Сабоо. Архивдик сүрөт

Заара ушатпа деп эскертүү алган жигит күзөтчүнү сабап салды. Окуянын видеосу

1244
(жаңыланган 17:29 30.10.2019)
Жабырлануучу тараптын айтымында, күзөтчү токтоп турган унаанын жанында заара ушатып жаткан жигитке эскертүү берген.

БИШКЕК, 30-окт. — Sputnik. Бишкекте 60 жаштагы күзөтчү сабалганын Sputnik Кыргызстан агенттигине жабырлануучунун бир тууганы кабарлады.

Анын айтымына караганда, окуя 30-октябрга караган түнү саат 02:30дар чамасында Айтматов проспектиси менен Масалиев көчөсүнүн кесилишинде жайгашкан көп кабаттуу үйлөрдүн биринин короосунда болгон.

Кадрдан белгисиз киши күзөтчүнү жерге жаткырып алып тепкилеп жатканын көрүүгө болот. Бир маалда анын жанына башка киши чуркап келип кол салган жигитти ары жакка алып кетүүгө аракет жасаганы байкалат.

Жабырлануучу тараптын айтымында, күзөтчү токтоп турган унаанын жанында заара ушатып жаткан жигитке эскертүү берген.

Алар милицияга үч саат мурун кайрылып, учурда тергөөчүнүн келишин күтүп жатышат.

1244
Белгилер:
мушташ, күзөтчү, милиция, Бишкек
Тема боюнча
19 жаштагы кызды өрттөгөн кишилер өлүм жазасына өкүм кылынды. Бангладештеги окуя
Зордукталып талаада тоңуп өлгөн мас келин... Сентябрдагы соттук чечимдер