ӨКМ куткаруучулары. Архив

Кырсыктан кийин сөөктү алып чыгууга барган куткаруучуларды унаа коюп кетти

1217
(жаңыланган 11:05 22.11.2019)
Окуя 21-ноябрь күнү, Бишкек — Ош унаа жолунун 191-чакырымында (Жайыл районунда) болду. Mercedes-Benz Sprinter үлгүсүндөгү авто жол жээгинде токтоп турган фураны сүзгөн.

БИШКЕК, 22-ноя. — Sputnik. Суусамыр өрөөнүндө бус жүк ташуучу унааны сүзүп, жыйынтыгында бир эркек каза болуп, дагы төртөө жаракат алды. Бул тууралуу Өзгөчө кырдаалдар министрлигинен билдиришти.

Кырсык 21-ноябрь күнү Бишкек — Ош унаа жолунун 191-чакырымында (Жайыл районунда) болду. Mercedes-Benz Sprinter үлгүсүндөгү авто жол жээгинде токтоп турган фураны түзгөн.

Анын кесепетинен жеңил унаанын айдоочусу ошол жерден жан берип, экинчи машинанын айдоочусу жаракат алган.

"Сөөктү автоунаадан алып чыгуу үчүн жерине алты куткаруучу келген. Алар иштеп жатканда өтүп бараткан Lexus ӨКМдин автоунаасын артынан сүзүп, ордунан жылып кеткен атайын машина үч куткаруучуну каккан", — деп айтылат билдирүүдө.

Аталган факт Кылмыш жана жоруктардын бирдиктүү реестрине каттоого алынып, тиешелүү экспертизалар дайындалды.

1217
Белгилер:
куткаруучулар, ӨКМ, Чүй облусу
Тема:
2019-жылдын башынан бери Кыргызстанда болгон жол кырсыктар (265)
Тема боюнча
Чүйдө жеңил автоунаа трактор менен кагышып, бир адам көз жумду
Сууга түшкөн автоунаа. Архив

Өзгөндө дарыяга унаа кулап, эки адам каза болду. Жеринен тартылган сүрөттөр

59
(жаңыланган 17:43 17.05.2021)
ӨКМдин алдын ала маалыматы боюнча, айдоочу рулду башкара албай калган. Окуядан 56 жаштагы эки адам көз жумган.

БИШКЕК, 17-май — Sputnik. Ош облусунун Өзгөн районунда автоунаа дарыяга кулап, эки адам каза болду. Бул тууралуу ӨКМдин маалымат кызматы билдирди.

  • Упавшая в реку машина в Узгенском районе Ошской области
    Ош облусунун Өзгөн районунда автоунаа дарыяга кулап, эки адам каза болду
    © Фото / пресс-служба МЧС КР
  • Упавшая в реку машина в Узгенском районе Ошской области
    Кырсык райондун Ана-Кызыл айылында болгон
    © Фото / пресс-служба МЧС КР
  • Сотрудник МЧС КР в реке во время ДТП в Узгенском районе Ошской области
    Алдын ала маалыматтар боюнча, Toyota Ist маркасындагы унаанын айдоочусу рулду башкара албай дарыяга түшүп кеткен. Окуядан 56 жаштагы эки адам көз жумган
    © Фото / пресс-служба МЧС КР
1 / 3
© Фото / пресс-служба МЧС КР
Ош облусунун Өзгөн районунда автоунаа дарыяга кулап, эки адам каза болду

Кырсык райондун Ана-Кызыл айылында болгон. Алдын ала маалыматтар боюнча, Toyota Ist маркасындагы унаанын айдоочусу рулду башкара албай дарыяга түшүп кеткен. Окуядан 56 жаштагы эки адам көз жумган.

Куткаруучулар кишилерди жана унааны суудан чыгарышкан.

59
Белгилер:
ӨКМ, өлүм, Өзгөн, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Кызуу болчу. Иса Өмүркуловдун уулу себепкер болгон жол кырсыгынын чоо-жайы
Алайда 6 киши менен бараткан унаа оодарылып, айдоочу мүрт кетти. Сүрөт
Ош: үч ай ичинде жол кырсыктарынан 23 адам каза болду
Чек ара мунарасы. Архив

Ак-Сайга чек арачы менен УКМК кызматкери келген. Чек арадагы окуянын чоо-жайы

138
(жаңыланган 16:55 17.05.2021)
Бүгүн эртең менен кыргыз-тажик чек арасында эки тарап тең кишилерди барымтага алып, түшкө маал бошотушкан. Чырдын себебин УКМК айтып берди.

