Сотрудники МЧС на месте пожара в фастфуде Антошка в центре Бишкека на пересечении проспектов Чуй и Эркиндик

Бишкектеги жарылуудан жабыркагандардын абалы, кайсы ооруканага түшкөнү айтылды

478
(жаңыланган 23:28 08.11.2019)
Бүгүн түш ооп калганда Эркиндик бульвары менен Чүй проспектисинин кесилишиндеги тез татымда жарылуу болгон.

БИШКЕК, 8-ноя. — Sputnik. Бишкектеги тез татымдагы жарылуудан жабыркагандардын арасында жетөө жаш балдар. Бул тууралуу Саламаттыкты сактоо министрлиги такталган маалыматтарга таянып билдирди.

Эске салсак, Бишкектин чок ортосунда, тагыраагы, Эркиндик  бульвары менен Чүй проспектисинин кесилишиндеги тез татымда жарылуу болгон. Саламаттыкты сактоо министрлигинен кырсыктан жабыркагандардын саны 12ге жеткенин, жеринде тез татымдын бир кызматкери каза болгонун айтышкан.

"Жабыркаган 12 кишинин арасынан жетөө балдар, бири жеринде каза болгон кызматкер", — деп айтылат билдирүүдө.

Алардын ичинен Бишкек шаардык травматология жана ортопедия илимий-изилдөө борборуна алты адам жаткырылды. Калгандары амбулатордук дарыланууга жиберилди.

Аталган оорукананын жандандыруу бөлүмүндө эки киши жатат. Алардын денесинин 25-30 пайызы күйүп калган, абалдары оор.

Күйүктү дарылоо бөлүмүнө үч киши жаткырылды. Денесинин 5-13 пайызы күйгөн, абалдары орточо оор деп  бааланууда.

Токсикология бөлүмүндө бир адам. Ал түтүнгө ууланган, абалы орточо оор.

Учурда эмне болуп жатканын Sputnik Кыргызстан маалымат агенттигинин тексттик трансляциясынан окуй аласыздар.

478
Белгилер:
жабырлануучу, Оорукана, жарылуу, тез татым, Бишкек
Тема:
Бишкектин чок ортосундагы жарылуу (24)
Тема боюнча
Алоолонгон жалын, эсин жоготкон кыз. Бишкектеги тез татымдын өрттөнгөн видеосу
Бишкек: тез татым жайындагы жарылуудан каза болгон кыздын сөөгүн алып чыгышты. Сүрөт
Бишкектеги жарылуу: тез татымда иштеп жаткан кыз каза болду
Милиция: тез татымда эки газ баллон жарылган