Коопсуздук кеңеши: өлкөдөн 700 млн. доллар чыгарылганы чын

© AFP / MARK WILSONБюро гравировки и печати банкнот в Вашингтоне
Бюро гравировки и печати банкнот в Вашингтоне - Sputnik Кыргызстан
Жазылуу
Буга чейин журналисттик иликтөөдө өлкөдөн 700 миллион доллар чыгарылганы айтылган. Ага ишкер Айэркен Саймаитинин катыштыгы бар болчу.

БИШКЕК, 25-ноя. — Sputnik. Текшерүүнүн натыйжасында Кыргызстандан 700 миллион доллардын чыгарылып кеткени анык болгон. Бул тууралуу Коопсуздук кеңешинин катчысы Дамир Сагынбаев маалымат жыйында билдирди.

Ал май айынын аягында журналисттик иликтөө чыгып, анда Саймаитинин 700 миллион доллардын чыгарылышына тиешелүүлүгү айтылганын эске салды. Бул иш боюнча Финпол иштей баштап, ишкер салык төлөөдөн баш тартканы үчүн издөөгө алынган.

"Баштапкы тергөө иштери башталып, салык боюнча текшерүүлөр жүргөн. Анын натыйжасында каражат чындап эле Кыргызстандан чыгарылганы аныкталып, Салык кызматы анын үстүнө 2,6 миллиард сом кошкон. Саймаитиге айып коюлуп, издөө жарыяланган", — деди Сагынбаев.

Белгилей кетсек, 2017-жылы ИИМ Саймаитини кытайлык жаранды 3 миллион 28 миң долларга алдады деп күнөөлөп, эл аралык издөө жарыялаган.

Секретарь Совета безопасности КР Дамир Сагынбаев - Sputnik Кыргызстан
Матраимов УКМКга чакыртылышы мүмкүн. Коопсуздук кеңешинин билдирүүсү
Быйыл сентябрда Экономикалык кылмыштуулукка каршы күрөшүү мамлекеттик кызматы да Саймаити эл аралык издөөгө алынганын маалымдап, чоо-жайын айткан эмес.

Эскерте кетсек, өткөн жумада эки ЖМКнын Кытайдан келген контрабанда боюнча биргелешкен иликтөөсү чыккан. Анда Матраимовдордун кланы дагы бир таасири күч клан — Хабибула Абдукадырдын үй-бүлөсү менен ишкерлик кылганы айтылат. Иликтөө Стамбул шаарында атып өлтүрүлгөн ишкер Айэркен Саймаитинин маалыматтарына негизделген. Анда Саймаитинин Абдукадырдын акчасын кантип адалдаштырганын айтып бергени баяндалат. Мында кеп 700 миллион доллар тууралуу болууда. Киши колдуу болор алдында Саймаити документтердин басымдуу бөлүгүн журналисттерге берип, коррупциялык схемалар тууралуу айткан. Бирок анын эң маанилүү делген документтерди берүүгө жетишпей калганы маалым болду.

 

Виджет news
Жаңылыктар түрмөгү
0