Баткендин чек ара отряды милиция кызматкерлери менен биргеликте 600 литрден ашык прекурсор (баңгизатын жасоодо керектелчү химиялык зат) табышты

Баңгизат жасоодо колдонулчу 600 литр затты сактагандар кармалды

111
25-октябрда чек арачылар менен милиция кызматкерлери чогуу өткөргөн операция учурунда 34 жана 35 жаштагы кыргызстандыктар кармалган.

БИШКЕК, 26-окт. — Sputnik. Баткендин чек ара отряды милиция кызматкерлери менен биргеликте 600 литрден ашык прекурсор (баңгизатын жасоодо керектелчү химиялык зат) табышты. Бул тууралуу Мамлекеттик чек ара кызматынан кабарлашты.

25-октябрда чек арачылар менен милиция кызматкерлери чогуу өткөргөн операция учурунда 34 жана 35 жаштагы кыргызстандыктар кармалган.

"Алардын үйүн тинтүү учурунда 600 литрден ашык прекурсор (кислота) табылган", — деп айтылат маалыматта.

Тийиштүү документтер толтурулгандан кийин кармалгандар милиция кызматкерлерине өткөрүлүп берилген.

111
Белгилер:
баңгизат, Мамлекеттик чек ара кызматы, Кыргызстан
Тема боюнча
Америкалык аял баңгизат уулун 7 айда кандай өзгөрткөнүн көрсөттү. Сүрөт
Чүй: түрмөгө 3 кг ашык нашаа алып киргенге аракет кылган киши кармалды. Сүрөт
Эски президент Алмазбек Атамбаев. Архивдик сүрөт

Жогорку сот Атамбаевге Батукаевдин иши боюнча чыккан өкүмдү жокко чыгарды. Видео

4899
(жаңыланган 18:40 30.11.2020)
Аталган иштин алкагында Атамбаев Биринчи май райондук соту тарабынан 11 жыл эки айга эркинен ажыратылган.

БИШКЕК, 30-ноя. — Sputnik. Жогорку сот кримавторитет Азиз Батукаевдин мыйзамсыз бошотулушу боюнча Алмазбек Атамбаевге чыккан өкүмдү жокко чыгарып, райондук сотко кайра кароого жөнөттү. Бул тууралуу ведомствонун маалымат кызматы кабарлады.

Эскерте кетсек, аталган иштин алкагында Атамбаев Биринчи май райондук соту тарабынан 11 жыл эки айга эркинен ажыратылган болчу. Өкүм жайында Бишкек шаардык соту тарабынан каралып, өзгөрүүсүз калган.

Мындан сырткары, аталган иш боюнча соттолгон үч адамдын өкүмү да жокко чыгарылды. Алардын бири мурдагы башкы прокурор Индира Жолдубаева, ал буга чейин 5 миллион сом айыпга жыгылган.

Экинчиси Батукаевге диагноз койду деген дарыгер-академик Абдулхалим Раимжанов. Ал да күнөөлүү деп табылып, бирок иштин мөөнөтү өткөнүнө байланыштуу жазаланган эмес.

Үчүнчүсү Жаза аткаруу боюнча мамлекеттик кызматтын (ЖАМК) төрагасынын мурдагы кеңешчиси Калыбек Качкыналиев. Ал да күнөөлүү деп табылып, эки жылга эркинен ажыратылган. Бирок буга чейин тергөө абагында отурган күндөрүн эске алуу менен жазасын өтөп бүттү деп таанылып, сот залынан бошотулган. 

Кылмыш иши кайрадан кароо үчүн Биринчи май райондук сотуна жөнөтүлдү.

4899
Белгилер:
өкүм, кылмыш, сот, Азиз Батукаев, Алмазбек Атамбаев
Тема:
Алмазбек Атамбаевдин кармалышы
Тема боюнча
Сот Атамбаевдин үч иши эмне себептен бириктирилгенин түшүндүрүп берди
Атамбаевдин үй-бүлөсү, тарапташтары нааразычылык акциясына чыгышты. Видео
Сот Атамбаевдин баш коргоо чарасын караган жок. Себеби
Өрт өчүрүп жаткан ӨКМ кызматкерлери. Архив

Бишкекте эртең менен чыккан өрт өчүрүлдү

101
(жаңыланган 13:53 30.11.2020)
Тилсиз жоо менен өрт өчүрүүчү эки бригада күрөшкөн. ӨКМ жаракат алган адамдар болбогондугун кабарлады.

БИШКЕК, 30-ноя. — Sputnik. Бишкек шаарында турак жайдан чыккан өрт өчүрүлгөнүн ӨКМдин маалымат кызматынан кабарлашты.

Бүгүн эртең менен саат 8:30дар чамасында Горький көчөсүндөгү үй күйгөн. Маалымат түшөрү менен эки бригада биринин артынан бири чыгып жөнөп кеткен.

Жалын толугу менен саат 10:16да өчүрүлгөн. ӨКМ жаракат алган адамдар болбогондугун айтты.

101
Белгилер:
өрт, турак үй, ӨКМ, Бишкек
Тема боюнча
Бишкектин Горький көчөсүндө үй өрттөнүп жатат
Өрттөнүп кеткен Башкы прокуратуранын ичи. Имараттын 10 жылдан кийинки көрүнүшү
Премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмеси учурунда

Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү

0
(жаңыланган 22:31 30.11.2020)
Новиков ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

БИШКЕК, 30-ноя. — Sputnik. ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди.

Жыйын видеоконференция форматында өткөн.

"Кыргызстан өлкөлөр ортосундагы товар алмашууда "жашыл коридор" механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт", — деген Новиков.

Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген.

Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

Новиков сөзүн жыйынтыктап жатып, кыйын кырдаалда өз ара колдоо көрсөтүү жакшы коңшулук мамилеге жана жалпы кызыкчылыкка жооп берерин айткан.

"Учурдагы негизги нерсе ─ калктын денинин сактыгы, социалдык-экономикалык туруктуулуктун сакталышы жана жарандарыбыздын эртеңки келечегине ишеними", — деген премьер-министрдин милдетин аткаруучу.

Ошондой эле ал ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

0
Белгилер:
жыйын, Артем Новиков, ШКУ, Кыргызстан
Тема боюнча
Путин: бүгүнкү ШКУ саммитинде өтө маанилүү документтерге кол коюлат
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты