Дубай шаары. Архивдик сүрөт

Дубайда үйлөргө уурулукка кирип жүргөн кыргызстандыктар кесилип кетти

(жаңыланган 15:03 18.11.2019)
Быйылкы жылдын февраль айында кыргызстандык үч жаран бош турган виллага кирип, ичиндеги үч сейфти талкалаган. Уурдалган буюмдардын баасы 4 миллион сомдон ашкан.

БИШКЕК, 18-ноя. — Sputnik. Дубайда кыргызстандыктардан турган топ престиждүү Палм-Жумейра районундагы үйлөргө уурулукка киргендиги үчүн үч жылга кесилди. Бул туурасында аравиялык Gulf News басылмасы жазды.

Быйылкы жылдын февраль айында кыргызстандык үч жаран бош турган виллага кирип, кымбат баалуу буюмдар сакталган үч сейфти талкалаган. Алар ошол эле күнү Дубайдан учуп чыгып кетишкен.

Уурдалган буюмдарды алар бир аялга калтырып кеткен. Ал 31 жаштагы эркек менен байланышып, берки киши кымбат баалуу буюмдарды алып кетип, 900 долларга өлкөдөн чыгарууга аракеттенген. Анын изи менен Дубай полициясы ууруларды тапкан.

"Сотто ал адам аял менен жолугуп, уурдалган оокаттарды алып, андан кийин башка кыз-келиндер менен кошулуп, өлкөдөн алып чыгып кетүүгө аракет кылганын мойнуна алган. Күнөөлөнүп жаткандарга метариалдык-техникалык жактан көмөк көрсөтүп, сим-карта менен камсыздап турган", — деп айтылат маалыматта.

Жыйынтыгында тартип коргоо органдары төртөөнү тең кармап, ал эми уурдалган буюмдарды ээлерине кайтарып берген. Кыргызстандыктар вилладан алып чыгып кеткен оокаттардын наркы 219 миң дирхам (4 млн. 164 миң 869 сом) болгон.

Дубайдын биринчи инстанциядагы соту кыргызстандыктарды үч жылга эркинен ажыратып, андан соң мекенине депортация кылуу чечимин чыгарды. Ал эми төртүнчү киши беркилерге кошулганы үчүн эркинен ажыратылды.

Белгилер:
полиция, түрмө, сейф, уурулук, Дубай
Тема боюнча
Баланын виртуалдуу дүйнөдөгү коопсуздугун сактоонун 4 жолу аталды
Тапанчадан атып жаткан адам. Архив

Кара-Балтада аткыланган автоунаа. ИИМ жетекчилиги окуяны көзөмөлүнө алды

(жаңыланган 12:09 20.04.2021)
Арыздануучунун айтымында, түндө катуу чыккан үн угуп маани берген эмес. Эртең менен гана автоунаасы аткыланганын көргөн.

БИШКЕК, 20-апр. — Sputnik. Кара-Балтада белгисиз адамдар автоунааны аткылап кетишти. Бул тууралуу Чүй облустук ИИББден билдиришти.

Бүгүн, 20-апрелде, саат 08:00дөр чамасында Жайыл райондук ички иштер бөлүмүнө Б.Н. аттуу жарандын короодо токтоп турган унаасын белгисиз адамдар аткылап кеткени боюнча маалымат түшкөн. Жерине барган милиция кызматкерлерине 45 жаштагы Б.Н. түнкү саат 03:30дар чамасында катуу үн угуп, бирок маани бербегенин, эртең менен унаасын көргөндөн кийин гана милицияга кабарлаганын айткан. Toyota Camry үлгүсүндөгү унаага эки ирет ок чыгарылган.

Факт боюнча Кылмыш-жаза кодексинин 266-беренеси ("Бейбаштык") менен иш козголду. Тергөөнү ИИМ менен ИИББ жетекчилери көзөмөлдөөдө.

"Окуяга эмне себептен милициянын жетекчилиги көңүлүн бурду" деген суроого ИИББдин маалымат кызматы буга ок атуучу куралдын колдонулганы себеп болгонун билдирди.

ЖМКлардын маалыматына караганда, автоунааны саясий партиялардын биринин лидери аткылап кеткен. Айрым маалыматтар боюнча, кеп "Элдик-Народная" партиясын жетектеген Назми Бадалова жөнүндө болуп жатат.

