Сотрудники МЧС на месте пожара в фастфуде Антошка в центре Бишкека на пересечении проспектов Чуй и Эркиндик

Бишкектеги жарылуу: тез татымда иштеп жаткан кыз каза болду

8963
(жаңыланган 23:36 08.11.2019)
Бишкектин чок ортосунда, тагыраагы, Эркиндик бульвары менен Чүй проспектисинин кесилишиндеги тез татымда жарылуу болгон.

БИШКЕК, 8-ноя. — Sputnik. Бишкектин борборунда орун алган тез татым жарылып, ал жакта  иштеген кыз ичинде калып каза болду.  Бул тууралуу Саламаттыкты сактоо министрлигинин маалымат кызматы билдирди.

Эске салсак, Бишкектин чок ортосунда, тагыраагы, Эркиндик бульвары менен Чүй проспектисинин кесилишиндеги тез татымда жарылуу болгон.

Маалыматка караганда, кырсыктан 12 адам жабыркаган.

"Жеринде тез татымда иштеген кыз каза болду. Жабыркагандардын үчөө жаш балдар. Алар ооруканага жеткирилди. Учурда жабыркагандардын саны 12 киши деп айтылды. Алардын тогузу Бишкек шаардык травматология жана ортопедия илимий–изилдөө борборуна жеткирилди", — деп айтылат билдирүүдө.

Жеринде дагы деле медиктер иштеп жатат. Министрликтен кошумча маалымат берилерин айтышты.

Учурда эмне болуп жатканын Sputnik Кыргызстан маалымат агенттигинин тексттик трансляциясынан окуй аласыздар.

8963
Белгилер:
өлүм, тез татым, жарылуу, Бишкек
Тема:
Бишкектин чок ортосундагы жарылуу (25)
Тема боюнча
"Ала-Тоо" аянтынын жанындагы тез татымдагы өрт чектөөгө алынды
Бишкектин чок ортосундагы жарылууда 12 киши жабыркады
"Ала-Тоо" аянтынын жанындагы тез татымдын жарылган учуру видеого түшүп калды
Муштумун түйүп турган адам. Архив

Насыя үчүн аялын өлтүрө сабаган зөөкүр. Июлдагы соттук чечимдер

148
(жаңыланган 16:23 11.08.2020)
Узап кеткен айда өлкө аймагындагы Фемида өкүлдөрү бир топ чуулуу иштерди карап чыкты. Алардын арасында кызматтык, экономикалык мүнөздөгү жана адам өмүрүн алган кылмыштар да бар.

Sputnik Кыргызстан маалымат агенттиги июлдагы төбө чачты тик тургузган кылмыштардын айрымдарын сунуштайт.

Россияда сатылган КРдин паспорттору. Өзбекстандын жараны 2015-жылдан бери Россияда айдоочу болуп иштеп келген. Бирок 2019-жылдан баштап ЕАЭБдин миграция боюнча мыйзамдары күчүнө кирип, уюмга мүчө эмес мамлекеттерден баргандардын иштөөсүндө кыйынчылыктар жаралган. Ошондо айыпталуучу интернет аркылуу 45 миң рублге КРдин жасалма паспортун алган. Көп өтпөй ал россиялык укук коргоо органдарынын колуна түшүп, Кыргызстанга депортацияланган. Аны кайра "Манас" эл аралык аэропортундагы чек арачылар жасалма документ менен кармаган. Сот чет элдикти бир ай үй камагына калтырып, 110 миң сом айып салды.

Бишкекте 5 адамга кычкылтек концентраторун убадалап, алдап кеткен шектүү кармалды

Мурдагы аялын зордуктаган мамкызматкер. Мамлекеттик органда иштеген 29 жаштагы эркек ажырашып кеткен келинчегин түндө үйгө алып келип сабап, андан соң анын эркине каршы күч колдонуп зордуктаганы боюнча жабырлануучу милицияга арыз менен кайрылган. Тергөө маалында күнөөлөнүүчү ал түнү үйдө чогуу болгонун, кол көтөргөнүн, бирок келин менен жыныстык катнашта болбогонун билдирген. Погончондор материалдарды чогултуп, күбөлөрдөн көрсөтмө алып, ишти сотко өткөргөн. Фемида өкүлдөрү эргулду Жазык кодексинин 139-беренесинин ("Ден соолукка анча оор эмес зыян келтирүү") биринчи бөлүгү боюнча күнөөлүү деп таап, үч жыл түзөтүү жумуштарына бекитти. Ал эми келинге 150 миң сомго жакын акча төлөп бермей болду.