БИШКЕК, 17-май — Sputnik. Улуттук коопсуздук мамлекеттик комитетинин Чек ара кызматы Ак-Сай айылындагы болгон чыр-чатактын чоо-жайын айтты.

Эскерте кетсек, эртең менен чек арада кырдаал туруксуздашып жатканы, буга эки тараптын бир нече адамды барымтага алышы себеп экени айтылган.

Билдирмеге ылайык, Ворухтан Исфара шаарына бараткан маршруттук такси Ак-Сай айылына токтоп, ичиндеги үч киши түшүп калган. Аларды транзиттик жолдон өтүүнүн эрежелерин бузгандыгы үчүн укук коргоо органдарынын кызматкерлери кармаган.

Териштирүүдө алардын бири Тажикстандын УКМКсынын кызматкери экени, экинчиси Чек ара күчтөрүнүн аскер кызматкери экендиги аныкталган.

Ошол эле учурда Баткен районунун Тамдык жергесинен Ворух анклавы аркылуу Ак-Сай айылына бара жаткан кыргызстандык үч кишини коңшу өлкөнүн 30-40 адамдан турган тобу кармап алган.

Баткен жана Согди облустарынын башчылары сүйлөшүп, кармалгандарды алмашуу чечими кабыл алынган. Бирок алмашуу жүрө турчу жерге Ак-Сай айылы аркылуу баратканда Кыргызстандын жарандары Тажикстандын УКМКсынын Чек ара күчтөрүнүн аскер кызматкерлери бараткан унааны таш менен ургулашкан.

Бүгүн саат 13:30да эки өлкөнүн жарандары эки жакка өткөрүп берилген.

Ал эми буга чейин облус бийлиги барымтага алынгандар сабалганын да айткан. Баткендин милициясы муну тастыктап, жабыркагандар ооруканага жеткирилгенин белгиледи.

Эске сала кетсек, Ак-Сай айылы аркылуу Ворух анклавынан Исфара шаарына барган жол транзиттик болуп саналат. Бул жактан токтоосуз өтүүгө, адамдарды түшүрүүгө жана отургузууга, жүк жана башка мүлктү жүктөөгө жана түшүрүүгө тыюу салынат.

138
Белгилер:
кармоо, кызматкер, УКМК, Ак-Сай, Баткен, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Кыргыз-тажик чек арасында чырды ким баштаганын космостон тартылган сүрөт көрсөтөт
Депутат Алтынбек Сулайманов. Архив

Кумтөр бул рак! Депутат алтын кенин таптакыр жаап салууну сунуштады

0
(жаңыланган 18:23 17.05.2021)
Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

БИШКЕК, 17-май — Sputnik. Жогорку Кеңештин "Бир Бол" фракциясынын лидери Алтынбек Сулайманов Кумтөр кенин жаап салууну сунуштады.

Бүгүн, 17-май күнү, парламентте аталган ишкананы сырттан башкарууга алуу маселеси каралып жатат.

Эл өкүлү мындай сунушун экологияны сактап калуу керек деп түшүндүрүп, коңшу Кытай өлкөсүн мисал келтирди.

"Кытай 30 жылда бизге окшоп миллиард эмес, триллиондорду таап, бирок экологиясын талкалап алган. Эми 30 жыл иштеп, экономикасын көтөргөн акчанын баарын салса дагы кайра калыбына келтире албасын түшүндү. Азыр башкаларга экологияңарды сактагыла деп айтып жатат. Бүткүл дүйнө экологияны биринчи орунга коюп, жашыл экономиканы көздөй бара жатат", — деди депутат.

Сулаймановдун айтымында, Кумтөрдү кайсы тарап иштетсе дагы мындан ары өлкөнү зыянга гана учурата берет.

"Мамлекет начар менеджер" деп бекеринен айтылбайт. Өзүбүз иштетсек деле талап-тонолуп, экология ого бетер талкаланат. Биз жаратылышка каршы чыгып элдин, балдарыбыздын саламаттыгын садага чаап жатабыз. Кумтөр — бул рак, акырындык менен күчөп бара жатат. Аны азыр кесип алып салып, бул теманы жабышыбыз керек", — деди Сулайманов.

Анын ордуна эл өкүлү "дүйнө эли сыяктуу инновация жана башка тармактарды өнүктүрүп, акылдуу жаштардын "мээсин" пайдаланууга чакырды.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
сунуш, Алтынбек Сулайманов, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Кумтөр боюнча келишимдерге кол койгон аткаминерлердин тизмеси
Эки талапкер бар. "Кумтөр Голд Компани" ишканасын ким башкарышы мүмкүн