Доллар акчасы. Архивдик сүрөт

Бишкекте ракка кабылган балдарга чогулган акчанын миң долларын уурдап кетишти

217
(жаңыланган 12:11 08.11.2019)
Уюштуруучулар интернет колдонуучулардан #Некрадинадежду  сөзү жазылган баракты сүрөткө тартып, өзүнүн социалдык тармактагы баракчасына жүктөөнү суранып жатат.

БИШКЕК, 8-ноя. — Sputnik. Кыргызстанда ракка кабылган балдарга жардам көрсөтүү үчүн түзүлгөн кайрымдуулук фондунан акча уурдоого каршы #Некрадинадежду акциясы өтүп жатат. Бул тууралуу Help the children — SKD фондунун директору Елена Конева билдирди.

Фонд флешмобду Улуттук кызыл жарым ай коому менен биргеликте баштады.

Коневанын айтымында, акыркы айларда чогулган акчанын миң доллардан ашыгы уурдалып кеткен.

"Бул акчалар онкологиялык ооруларга чалдыккан балдарга арналган. Биз милицияга арыз жазганбыз. Уурулардын бири кармалган, бирок иликтөө иштери өтө эле созулуп кетти. Башкалары кармала элек. Биздин максат — чогулган ар бир сому балага сакайып кетүүгө мүмкүнчүлүк берерин түшүндүрүү. Ушундай оор абалдагы кишилердин акчасын уурдап алуу адамдыкка жатпайт", — деди фонддун жетекчиси.

Уюштуруучулар интернет колдонуучулардан #Некрадинадежду  сөзү жазылган баракты сүрөткө тартып, өзүнүн социалдык тармактагы баракчасына жүктөөнү суранып жатат.

217
Белгилер:
акция, уурулук, кайрымдуулук, каражат, рак, Кыргызстан
Тема боюнча
Аял киши ракка кабылганын айткандан коркот экен. Хирург-онколог менен маек
Вичке экспресс-тест өткөрүү. Архивдик сүрөт

Бир жылда 850 кыргызстандык ВИЧ жуктурганы аныкталып, 77 киши көз жумду

9
Бүгүнкү күндө антиретровирустук дарыларды колдонуп жүргөн ВИЧ менен ооругандар ден соолугу чың адамдардай эле көпкө чейин жашай турганы белгиленет.

БИШКЕК, 2-дек. — Sputnik. Кыргызстанда 2019-жылы ВИЧ инфекциясын жуктуруп алган 850 адам аныкталды. Бул тууралуу Улуттук статистика комитети билдирди.

Алардын 70 пайызы жыныстык жол менен илештирип алганы белгиленет. Бул илдетке чалдыккандардын саны 2015-жылы 393 болсо, былтыр 595 учурга же 1,5 эсеге көбөйгөнү айтылат.

Ошону менен бирге өткөн жылы 77 адам ВИЧтен көз жумган. Алардын көпчүлүгү (50 киши) эркектер.

"Каза болгондордун айрымдарынын өлүмүнө ашыкча өлчөмдө баңгизат колдонуу жана башкалар себеп болгон. Өлгөндөрдүн дээрлик баары (99 пайызы) 30 жаштан 50 жашка чейинкилер. Башкача айтканда, эмгекке жарамдуу курактагылар. ВИЧ инфекциясынан өлүмдүн эң жогорку көрсөткүчү Ош, Чүй жана Жалал-Абад облустарында катталды", — деп айтылат маалыматта.

Бүгүнкү күндө антиретровирустук дарыларды колдонуп жүргөн ВИЧ менен ооругандар ден соолугу чың адамдардай эле көпкө чейин жашай турганы белгиленет.

9
Белгилер:
статистика, дарылоо, өлүм, жуктуруу, вич
Тема боюнча
Карагулова: республика боюнча 10 миң 214 адам ВИЧ/СПИД менен жашайт
Жалал-Абадда ВИЧ илдетин жуктургандарды аныктоо боюнча акция башталды
Терезени караган аял. Архивдик сүрөт

Кызы менен коштошкон боюнча жок. Жалал-Абадда 42 жаштагы аял изделүүдө

163
(жаңыланган 18:38 01.12.2020)
Бахтигүл Базарматова 25-ноябрь күнү Жалал-Абад шаарынын Ленин жана Нагима Айтматова көчөлөрүнүн кесилишинде кызы менен коштошуп кеткен боюнча үйүнө барган эмес.

