Кишен. Архивдик сүрөт

УКМК аймак аралык касташууну козутту деп интернет колдонуучуну кармады

300
(жаңыланган 11:32 27.11.2019)
УКМКнын айтымында, А.Ж. аттуу жаран чагымчыл жана учурдагы өкмөттү жамандаган маалыматтарды социалдык тармактагы колдонуучулар арасына жайылтып, массалык нааразычылык актыларын уюштурууга үндөгөн.

БИШКЕК, 27-ноя. — Sputnik. Аймактар аралык касташууну козутууга шектелип социалдык тармактын активдүү колдонуучусу А.Ж. аттуу адам кармалды. Бул туурасында УКМКнын маалымат кызматы билдирди.

Ага ылайык, интернет колдонуучу ушул жылдын 24-ноябрында УКМКнын Башкы тергөө башкармалыгы тарабынан кармалып, тергөө абагына киргизилген.

"А.Ж. жалган, чагымчыл жана учурдагы өкмөттү жамандаган маалыматтарды социалдык тармактагы колдонуучулардын арасына жайылтып, массалык нааразычылык актыларын уюштурууга үндөгөн. Натыйжада колдонуучулар арасында терс ойлор туулуп, аймактар аралык касташууну жараткан", — деп айтылат маалыматта.

Учурда "А.Ж." Кылмыш-жаза кодексинин 313-беренесинин 2-бөлүмү ("Аймактар аралык касташууну козутуу") боюнча кылмышка шектелип, тергөө иштери жүрүп жатат.

300
Белгилер:
тергөө, камак, кармоо, колдонуучу, интернет, УКМК
Тема боюнча
Бир машинадан 100-200 доллар алган. УКМК "Унаа" ишканасынын кызматкерин кармады
Райондук оорукана

Россияда көпүрө кырсыгынан жабыркаган кыргызстандыктардын саны 51ге жетти

211
(жаңыланган 18:56 27.09.2020)
Медициналык жардамды ыкчам көрсөтүү үчүн айрым бейтаптар райондук ооруканаларга тик учак менен жеткирилген.

БИШКЕК, 27-сен. — Sputnik. Москва облусунда көпүрө кырсыгынан жабыркаган кыргызстандыктардын саны 51ге жетти. Бул тууралуу Кыргызстандын Россиядагы элчилигинен маалымдашты.

Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан кыргыз жарандары жабыркаганы айтылган.

Кырсыктан жапа чеккен мекендештердин ичинен төртөөнүн абалы оор. Каза болгондор катталган эмес.

"Элчиликтин кызматкерлери менен "FM LOGISTIC" компаниясынын жетекчилиги сүйлөшүп, жыйынтыгында компания кырсыктаган бардык КР жарандарына материалдык жактан колдоо көрсөтүп, медициналык камсыздандыруу алып берүүнү убадалады. Азыркы тапта тиешелүү тараптардын өкүлдөрү оор абалдагы бейтаптардан кабар алуу үчүн Красногорск жана Солнечногорск шаарларындагы ооруканаларга чыгып кетишти. Медициналык жардамды ыкчам көрсөтүү үчүн айрым бейтаптар ооруканага тик учак менен жеткирилген",— деп айтылат маалыматта.

Жабыркагандар мындан тышкары Ступино, Чехов, Серпухов, Подольск, Коломна, Домодедово райондук ооруканаларына да жаткырылганы кошумчаланды.

Окуя болгон жерде элчиликтин консулу Россиянын прокуратура, тергөө комитети жана Москва РИИБ өкүлдөрү менен жолугуп, ишти объективдүү иликтеп, күнөөлүүлөрдү жоопкерчиликке тартууну өтүнгөн.

Россияда кыргызстандыктар жабыркаган кырсыктын болжолдуу себеби айтылды

Мындан сырткары, элчилик Россиянын Тергөө комитетине, Башкы прокуратурасына жана Ички иштер министрлигине атайын каттарды жибергени кабарланды.

Маселени КРдин Россиядагы элчиси Аликбек Жекшенкулов жеке көзөмөлүнө алды.

211
Белгилер:
жардам, иликтөө, көпүрө, кырсык, мекендештер, жаран, Россия
Тема боюнча
Кулаган учактан аман калган курсанттын атасы: мен дагы үч жолу кырсыктагам
Москва облусунда кыргызстандыктар жабыркаган көпүрө кырсыгы

Россияда кыргызстандыктар жабыркаган кырсыктын болжолдуу себеби айтылды

178
(жаңыланган 17:25 27.09.2020)
Аталган ишканада жалпысынан 149 кыргыз жараны иштечү. Алардын баарында тең медициналык жана башка камсыздандыруусу жок болуп чыкты.

БИШКЕК, 27-сен. — Sputnik. Москва облусунда кыргызстандыктар жабыркаган көпүрө кырсыгына жүктүн нормадан ашып кетиши же тетиктердин эскирип калышы себеп болушу мүмкүн. Бул тууралуу облустун Тергөө башкармалыгына шилтеме берип РИА Новости жазды.

"Кырсыкка себеп болчу бир нече версия каралып жатат. Мисалы, жүктүн нормадан ашып кетиши же тетиктердин эскилиги себеп болушу ыктымал”, — деп айтылат билдирүүдө.

Учурда ишкананын документациясы алынып, иликтөө иштери жүрүп жатат.

Эске салсак, Россиянын Москва облусундагы "ФМ Сидорово" логистикалык ишканасында жөө адамдар өтүүчү көпүрө урап, Кыргызстандын 49 жараны жабыркаган. Жабыркаган мекендештердин ичинен төртөөнүн абалы оор, каза болгондор жок.

Кулаган учактан аман калган курсанттын атасы: мен дагы үч жолу кырсыктагам

Аталган ишканада жалпысынан 149 кыргыз жараны иштечү. Алардын баарында тең медициналык жана башка камсыздандыруусу жок болуп чыкты. Элчилик жабыркаган кыргызстандыктарга материалдык компенсация төлөтүп берүү боюнча иштеп жатат. Маселени КРдин Россиядагы элчиси Аликбек Жекшенкулов жеке көзөмөлүнө алган.

178
Белгилер:
кырсык, көпүрө, Россия
Тема боюнча
Казакстан Россиядагы кыргызстандыктарга "жашыл коридор" ачууга макул болду
Бишкектеги жаштар аллеясы. Архив

Дүйшөмбүгө карата аба ырайы

0
(жаңыланган 21:23 27.09.2020)
28-сентябрда түнкүсүн Чүй облусунун кээ бир райондорунда жамгыр, тоолуу аймактарында кар жаайт, калган өрөөндөрдө жаан-чачын күтүлбөйт.

БИШКЕК, 27-сен. — Sputnik. Дүйшөмбү күнү, 28-сентябрда күндүз республиканын тоо этектеринде жамгыр, тоолуу райондорунда жаан, кар, бийик тоолуу жерлеринде кар жаайт. Ал эми өрөөндөрдө жана Талас облусунда күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарынын кээ бир райондорунда 15-20 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жергесинде +14...+19, Ош, Жалал-Абад облустарында +20...+25, Баткенде +19...+24, Ысык-Көл аймагында +13...+18 градус болот.

Күндүн табы борбор калаа Бишкекте +17...+19, Ош калаасында +23...+25 градуска жетет.

0
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы