Кылмыш иши папкасы. Архивдик сүрөт

Саймаитинин ысымы канча кылмыш ишинде аталып жатканы айтылды

480
(жаңыланган 15:51 25.11.2019)
Бизнесмен Айэркен Саймаити 10-ноябрь күнү Стамбулда өлтүрүлгөн. Ага чейин журналисттерге Кыргызстандан 700 миллион долларды чыгарып кетүүгө катышканын айтып берген.

БИШКЕК, 25-ноя. — Sputnik. Айэркен Саймаитинин ысымы үч кылмыш ишинде аталып, экөөсү боюнча айыпталуучу катары каралып келген. Бул тууралуу Коопсуздук кеңешинин маалымат катчысы Дамир Сагынбаев билдирди.

Анын айтымында, Саймаити Кыргызстандын жараны болгон эмес, Эркин Самятов деген ат менен мыйзамсыз негизде ID-карта жана жалпы жарандык паспорт алып жүргөн. Ал бул документтерди 2014-жылы Мамлекеттик каттоо кызматынын Сузак району боюнча бөлүмүнөн алган.

"Аталган факты 2019-жылдын июль айында аныкталган. Күнөөлүү тарап белгилүү болду — ал Мамкаттоонун кызматкери. Учурда кылмыш иши Сузак райондук сотунун кароосунда. 2019-жылдын сентябрь айында Айэркен Саймаитиге карата мыйзамсыз негизде паспортту колдонуу (Кылмыш-жаза кодексинин 330-беренеси) фактысы боюнча материалдар өзүнчө өндүрүшкө алынган", — деди ал.

Сагынбаев ошондой эле "Азаттык" радиосунун биринчи иликтөөсүндө айтылган (700 миллион доллардын сыртка чыгарылып кетиши тууралуу) фактынын негизинде үстүбүздөгү жылдын июнь айында материалдар Кылмыш жана жоруктар жөнүндөгү бирдиктүү реестрге Кылмыш-жаза кодексинин 215-беренеси («Кылмыштуу акчаларды легалдаштыруу») боюнча каттоого алынганын белгиледи.

"Финпол тарабынан Саймаитинин акча которуулары боюнча документтер алынып, салык боюнча иликтөөлөр жүргүзүлгөн. Натыйжада 2013-жылдан 2017-жылга чейинки аралыкта Саймаитиге кирешеси үчүн 2 миллиард 602 миллион сом салык кошулган. Август айында Саймаити салык төлөөдөн качканы боюнча материалдар Кылмыш жана жоруктардын бирдиктүү реестрине каттоого алынып, өзүнчө өндүрүшкө алынган", — деди Сагынбаев.

Август айынын аягында Саймаити Кылмыш-жаза кодексинин 231-беренеси («Бюджетке ири суммадагы салыкты төлөөдөн качуу») боюнча шектелип жатканы тууралуу сыртынан билдирүү берилген. Ошондой эле Биринчи Май райондук сотунун токтому менен сыртынан камакка алынган.

Эске салсак, буга чейин ИИМ Саймаити Кыргызстанда өзүнүн өнөктөшүн 3 миллион 268 миң сомго алдап кеткенин маалымдап, эл аралык издөө жарыяланганын кабарлаган

Ал эми Саймаити киши колдуу болгондон кийин ага жасалган коркутуу фактысы боюнча иш козголгон

Белгилей кетсек, эки ЖМКнын Кытайдан аткезчилик жолу менен алып келинген товарлар жөнүндө биргеликте жасаган иликтөөсү коомчулукту дүрбөлөңгө салды. Андагы маалыматка караганда, Матраимовдордун үй-бүлөсү Хабибула Абдукадыр аттуу уйгур менен биргеликте бизнес жасап жүрүшкөн. Материал 10-ноябрда Стамбулда киши колдуу болгон Айэркен Саймаити берген маалыматтардын негизинде даярдалган. Иликтөөдө Саймаити өлөр алдында Кыргызстандын бажысындагы коррупция тууралуу маалыматтарды берүүгө үлгүргөнү айтылган.

