Кишен. Архивдик сүрөт

Жоголуп кеткен бишкектик ишкердин сөөгү табылып, шектүүлөр кармалды. Сүрөт

2454
(жаңыланган 19:10 19.10.2019)
Аталган факты Кылмыштардын жана жоруктардын бирдиктүү реестрине катталып, "Адам уурдоо" беренеси боюнча сотко чейинки териштирүү иштери башталган.

БИШКЕК, 19-окт. — Sputnik. Шаардык милиция менен Ички иштер министрлигинин ыкчам кызматкерлери өтө мыкаачылык менен киши өлтүрдү деген шектүүлөрдү кармады. Бул тууралуу ШИИБдин маалымат кызматы билдирди.

5-октябрда Бишкек шаарынын тургуну И.З. милицияга кайрылып, 1981-жылы туулган Хуфур Абдурахеман аттуу бир тууганы 4-октябрда "Мадина" базарынан машинасы менен чыгып кеткен бойдон дайыны жок экенин айткан. 

Подозреваемые в убийстве 37-летнего Хуфура Абдурахемана
© Фото / Пресс-служба ГУВД Бишкека
Шаардык милиция менен Ички иштер министрлигинин ыкчам кызматкерлери өтө мыкаачылык менен киши өлтүрдү деген шектүүлөрдү кармады

Аталган факты Кылмыштардын жана жоруктардын бирдиктүү реестрине катталып, "Адам уурдоо" беренеси боюнча сотко чейинки териштирүү иштери башталган.

Ыкчам издөө аракеттеринин жыйынтыгында 18-октябрда адам өлтүрүүгө шектелген төрт киши кармалды. Алардын үчөө Кыргызстанда туулган болсо, бирөө Казакстанда төрөлгөн. Кармалгандар Бишкек ШИИБдин убактылуу кармоо жайына киргизилди.

Издөө иштеринин алкагында "Сосновка" көзөмөл өткөрүү пунктунан мурда уурдалган BMW Х5 үлгүсүндөгү автоунаа токтотулган. Андан аркы текшерүүнүн жыйынтыгында мурда жоголгон Хуфур Абдурахемандын сөөгү Нарын облусунун Кочкор айылында тоого бараткан жолдон 150 метр ары жакта жерге көмүлгөнү белгилүү болгон.

Учурда бардык экспертизалар дайындалып, кошумча тергөө амалдары жүрүүдө.

Шектүүлөрдүн тизмеси:
1964-жылкы К.Э., Нарында төрөлгөн;
1990-жылкы Ш.У., Бишкекте төрөлгөн;
1990-жылкы Б.К., Ысык-Көлдө төрөлгөн;
1986-жылкы Д.В., Казакстанда төрөлгөн.

2454
Белгилер:
милиция, киши өлтүрүү
Тема боюнча
Өзбекстандан Баткенге качып келип, атын өзгөртүп жашап жүргөн кылмышкер кармалды
Эки кытай жаранын мыкаачылык менен өлтүргөн кыргызстандык Петербургдан кармалды
Эски президент Алмазбек Атамбаев. Архивдик сүрөт

Жогорку сот Атамбаевге Батукаевдин иши боюнча чыккан өкүмдү жокко чыгарды. Видео

4931
(жаңыланган 18:40 30.11.2020)
Аталган иштин алкагында Атамбаев Биринчи май райондук соту тарабынан 11 жыл эки айга эркинен ажыратылган.

БИШКЕК, 30-ноя. — Sputnik. Жогорку сот кримавторитет Азиз Батукаевдин мыйзамсыз бошотулушу боюнча Алмазбек Атамбаевге чыккан өкүмдү жокко чыгарып, райондук сотко кайра кароого жөнөттү. Бул тууралуу ведомствонун маалымат кызматы кабарлады.

Эскерте кетсек, аталган иштин алкагында Атамбаев Биринчи май райондук соту тарабынан 11 жыл эки айга эркинен ажыратылган болчу. Өкүм жайында Бишкек шаардык соту тарабынан каралып, өзгөрүүсүз калган.

Мындан сырткары, аталган иш боюнча соттолгон үч адамдын өкүмү да жокко чыгарылды. Алардын бири мурдагы башкы прокурор Индира Жолдубаева, ал буга чейин 5 миллион сом айыпга жыгылган.