Насыя үчүн аялын өлтүрүп... Элетте жашаган эрди-катын банктан алган насыясынын айынан уруша кетишип, мас болгон бүлө башчысы аялын катуу сабап салган. Кожойке окуя болгондон бир нече саат өткөндөн кийин эле төшөктө жатып көз жумган. Аны байкаган күйөөсү коркуп кетип кошуналарын жана милиция кызматкерлерин чакырган. Зөөкүр эргул эми бир нече жылга темир тор артында калып, ири көлөмдө айып пул төлөйт.

Өзгөндө таксистти өлтүрүп, сөөгүн өрттөдү делген эки өспүрүм камакка алынды

Көчөдөгү зөөкүрчүлүк. Мурда соттолгон 24 жаштагы жигит көчөдө бейтааныш эркек менен арак ичип, экөө мушташа кеткен. Ал бөтөлкөлөш шеригинин колу-бутун байлап, оозуна чүпүрөк тыгып, катуу сабаган. Анысы аз келгенсип, үстүнө автоунаанын дөңгөлөгүн таштап кетип калган. Берки адам баш сөөгүнөн жаракат алып, мээсине кан куюлуп өлгөн. Соттук-психиатриялык экспертиза айыпталуучу кылмыш жасаган маалда акыл-эси ордунда, кылгандарына жооп берген абалда болгон деген бүтүм чыгарган. Эми ал 12,5 жыл темир тор артында болот.

Бычакташкан жаштар. Мектепти жаңы эле бүтүргөн бала өзүнүн сүйлөшкөн кызынын мурдагы жигити менен көчөдө кезигип, чаламандын чак түшүндө аны бычактап салган. Жыйынтыгында 18 жаштагы баланын ашказан, бөйрөгү бычактан жабыркап, ооруканада көз жумган. Жаштардын урушу кыздын айынан чыккан. Адам өмүрүн алган улан 12,5 жылга кесилди.

Ноокенде 10 жашар кызды зордуктаган бала өмүр бою эркинен ажыратылды

Кемпирдин өмүрүнө кол салган ишкер. Бишкек шаарынын 43 жаштагы тургуну ишкерлик менен алектенип, жеке фирманын жетекчиси болуп иштеп келген. Ал 2005-2006-жылдары мамлекетке 4,5 миллион сомдон ашык бажы төлөмдөрүн бербей Казакстанга качып кетип, издөөгө алынган. Бир нече жыл өткөндөн кийин Кыргызстанга кайтып келип, таксист болуп иштеп, пенсия курагындагы бир кемпирге азык-түлүк жеткирип берип тыйын таап жүргөн. Күндөрдүн биринде ал жалгыз жашаган пенсионер менен тил табыша албай, жашы улгайган аялды өз батиринде балка менен башка чапкылап өлтүрүп койгон. Эртеси милицияга өзү келген. Сот аны 17 жылга темир тор артына кесип, 100 миң сомго жыккан.

148
Белгилер:
соттук чечим, өкүм, кылмыш, Кыргызстан
Тема боюнча
Саймаитинин өлүмү: экс-консул айып төлөп, бошоп чыкты
Талас башчысынын "кеңешчиси" сүзгөн велосипедчи көз жумду. Мураталиев үн катты
Ноокенде 10 жашар кызды зордуктаган бала өмүр бою эркинен ажыратылды
Күйдүргү менен ооруган мал көмүлгөн жай. Архивдик сүрөт

Оштун Кара-Суусунда сегиз киши күйдүргүгө шектелип ооруканага түштү

305
(жаңыланган 14:05 11.08.2020)
Айыл тургундары август айынын баш ченинде ооруп калган уйду союп, этин бөлүп алышкан. Учурда лабораториялык текшерүү жүргүзүлүп жатат.

БИШКЕК, 11-авг. — Sputnik. Ош облусунун Кара-Суу районундагы Папан айыл өкмөтүнүн сегиз тургуну күйдүргүгө шектелип ооруканага түштү. Маалыматты Sputnik агенттигине айыл өкмөт Курбанбек Мияшев тастыктады.

Анын айтымында, Папандын Тогуз-Булак айылынын тургундары август айынын баш ченинде ооруп калган уйду союп, этин бөлүп алышкан.

"Ылаң малдын этин бөлүп алган үй-бүлө мүчөлөрүнүн жалпы саны 288ди түзгөн. Анын ичинен 208 адам Папан айыл өкмөтүнүн жашоочулары болсо, калганы Катта-Талдык айыл өкмөтүнүн тургундары экендиги аныкталган. Учурда сегиз киши облустук ооруканада дарыланып жатат", — деди Мияшев.

Окуядан кийин райондук ветеринардык инспекцияга кабар берилип, айыл өкмөттүн аймагында дезинфекциялоо иштери жүргүзүлгөн. Ооруган уйдун этин жегендер тиешелүү дары-дармек алышкан.

