Сотрудники МЧС на месте пожара в фастфуде Антошка в центре Бишкека на пересечении проспектов Чуй и Эркиндик

"Ала-Тоо" аянтынын жанындагы тез татымдагы өрт чектөөгө алынды

107
(жаңыланган 23:38 08.11.2019)
Өзгөчө кырдаалдар министрлиги тез татымдагы өрттү саат 14:08де чектөөгө алган. Учурда аны толугу менен өчүрүү иштери жүргүзүлүүдө.

БИШКЕК, 8-ноя. — Sputnik. Бишкектеги "Ала-Тоо" кинотеатрынын маңдайындагы тез татымдагы жарылуудан чыккан өрт чектөөгө алынды. Бул тууралуу ӨКМдин маалымат кызматынан билдиришти.

Ага ылайык, өрт саат 14:08де чектөөгө алынып, учурда толугу менен өчүрүү иштери жүргүзүлүүдө.

Эске сала кетсек, жарылуу бүгүн, 8-ноябрда, Эркиндик бульвары менен Чүй проспектисинин кесилишинде саат 13:40тар чамасында болгон. Алгач катуу үн угулуп, андагы кишилер качып чыгышкан. ӨКМге билдирүү 13.42де түшүп, жерине үч өрт өчүрүүчү унаа тартылган.

Бишкек шаардык тез жардам кызматынын башкы дарыгери Искендер Шаяхметовдун айтымында, жабыркагандардын саны 12ге жетти.

Учурда эмне болуп жатканын Sputnik Кыргызстан маалымат агенттигинин тексттик трансляциясынан окуй аласыздар.

107
Белгилер:
чектөө, өрт өчүрүүчү, жарылуу, тез татым, ӨКМ, Бишкек
Тема:
Бишкектин чок ортосундагы жарылуу (24)
Тема боюнча
"Ала-Тоо" аянтынын жанындагы тез татымдын жарылган учуру видеого түшүп калды
Бишкектин чок ортосунда тез татым жарылды. Азыр эмне болуп жатат? Сүрөт, видео