Экинчиси Батукаевге диагноз койду деген дарыгер-академик Абдулхалим Раимжанов. Ал да күнөөлүү деп табылып, бирок иштин мөөнөтү өткөнүнө байланыштуу жазаланган эмес.

Үчүнчүсү Жаза аткаруу боюнча мамлекеттик кызматтын (ЖАМК) төрагасынын мурдагы кеңешчиси Калыбек Качкыналиев. Ал да күнөөлүү деп табылып, эки жылга эркинен ажыратылган. Бирок буга чейин тергөө абагында отурган күндөрүн эске алуу менен жазасын өтөп бүттү деп таанылып, сот залынан бошотулган. 

Кылмыш иши кайрадан кароо үчүн Биринчи май райондук сотуна жөнөтүлдү.

4931
Белгилер:
өкүм, кылмыш, сот, Азиз Батукаев, Алмазбек Атамбаев
Тема:
Алмазбек Атамбаевдин кармалышы
Тема боюнча
Сот Атамбаевдин үч иши эмне себептен бириктирилгенин түшүндүрүп берди
Атамбаевдин үй-бүлөсү, тарапташтары нааразычылык акциясына чыгышты. Видео
Сот Атамбаевдин баш коргоо чарасын караган жок. Себеби
Өрт өчүрүп жаткан ӨКМ кызматкерлери. Архив

Бишкекте эртең менен чыккан өрт өчүрүлдү

103
(жаңыланган 13:53 30.11.2020)
Тилсиз жоо менен өрт өчүрүүчү эки бригада күрөшкөн. ӨКМ жаракат алган адамдар болбогондугун кабарлады.

БИШКЕК, 30-ноя. — Sputnik. Бишкек шаарында турак жайдан чыккан өрт өчүрүлгөнүн ӨКМдин маалымат кызматынан кабарлашты.

Бүгүн эртең менен саат 8:30дар чамасында Горький көчөсүндөгү үй күйгөн. Маалымат түшөрү менен эки бригада биринин артынан бири чыгып жөнөп кеткен.

Жалын толугу менен саат 10:16да өчүрүлгөн. ӨКМ жаракат алган адамдар болбогондугун айтты.

103
Белгилер:
өрт, турак үй, ӨКМ, Бишкек
Тема боюнча
Бишкектин Горький көчөсүндө үй өрттөнүп жатат
Өрттөнүп кеткен Башкы прокуратуранын ичи. Имараттын 10 жылдан кийинки көрүнүшү
Шоколад. Архив

Адис адам шоколадга эмне үчүн жакын болорун айтып берди

0
Дарыгер шоколадды кечке эңсей берүү кадимки эле адаттын кесепети да болушу ыктымалдыгын четке какпайт.

БИШКЕК, 1-дек. — Sputnik. Адамдын организми шоколадды ири алдыда депрессияга каршы зат катары талап кылат. Бул тууралуу аллерголог-иммунолог, медицина илимдеринин кандидаты Анатолий Балага шилтеме кылып "Известия" басылмасы жазды.

Адистин айтымына караганда, бул таттуунун аны сүйүп жегендердин тишине эле эмес, саламаттыгына да зыянын тийгизүү кооптуулугу бар.

Бирок негизи шоколадды тоё жегиси келгендик адамдын организминде кайсы бир заттын жетишпестигинен кабар берет.

"Кишинин бул таттууга жакын экендиги анын организминин депрессияга каршы кайсы бир затка муктаж болуп жаткандыгынын белгиси", — деген медик.

Дарыгер адам шоколадды жеп, мээнин иштөө активдүүлүгүн жогорулаткысы келерин, себеби анын курамында кофеин бар экендигин кошумчалады.

Анткен менен Бала жогорудагы таттуу азыкты кечке эңсей берүү кадимки адаттын кесепети да болушу ыктымалдыгын четке какпайт. Ага адам чай же кофе сыяктуу көнүп калышы толук мүмкүн.

0
Белгилер:
мээ, чай, кофе, шоколад
Тема боюнча
Дарыгер боорго зыяндуу азык-түлүктөрдү атады. Тизме