Камакка алынган аял. Архивдик сүрөт

Уул-кызын муунтуп өлтүргөн аракеч келин. 90-жылдардагы кылмыштар

2137
(жаңыланган 14:03 02.11.2019)
Мындан 25 жыл мурун ноябрь айында өлкө аймагында бир топ чуулгандуу кылмыштарга карата өкүмдөр чыккан. Алардын көпчүлүгүндө айыпталуучулар өлүм жазасына тартылган.

Sputnik Кыргызстан агенттигинин кабарчысы гезит беттерин барактап, 90-жылдардагы каргашалуу окуяларды карап көрдү.

Өлүм жазасына тартылган ага-ини

Баңгизат сатып күн көргөн эки бир тууган ортомчулар аркылуу 29 килограмм нашааны үч миң рубль жана бриллиант шакекке саткан. Кийин алардын алган шакеги жасалма болуп чыгып, ага-ини ортомчу болгон эркекти таап, аны өлгүчө сабап шаардын четине көмүп салышкан. Соттум өкүмүнүн негизинде эки тууган бир күндө өлүм жазасына тартылып атып өлтүрүлгөн.

Өз чүрпөлөрүн өлтүргөн эне

18 жашында турмушка чыккан кыз жолдошу менен жашап бир кыз, бир уулдуу болгон. Кичинекейлер чоңойгонго чейин эле жолдошу кургак учуктан улам көз жумуп, келин жесир калган. Тагдырына таарынган ал аракечтикке берилип балдарын карабай, күнү-түнү бөтөлкөлөштөрү менен гана жүрүп калат. Күндөрдүн биринде ал үйгө мас болуп келип, курсагы ачып тамак сураган эки баласынын ыйына чыдабай, наристелерди муунтуп тынчытып койгон. Сотто аял ыйлап, күнөөсүн мойнуна алып өзүн өлүм жазасына тартууну суранган, фемида өкүлдөрү болсо чарчап калган чүрпөлөрдүн энесин тирүү калтырып жазалаган.

Мыкаачы өспүрүм

Талап-тоноочулук менен камалып жаңы эле түрмөдөн чыккан 16 жаштагы жигит алты жаштагы баланы көчөдө өзгөчө мыкаачылык менен өлтүргөн. Мектепке барам деп кубанып көчөдө жүргөн тестиерди кылмышкер кармап алып, зордуктоого аракет кылган. Каршылык көрсөткөн баланы зөөкүр темир менен башка бир нече жолу чапкылап өлтүргөн. Ошентип жолдошу менен ажырашкан аял жалгыз уулунан ажыраган.

Туткунга түшкөн үй-бүлө

Жалданма үч кылмышкер ишкер аялды, анын жолдошун жана эки баласын уурдап кетип, жер төлөдө кармаган. Алар туткунга алынгандардын жакындарынан 20 миң сом талап кылган. Бирок шаардык милициянын кызматкерлери шылуундардын арам оюн ишке ашырбай, үч күндөн кийин аларды колго түшүргөн. Кылмышкерлерди 10 миң сомго жалдаган аял да кармалган. Ал жабырлануучуларга берген карызын ала албай ушул жолго барганын айтып берген.

Курал саткан эргул

Кезинде аскер бөлүгүндө кызмат өтөп, курал-жарак сактаган кампада баш-көз болгон Александр ал жактан бир топ ок атуучу, жардыруучу каражаттарды уурдап чыккан. Эки баланын атасы убакыт өткөндөн кийин үч тапанча, үч автоматты сатууга аракет кылып кардар да тапкан. Бирок 550 миң рублин алып тапанчанын ордуна колго жасалган жардыруучу каражатты берип койгон. Ал "белек" автоунаага түшкөндөн кийин жарылып бир адам көз жумуп, экинчисинин колу жулунуп кеткен. Мыйзамсыз жол менен акча табууну көздөгөн шектүүнү сот өлүм жазасына буйруган, айыпталуучу ал күнгө жетпей эле түрмөдөн качууга аракет кылып чекисттерден ок жеп көз жумган.

Палатадагы атышуу

20 жаштагы жигит Бишкектеги ооруканалардын бирине кирип, 25 жаштагы жигитти автомат менен аткылап өлтүрүп качып кеткен. Беш күн өткөндөн кийин прокуратурага эки автоматты көтөрүп келип кылганын мойнуна алган. Окуя шаар тургундарынын төбө чачын тик тургузуп, каргашаны чет элдик ЖМКлар да жазган. Тергөөчүлөрдүн маалыматына ылайык, шектүү жаш жигит мындай жолго өч алуу үчүн барган. Себеби палатада ок жеп көз жумган маркум он күн мурун айыпталуучунун жакын досун тапанча менен атып таштаган.

2137
Белгилер:
газета, кылмыш, 90-жылдар, Кыргызстан
Тема боюнча
"Макмалда" иштеген кишинин аялын өлтүртүп... 90-жылдардагы кылмыштар
Автоматын таппай төлгөчүгө барган жоокерлер... 90-жылдардагы кылмыштар
Ак үйдөгү мушташка депутаттар арача түшүп... 90-жылдардагы кылмыштар
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

283
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

283
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

211
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

211
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

367
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

367
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда