен эмне кылып жатасың?" деп кыйкырып жаткан аялдын үнүн угууга болот. Ошондой эле эркек кишинин дагы "Өзүңдөн улуу киши экен, эй жигит!" деп жатканы тартылып калган.

Шаардык милиция окуя боюнча текшерүү жүрүп, чоо-жайы иликтенип жатканын маалымдады.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Жаңылыктар түрмөгү
0