Кишен. Архивдик сүрөт

Бычак ала чуркаганы видеого түшкөн киши убактылуу кармоочу жайга киргизилди

177
(жаңыланган 11:41 21.11.2019)
Эркек киши №2 троллейбустун жүргүнчүлөрүнө кол салууга аракет кылган. Бирок айдоочу транспортту токтотуп, милиция чакырууга жетишкен.

БИШКЕК, 21-ноя. — Sputnik. Бишкектин чок ортосунда бычак көтөрүп кармалган киши убактылуу кармоочу жайга киргизилди. Бул тууралуу шаар милициясынын маалымат кызматы билдирди.

Белгилей кетсек, 20-ноябрда Логвиненко көчөсү менен кубалашып бараткан эки кишинин видеосу тараган. Жолдон өтүп, экинчиси качып бараткан адамга жетип, жерге жыгылткандан кийин аларга милиционер жетип келет. Качкан киши бычак шилтеп, кутулуп кетет.

Ак үйдүн жанынан ал кайра кармалып, милиционерлер колуна кишен салып, кызматтык унаасы менен алып кетишкен.

Кийинчерээк эркек кишинин №2 троллейбуста келе жатып, жүргүнчүлөргө кол салууга аракет кылганы белгилүү болгон. Айдоочу транспортту токтотуп, милиция чакырууга жетишкен.

Бишкек ШИИБдин маалымат кызматы качкан адамдын артынан кубалагандар Биринчи Май райондук милициясынын кызматкерлери экенин билдирип, кармоого ички иштер министринин орун басары Алмазбек Орозалиев катышканын кошумчалады. Мындан тышкары, бычактан бир кызматкеринин жаракат алганы аныкталган.

Аталган факт Кылмыш-жаза колексинин 266-беренеси ("Бейбаштык") боюнча Кылмыш жана жоруктардын бирдиктүү реестрине каттоого алынды. Тиешелүү экспертизалар дайындалып, кармалган адамдын психикалык саламаттыгы текшерилип жатканы дайын болду.

Ошол эле күнү жергиликтүү ЖМКлар Бишкек троллейбус башкармалыгынын жетекчисине таянуу менен кол салууга аракет кылган адамдын психикалык абалы жайында эмес экенин жазган.

Ал эми эрежеге ылайык, психикасы жабыркаган, инфекциялык ооруларга кабылган жана тез арада медициналык жардамга муктаж бейтаптарды убактылуу кармоочу жайга киргизүүгө болбойт.

177
Белгилер:
экспертиза, троллейбус, бычак, милиция
Тема боюнча
Кыздардын мушташы. Аксы райондук билим берүү бөлүмүнүн башчысы иштен алынды
Москва дарыясынан сөөгү табылган кыргызстандыктар. Шектүү экинчи ирет кармалды

Жалал-Абад: эки киши дарыкананы тоногон учур видеого түшүп калган

91
(жаңыланган 22:54 26.01.2021)
Милициянын маалыматына караганда, дарыканага кирген кишилер кассадан 10,3 миң сом алып кетишкен. Ошондой эле сатуучунун сумкасынан 500 сом жана саатын алышкан.

Жалал-Абад ОИИБнин маалыматына караганда, аталган факты боюнча КР Жазык кодексинин 202-беренесине (“Каракчылык”) ылайык сотко чейинки өндүрүш ачылды.

Шектүү катары ошол эле шаардын 2000-жылы туулган эки жараны кармалды. Маалыматка караганда, алардын жанынан уурдалган нерселер табылып, эки айга камакка алынган.

Шектүүлөрдүн башка кылмыштарга тиешеси бары-жогу текшерилип жатат.

91
Белгилер:
уурулук, дарыкана, Жалал-Абад
Тема боюнча
Бишкекте кылмыштуу топтун "Карышкыр" каймана аты бар мүчөсү кармалды
Бишкекте каракчылыкка шектүү кармалып, үйүнөн курал табылды. Видео

Жетекчиси хан сарайлардын ээси. 4 ай маяна албаган жолчулар митингге чыкты. Видео

572
(жаңыланган 18:32 26.01.2021)
Төрт-беш айдан бери маяна ала албай жүргөн жолчулар Транспорт жана жолдор министрлигинин алдына митингге чыгышты. Алар суроо-талабын жетекчиликке жеткирүү үчүн ар кайсы облустан чогулуп келишкен.

Жолчулар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты.

Нарындын Ат-Башы районунда жол тазалап иштеген Жаңыбай Кенжебаев декабрдан бери айлыгын ала элек.

"Контордо иштегендер бизден мурда, ай сайын өз убагында алат. Алар жайкысын көлөкөдө, кышкысын жылуу кеңседе отурушат. Ал эми биз аба ырайынын ысык-суугуна карабай иштейбиз. Анан калса минтип маянабызды кечиктирип, аз-аздан берип коюп кыйнап жатышат. Акыры айлабыз кеткенде ушул жерге келдик. Мугалим, медик, милиционерлердин айлыгы көтөрүлдү, бирок негизги жумушту аткарган жолчулардыкы жогорулаган жок", — деди Кенжебаев.

Дагы бир жолчу Мырзабек Данияров күн жааганда түнкү саат 4:00дө эле жумушка чыгарын, кээде эки суткалап жолго кум чачып, күнү-түнү тазалап турушарын айтат.

Ал эми Нарын шаарында иштеген Жаныбек Асаналиев төрт айдан бери маяна ала элегин айтты.

"Ай сайын 2000, 3000, 5000 сомдон берип коёт. Эмгек өргүүгө чыккандар ага төлөнчү акчасын ала элек. Мына январь бүтүп калды. Сентябрь, октябрь, ноябрь, декабрь - төрт ай болуп жатат. Ошол төрт айдан бери айлык ала элекпиз", — деди Асаналиев.

Чогулгандардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады. Маянанын кечигүүсүн пандемияда министрликтин бюджети кыскартылганы менен түшүндүрдү.

Ал арада УКМК Жол чарба департаментинин директору Шабданбек Иманкуловду "мыйзамсыз байыган" деп кармады. Аткаминер төрт хан сарайга, Бишкектен 20 батирге, кымбат баалуу автоунааларга жана көптөгөн бодо малга ээлик кылары айтылды.

572
Белгилер:
кечигүү, төлөө, маяна, Жол чарба департаменти
Тема боюнча
Иш таштаган маршрутка айдоочулары. Үч компанияга эскертүү берилди
Бишкектеги маршрутка айдоочулары күнүнө канча акча табат? Видео
13 млн. сом коромжу болгон. Шектүү катары Эсеп палатасынын инспектору кармалды
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

0
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

0
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп