Аламүдүндө жай тургундун үйүнө кирген кылмышкерлер уулун өлтүрүп кетишти

© Sputnik / Табылды КадырбековАрест подозреваемого в преступлении в КР
Арест подозреваемого в преступлении в КР - Sputnik Кыргызстан
Жазылуу
Милиция төрт шектүүнү колго түшүрүп, сүрөтүн жарыялады. Алар Бишкек милициясынын убактылуу кармоо жайына киргизилди.

БИШКЕК, 30-ноя. — Sputnik. Аламүдүн районунда адам өлтүрүүгө шектелип төрт бала кармалды. Бул тууралуу Чүй облустук милициясынан билдиришти.

Кечээ, 29-ноябрда, милицияга Ала-Арча айылында адам өмүрүнө кол салуу фактысы боюнча билдирүү келип түшкөн. Жерине барган укук коргоочулар кечки саат 20.30дар чамасында 46 жаштагы жергиликтүү тургундун үйүнө болжолу 25-30 жаштагы бейтааныш төрт киши кирип кол салганын аныкташкан. 

© Фото / пресс-служба ГУВД Чуйской областиАламүдүн районунда адам өлтүрүүгө шектелип төрт бала кармалды
Аламүдүндө жай тургундун үйүнө кирген кылмышкерлер уулун өлтүрүп кетишти - Sputnik Кыргызстан
Аламүдүн районунда адам өлтүрүүгө шектелип төрт бала кармалды
"Медициналык бет кап кийген кишилер үй ээлери каршылык көрсөткөндүктөн 19 жаштагы О.Э. аттуу уулуна бычак сайып кетишкен. Натыйжада жабырлануучу ооруканадан жан берген. Ал эми кылмышкерлер качып кеткен", — деп айтылат маалыматта.

Курал көтөргөн адам. Архив - Sputnik Кыргызстан
Арак доолаган айылдашын аткылап... Чүйдөгү окуя боюнча өкүм чыкты
Аталган факты Кылмыштардын жана жоруктардын бирдиктүү реестрине Кылмыш-жаза кодексинин 130-беренеси ("Адам өлтүрүү") боюнча каттоого алынган.

Ыкчам тергөө иш-аракеттеринин негизинде бүгүн, 30-ноябрда, кылмышка шектелип 19 жаштагы Б.С., 21 жаштагы Р.Б. менен М.Ж. жана 18 жаштагы Ч.Ш. аттуу балдар колго түшкөн.

Учурда кармалгандар Бишкек ШИИББдин убактылуу кармоо жайына киргизилип, соттук-медициналык экспертиза дайындалды.

Жаңылыктар түрмөгү
0