БИШКЕК, 1-дек. — Sputnik. Жалал-Абад шаарында 42 жаштагы аял дайынсыз болууда. Бул тууралуу аталган облустун ички иштер башкармалыгынын маалымат кызматы кабарлады.

Билдирмеге караганда, Бахтигүл Базарматова аттуу аял 25-ноябрь күнү саат 15:30дар чамасында Жалал-Абад шаарынын Ленин жана Нагима Айтматова көчөлөрүнүн кесилишинде кызы менен коштошуп кеткен боюнча үйүнө барган эмес. 

Пропавшая в Джалал-Абадской области Бахтигуль Базарматова
© Фото / пресс-служба УВД Джалал-Абадской области
Жоголуп кеткет Бахтигүл Базарматова
"Учурда анын жүргөн жерин аныктоого мүмкүн болбой жаткандыктан, туугандары жана милиция аны табууга коомчулуктан жардам сурайт", — деп айтылат маалыматта.

Бахтигүл Базарматованын өзгөчө белгилери: бою 155-160 см, чачы, кашы, көзү кара, орто дене түзүлүштө.

Ал башына сары, кара түс аралашкан жоолук салынып, тизеге жеткен боз түстөгү күрмө жана кара түстөгү шым кийип жүргөн. Бутунда такалуу кара түстөгү ботинка бар экени айтылды.

Дайынсыз жоголуп жаткан аял тууралуу кандайдыр бир маалымат болсо, милиция (03722) 5-28-31, 7-03-44, 0777 79-23-63, 0773 00-08-02 телефондоруна чалып коюуну өтүндү.

163
Белгилер:
белги, издөө, аял, милиция, Жалал-Абад
Тема боюнча
30 жыл полициядан качып жүргөн кишини эч ким издеген эмес. Кытайдагы окуя
Бишкекте 9 жаштагы Аяна Эмилбекова изделип жатат. Сүрөт
Балбандар күрөш убагында. Архивдик сүрөт

Эркин жана грек-рим күрөшү боюнча Дүйнө кубогуна катышчу балбандар. Тизме

0
Агенттик спортчулардын жол киреси, тамак-ашы Спорттун олимпиадалык түрлөрү боюнча дирекция тарабынан каржыланарын белгиледи.

БИШКЕК, 2-дек. — Sputnik. Жаштар иши, дене тарбия жана спорт агенттиги эркин жана грек-рим күрөшү боюнча Дүйнө кубогуна катыша турчу балбандардын тизмесин жарыялады.

Буга чейин агенттик спорттук иш-чарага барчу кыз-келиндердин аты-жөнүн айткан болчу.

Дүйнө кубогу 12-18-декабрь күндөрү Белград шаарында (Сербия) өтөт.

Грек-рим күрөшү боюнча команданын курамы:

  • Балбай Дордоков, салмактык категориясы – 55 кг;
  • Жоламан Шаршенбеков – 60 кг;
  • Калы Сулайманов – 63 кг;
  • Халмурат Ибрагимов – 67 кг;
  • Руслан Царев – 72 кг;
  • Акжол Махмудов – 77 кг;
  • Кайрат Түгөлбаев – 82 кг;
  • Атабек Азизбеков – 87 кг;
  • Үзүр Жусупбеков – 97;
  • Улукбек Карачолоков – ага машыктыруучу;
  • Азат Эркимбаев – башкы машыктыруучу.

Эркин күрөш боюнча команданын курамы:

  • Бекболот Мырзаназар уулу, салмактык категориясы – 57 кг;
  • Улукбек Жолдошбеков – 61 кг;
  • Эрназар Акматалиев – 65 кг;
  • Ислам Орозбеков – 70 кг;
  • Саякбай Усупов – 74 кг;
  • Арслан Будажапов – 79 кг;
  • Сүймөнкул Таабалды уулу – ага машыктыруучу;
  • Руслан Маджинов – башкы машыктыруучу.

Грек-рим күрөшү боюнча мелдеш 10-16-декабрь күндөрү, эркин күрөш 15-декабрдан 20-декабрга чейин созула турганы айтылды. Ал эми кыз-келиндердики 12-декабрда башталып, 18-декабрда жыйынтыкталат.

Агенттик спортчулардын жол киреси, тамак-ашы Спорттун олимпиадалык түрлөрү боюнча дирекция тарабынан каржыланарын белгиледи.

0
Белгилер:
мелдеш, спорт, тизме, балбан, күрөш
Тема боюнча
Улуттук банк "Кыргыз күрөш" коллекциялык монеталарын жүгүртүүгө чыгарат