480
Белгилер:
факты, ИИМ, кылмыш, Айеркен Саймаити
Тема:
Ишкер Айэркен Саймаитинин Түркияда өлтүрүлүшү (40)
Тема боюнча
Саймаитиге жасалган коркутуу фактысы боюнча иш козголду
Айэркен Саймаитини атып кеткен учурдун видеосу
Дары-дармек. Архивдик сүрөт

Ошто дарыга ууланып каза болду делген кыз боюнча иш козголду

147
(жаңыланган 21:44 12.08.2020)
Алдын ала маалымат боюнча, маркум өзү иштеген жайдагы дарыга ууланган. Ал ооруканага эс-учун билбей келген.

БИШКЕК, 12-авг. — Sputnik. Ош шаарындагы дарыканада дарыга ууланып каза болду делген кыз боюнча кылмыш иши козголду. Бул тууралуу Ош шаардык ички иштер башкармалыгынын маалымат катчысы Абсаттар Тавакалов Sputnik Кыргызстан агенттигине билдирди.

Окуя кечээ, 11-август күнү, Ош шаарындагы дарыканалардын биринде болгон. Облустук оорукананын башчысынын орун басары Кадырбек Бөрүбаев билдиргендей, дарыканада иштеген К.З. аттуу кыз эс-учун жоготуп, оор абалда облустук бириккен клиникалык ооруканасына саат 9:00дөр чамасында келип түшкөн.

Бирок өзүнө келбей саат 16:45терде каза болгон.

Бишкек — Ош жолунда эки бензовоз өрттөнүп, бир киши каза болду. Видео

Дарыгерлердин алдын ала койгон аныктамасына ылайык, маркум өзү иштеген жайдагы дарыга ууланган.

Кыздын өлүмү боюнча соттук-медициналык экспертиза дайындалган.

Аталган окуя Кылмыш жана жоруктардын бирдиктүү реестрине Жазык кодексинин 266-беренеси менен катталган.

Учурда иликтөө иштери жүрүп жатат.

147
Белгилер:
кылмыш иши, маркум, кыз, дары, дарыкана, Ош
Тема боюнча
Ноокаттагы көмүр шахтасында бир киши газга ууланып каза тапты
Бензовоздун жарылуусунун кесепети. Иллюстративдик сүрөт

Бишкек Ош жолунда эки бензовоз өрттөнүп, бир киши каза болду. Видео

355
(жаңыланган 19:10 12.08.2020)
Кырсыктын бири Чычкан капчыгайында болсо, экинчи автоунаа Ала-Белде оодарылып кетти. Жыйынтыгында бир киши көз жумду.

БИШКЕК, 12-авг. — Sputnik. Бүгүн Бишкек — Ош автожолунда эки бензовоз кырсыктап, өрттөнүп кетти. Бул тууралуу ӨКМдин маалымат кызматынан билдиришти.

Окуя болгон жерде тартылган видеолор "Короче" Тelegram-каналына жүктөлдү.

Биринчи окуя Токтогул районундагы Чычкан капчыгайында катталды. Бишкек — Ош унаа жолунун 239-чакырымында күйүүчү май ташыган оор жүк ташуучу унаанын прицеп-цистернасынан өрт чыккан.

"Өрттү өчүрүүгө саат 12:19да Токтогул райондук №97 Өрт-куткаруу кызматынан бир бөлүм тартылган. Бирок от куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан тогуз кызматкер тартылган. Унаалардын өтүүсү жол инспекторлору тарабынан көзөмөлдөнүүдө", — дешти ӨКМден.

Экинчи кырсык Ала-Белде болгон. Саат канчада жана кандай жагдайда болгону такталып жатат. Азырынча өрттөнгөн автоунаанын ичинде бир адам каза болгону белгилүү.

355
Белгилер:
ӨКМ, автоунаа, өрт, Жалал-Абад, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте кафеден өрт чыкты. Видео
Эс алам деп... Хакасиядагы жол кырсыгында кыргызстандык жигиттер каза болду
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

0
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

0
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт