Лампочка буроо. Архивдик сүрөт

ЖАМК: Бишкектин жанындагы абакта жоокер токко урунуп каза болду

349
(жаңыланган 13:17 05.11.2019)
Кырсык Чүй облусунун Новопокровка айылында жайгашкан №3 абакта 4-ноябрь күнү болду. Төртүнчү батальондун катардагы жоокери лампочка алмаштырып жаткан учурда токко урунган.

БИШКЕК, 5-ноя. — Sputnik. Чүйдөгү №3 түзөтүү колониясында Жаза аткаруу мамлекеттик кызматынын (ЖАМК) кайтаруу жана күзөт департаментинин аскери токко урунуп көз жумду. Бул тууралуу ЖАМКнын маалымат кызматы билдирди.

"Кырсык Чүй облусунун Новопокровка айылында жайгашкан №3 колонияда 4-ноябрь күнү болду. Төртүнчү батальондун катардагы жоокери лампочка алмаштырып жаткан учурда токко урунган", — деп айтылат билдирүүдө.

Маалыматка караганда, медициналык жардам көрсөтүлгөнүнө карабай жоокердин өмүрүн сактап калууга мүмкүн болгон эмес. Тиешелүү соттук-медициналык экспертиза дайындалды.

349
Белгилер:
ток, өлүм, колония, жоокер, Чүй облусу
Тема боюнча
Россияда жол кырсыгынан 25 жаштагы кыргызстандык жигит каза болду
Райондук оорукана

Россияда көпүрө кырсыгынан жабыркаган кыргызстандыктардын саны 51ге жетти

181
(жаңыланган 18:56 27.09.2020)
Медициналык жардамды ыкчам көрсөтүү үчүн айрым бейтаптар райондук ооруканаларга тик учак менен жеткирилген.

БИШКЕК, 27-сен. — Sputnik. Москва облусунда көпүрө кырсыгынан жабыркаган кыргызстандыктардын саны 51ге жетти. Бул тууралуу Кыргызстандын Россиядагы элчилигинен маалымдашты.

Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан кыргыз жарандары жабыркаганы айтылган.

Кырсыктан жапа чеккен мекендештердин ичинен төртөөнүн абалы оор. Каза болгондор катталган эмес.

"Элчиликтин кызматкерлери менен "FM LOGISTIC" компаниясынын жетекчилиги сүйлөшүп, жыйынтыгында компания кырсыктаган бардык КР жарандарына материалдык жактан колдоо көрсөтүп, медициналык камсыздандыруу алып берүүнү убадалады. Азыркы тапта тиешелүү тараптардын өкүлдөрү оор абалдагы бейтаптардан кабар алуу үчүн Красногорск жана Солнечногорск шаарларындагы ооруканаларга чыгып кетишти. Медициналык жардамды ыкчам көрсөтүү үчүн айрым бейтаптар ооруканага тик учак менен жеткирилген",— деп айтылат маалыматта.

Жабыркагандар мындан тышкары Ступино, Чехов, Серпухов, Подольск, Коломна, Домодедово райондук ооруканаларына да жаткырылганы кошумчаланды.

Окуя болгон жерде элчиликтин консулу Россиянын прокуратура, тергөө комитети жана Москва РИИБ өкүлдөрү менен жолугуп, ишти объективдүү иликтеп, күнөөлүүлөрдү жоопкерчиликке тартууну өтүнгөн.

Россияда кыргызстандыктар жабыркаган кырсыктын болжолдуу себеби айтылды

Мындан сырткары, элчилик Россиянын Тергөө комитетине, Башкы прокуратурасына жана Ички иштер министрлигине атайын каттарды жибергени кабарланды.

Маселени КРдин Россиядагы элчиси Аликбек Жекшенкулов жеке көзөмөлүнө алды.

181
Белгилер:
жардам, иликтөө, көпүрө, кырсык, мекендештер, жаран, Россия
Тема боюнча
Кулаган учактан аман калган курсанттын атасы: мен дагы үч жолу кырсыктагам
Москва облусунда кыргызстандыктар жабыркаган көпүрө кырсыгы

Россияда кыргызстандыктар жабыркаган кырсыктын болжолдуу себеби айтылды

164
(жаңыланган 17:25 27.09.2020)
Аталган ишканада жалпысынан 149 кыргыз жараны иштечү. Алардын баарында тең медициналык жана башка камсыздандыруусу жок болуп чыкты.

БИШКЕК, 27-сен. — Sputnik. Москва облусунда кыргызстандыктар жабыркаган көпүрө кырсыгына жүктүн нормадан ашып кетиши же тетиктердин эскирип калышы себеп болушу мүмкүн. Бул тууралуу облустун Тергөө башкармалыгына шилтеме берип РИА Новости жазды.

"Кырсыкка себеп болчу бир нече версия каралып жатат. Мисалы, жүктүн нормадан ашып кетиши же тетиктердин эскилиги себеп болушу ыктымал”, — деп айтылат билдирүүдө.

Учурда ишкананын документациясы алынып, иликтөө иштери жүрүп жатат.

Эске салсак, Россиянын Москва облусундагы "ФМ Сидорово" логистикалык ишканасында жөө адамдар өтүүчү көпүрө урап, Кыргызстандын 49 жараны жабыркаган. Жабыркаган мекендештердин ичинен төртөөнүн абалы оор, каза болгондор жок.

Кулаган учактан аман калган курсанттын атасы: мен дагы үч жолу кырсыктагам

Аталган ишканада жалпысынан 149 кыргыз жараны иштечү. Алардын баарында тең медициналык жана башка камсыздандыруусу жок болуп чыкты. Элчилик жабыркаган кыргызстандыктарга материалдык компенсация төлөтүп берүү боюнча иштеп жатат. Маселени КРдин Россиядагы элчиси Аликбек Жекшенкулов жеке көзөмөлүнө алган.

164
Белгилер:
кырсык, көпүрө, Россия
Тема боюнча
Казакстан Россиядагы кыргызстандыктарга "жашыл коридор" ачууга макул болду
Бишкектеги жаштар аллеясы. Архив

Дүйшөмбүгө карата аба ырайы

0
(жаңыланган 21:23 27.09.2020)
28-сентябрда түнкүсүн Чүй облусунун кээ бир райондорунда жамгыр, тоолуу аймактарында кар жаайт, калган өрөөндөрдө жаан-чачын күтүлбөйт.

БИШКЕК, 27-сен. — Sputnik. Дүйшөмбү күнү, 28-сентябрда күндүз республиканын тоо этектеринде жамгыр, тоолуу райондорунда жаан, кар, бийик тоолуу жерлеринде кар жаайт. Ал эми өрөөндөрдө жана Талас облусунда күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарынын кээ бир райондорунда 15-20 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жергесинде +14...+19, Ош, Жалал-Абад облустарында +20...+25, Баткенде +19...+24, Ысык-Көл аймагында +13...+18 градус болот.

Күндүн табы борбор калаа Бишкекте +17...+19, Ош калаасында +23...+25 градуска жетет.

0
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы