БИШКЕК, 17-ноя. — Sputnik. Борбор калаада таң эрте унаа жууган жайдан өрт чыкты. Кырсыкка күбө болгон жарандын видеосу "Короче" Telegram каналына жүктөлдү.
Күбөнүн айтымында, окуя жекшемби күнү, 17-ноябрда, батыш автобекетинин жанында болгон.
ӨКМдин маалымат кызматынын билдирүүсүнө ылайык, Жибек Жолу проспектиси менен Ростовский көчөсүнүн кесилишиндеги унаа жуучу жайда пайда болгон өрт боюнча кайрылуу 17-ноябрь күнү саат 06:00дө түшкөн.
Тилсиз жоо чыккан жерге эки өрт өчүрүүчү унаа барып, саат 8:32де өрт толугу менен өчүрүлгөн.