Облустук оорукананын гепатология бөлүмүнүн дарыгери Курсанали Ташовдун айтымында, бейтаптардын баары эркек кишилер. Эң жашы 17де, улуусу 45 жашта.

"Алардын денесинин ар кайсы бөлүктөрүнө кызыл кара түстөгү жара чыгып, дене табы көтөрүлгөн абалда келген. Баарынан тең күйдүргүгө анализ алынып, лабораторияга жөнөтүлгөн. Жыйынтыгы жакында чыгат. Бейтаптардын баарынын тең колтук бези да чоңоюп кеткендиги аныкталды. Учурда абалдары туруктуу", — деди дарыгер.

Кыргыз жерине апаат алып келген коркунучтуу 8 эпидемия. Видео

Ал эми облустук ветеринардык инспекциянын башчысы Орозбек Ибраевдин айтымында, окуя тууралуу аталган кызматка 2-августта маалымат келип түшкөн. Учурда лабораториялык текшерүү жүргүзүлүп жатат, жыйынтыгы чыга элек.

Ал кошумчалагандай, Папан айыл өкмөтүндөгү мал-жандыктын баары эмдөөдөн өткөрүлүп, иштер дагы уланууда.

305
Белгилер:
оорукана, эт, уй, күйдүргү, Ош
Тема боюнча
7 киши өлдү! Кытай дагы бир кооптуу вирус тарап жатканын айтты
Кыргызстандын мурдагы премьер-министри Данияр Үсөнов. Архив

Данияр Үсөнов менен Лукашенконун сүрөтү. Бишкекте ТИМ Беларусь элчисин чакыртты

0
Беларусь элчисине Данияр Үсөнов жана башка адамдар боюнча алардын кадамы эки өлкөнүн буга чейинки достук мамилесине доо кетирери айтылган.

БИШКЕК, 11-авг. — Sputnik. Кыргызстан Беларустан Данияр Үсөновдун коомчулукка ачык пайда болушун талап кылып, ТИМ аталган мамлекеттин Бишкектеги элчисин чакырды. Бул тууралуу тышкы иштер ведомствосунун маалымат кызматынан кабарлашты.

Анда кыргыз тарап Беларустагы мамлекеттик иш-чарада Кыргызстандын мурдагы премьер-министри, эл аралык издөөдө жүргөн жана сыртынан соттолгон Данияр Үсөновдун катышканы боюнча түшүндүрмө сурады.

Лукашенко Данияр Үсөновго окшош киши менен жолукту. Сүрөт

Беларусь элчисине мындай кадам эки өлкөнүн буга чейинки достук мамилесине доо кетирери айтылган.

"ТИМ мындан улам элчиге тиешелүү нота тапшырып, аталган адамдын, Беларустагы ага тиешеси барлардын токтоосуз кармалышына чара көрүп жана Кыргызстанга экстрадиция кылууга чакырды", —  деп айтылат маалыматта.

Эске салсак, сөз болуп жаткан сүрөт президенттин сайты менен РИА Новостиге жарыяланган. Анда Урицкийге окшогон киши Лукашенкого жана анын айланасындагы кишилерге таякча менен бир макетти көрсөтүп түшүндүрүп жатканын көрүүгө болот.

Мужчина, похожий на беглого премьер-министра КР Данияра Усенова, который сегодня именует себя Даниилом Урицким с президентом Беларуси Александром Лукашенко на встрече в Минской области
Рабочая поездка президента Беларуси Александа Лукашенко в Минскую область

Маалыматта Лукашенко Минск облусуна иш сапары менен барып, Пухович районундагы жогорку технологиялуу агроөнөр жай өндүрүшүн толук циклде уюштуруу боюнча инвестициялык долбоордун ишке ашырылышы менен таанышары айтылат.

ЖМК Бакиевдер менен Урицкийдин Белоруссиядагы миллиондогон бизнестери тууралуу

Данияр Үсөнов Курманбек Бакиев президент болуп турган кезде анын администрациясын жетектеп келип, 2009-жылдын январь айынан тарта өкмөт башчы болгон. 2010-жылы эл бийликке нааразы болуп чыккан акцияда Үсөнов да качып кеткен. Кийин ага кылмыш иши козголуп, сыртынан өмүр бою эркинен ажыратылган.

Кийинки анын сүрөтү интернет айдыңында жарыяланып, ал Даниил Урицкий деген ат менен чыга баштаган.

Белгилей кетсек, Беларуста экс-президент Курманбек Бакиевдин дагы жашап жүргөнү белгилүү.

0
Белгилер:
элчи, нота, ТИМ, Данияр Үсөнов, Беларусь, Кыргызстан
Тема боюнча
Белоруссия Данияр Үсөновду эмнеге кайтарып бербей жатканын түшүндүрдү