Тапанча. Архивдик сүрөт

Стамбулда ишкер Айэркен Саймаитини атып кетишти. Жеринен тартылган видео

5451
(жаңыланган 15:05 12.11.2019)
Кыргызстандын Финполу Стамбулда киши колдуу болгон ишкер Айэркен Саймаити алардын текшерүүсүндөгү адамбы же башкабы, тактап жатат.

БИШКЕК, 11-ноя. — Sputnik. Түркиянын Стамбул шаарындагы Фатих районунан теги уйгур болгон ишкер Айэркен Саймаитини атып кетишти. Бул тууралуу Milliyet басылмасы жазды.

Ага ылайык, ишкерге мейманканалардын биринин кафесинде отурган кезде саат 20:40тар чамасында кол салышкан. Бир нече ок тийген Айэркен Саймаити ооруканага жеткирилип, бирок өзүнө келбей үзүлгөн.

Полициянын берген алгачкы маалыматы боюнча, Айеркен бажы тармагын жол-жоболоштуруу менен алектенген ишкер болгон. Андан сырткары, каржылык жактан көйгөйлөрү болгону белгиленген. Окуя болгон аймактан алыс эмес жерде токтотулган Айеркенге таандык делген жолтандабаска тагылган консулдукка таандык номер жасалма болгону аныкталган. Укук коргоо органдары киши өлтүрүүгө шектүүнү издеп жатат.

Айэркен Саймаитинин аты Кыргызстандын экономикалык кылмыштуулукка каршы күрөшүү кызматынын текшерүүсүндө аталган. Финпол "Азаттык" радиосунун журналисти Али Токтакуновдун Матраимовдордун үй-бүлөсүнө байланышы бар компаниялар аркылуу ири суммадагы акчалардын өлкөдөн чыгарылып кетиши жөнүндө журналисттик иликтөөсүндө айтылган фактыларды иликтеген. Анда Saimaiti Aierken (Айэркин Саймаити) аттуу жеке ишкердин, "Абдыраз" ЖЧКсы жана Wufuli Bumailiyamu (Вуфули Бумаилиамуну) деген ишкердин 11 банктагы каражатынын которулушу текшерилген.

Кыргызстандын Финполу Стамбулда киши колдуу болгон ишкер Айэркен Саймаити алардын текшерүүсүндөгү адамбы же башкабы, тактап жатат.

5451
Белгилер:
Айеркен Саймаити, адам өлтүрүү, Түркия
Тема:
Ишкер Айэркен Саймаитинин Түркияда өлтүрүлүшү (34)
Тема боюнча
Матраимовдордун фондуна акчалар кайдан которулган. Финполдун маалыматы