Белгилер:
кылмыш иши, милиция, ок атуу, автоунаа, Кара-Балта
Тема боюнча
КЭДП Бишкек шаардык кеңешине өткөн шайлоо жарышынан четтетилди. Себеп
Айтматов проспектинде болгон жол кырсыгы

Бишкекте бир автоунаа үч машина менен кагышып, кишилер жабыркады. Видео

Учурда унаалардын бардыгы айып короого киргизилип, тийиштүү экспертиза дайындалды. Жабыркагандар тез жардам унаасы менен ооруканага жеткирилген.

БИШКЕК, 20-апр. — Sputnik. Түндө Бишкекте төрт унаа кагышкан жол кырсыгы катталды. Бул тууралуу Милициянын кайгуул кызматынын маалымат катчысы Байказы Айтикул уулу кабарлады.

Кырсык болгон жердеги видео "Короче" Telegram каналына жүктөлгөн. Кадрлардан айрым унаалардын талкаланып калганын көрүүгө болот.

Окуя 20-апрелге караган түнү саат 00:41де болгон.

Анда Toyota Camry автоунаасы Айтматов проспекти менен түштүктү көздөй бара жатып, ошол эле багытта бара жаткан Mercedes-Benz үлгүсүндөгү автоунааны сүзгөн. Андан кийин каршы тилкеде келе жаткан Hyundai Porter машинасы менен кагылышып, андан ары дагы ошол эле багытта бараткан Honda Torneo унаасын сүзүп токтогон.

Натыйжада каргашадан үч киши жабыркап, тез жардам унаасы менен ооруканага жеткирилген.

Учурда машиналардын бардыгы айып короого киргизилип, тийиштүү экспертиза дайындалды. Жол кырсыгынын себептери такталууда.

Белгилер:
милиция, жол кырсык, унаа, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Чүйдө төрт унаа кагышып, эки адам жабыркады. Кырсыктын видеосу
Чүйдө эки унаа кагышып, жети адам жаракат алды. Видео
Бишкек мэриясы. Архив

Бишкек мэриясы Айсулуу, Жоламан, Дарья баш болгон спортчуларды сыйлады

(жаңыланган 12:44 20.04.2021)
Мэрия спорттогу талыкпас эмгеги жана жетишкендиктери үчүн бир катар спортчуларга 100 миң сомдук, ал эми машыктыруучуларга 50 миң сомдук сертификаттарды ыйгарды.

БИШКЕК, 20-апр. — Sputnik. Бишкек мэриясы эл аралык аренада ийгилик жараткан шаардагы спорттук мектептердин тарбиялануучулары менен машыктыруучуларды сыйлаганын кабарлады.

Анда спортко талыкпас эмгеги жана спортту өнүктүрүүгө сиңирген эмгеги үчүн бир катар спортчулар 100 миң сомдук, ал эми машыктыруучуларга 50 миң сомдук сертификаттар берилди.

Мэрдин милдетин аткаруучу Бактыбек Кудайбергеновдун буйругу менен балбан кыздар Айсулуу Тыныбекова, Мээрим Жуманазарова жана Айпери Медет кызы, грек-рим күрөшүнүн балбандары Жоламан Шаршенбеков, Атабек Азисбеков жана Үзүр Жузупбековго, эркин күрөш чебери Эрназар Акматалиевге, жөө күлүк Дарья Масловага жана дзюдочу Владимир Золоевге 100 миң сомдук сертификат берилди.

Мэрдин милдетин аткаруучунун чечими менен спортчуларды таптаган машыктыруучулар Нурбек Изабеков, Хаким Махмудов, Уран Калилов, Кубат Мамбетов, Андрей Тупик, Рахмадил Жуманазаров, Ырысбек Мамышев, Абдужалил Юнусов, Татьяна Борисова 50 миң сомдук сертификат алышты.

Мындан сырткары, мэрия шаардын спортуна кошкон эмгеги үчүн баш калаадагы айрым спорттук мектептердин жетекчилерине ыраазычылык кат жана эстелик белектерди ыйгарганы маалым болду.

Белгилер:
сыйлоо, спортчу, Бишкек мэриясы, Бишкек
Тема боюнча
Кыргызстандык Эрназар Алматыдагы мелдеште мыкты ыкма жасаган спортчу болду. Видео
Атаандашы 7-раунддан кийин чыкпай койду. Боксчу Акжолдун жеңиши видеодо