ТЭЦ боюнча сот

ТЭЦ боюнча сот: төрт аткаминер бошотулду

3012
(жаңыланган 23:49 06.12.2019)
Бишкек ТЭЦин реконструкциялоодогу коррупцияга тийиштиги бар деп айыпталгандар боюнча Свердлов райондук сотунун өкүмү чыкты.

БИШКЕК, 6-дек. — Sputnik. Бишкек ТЭЦин реконструкциялоодогу коррупцияга тийиштиги бар деп айыпталгандар боюнча Свердлов райондук сотунун өкүмү чыгып, төрт киши ар кандай негиздер менен сот залынан бошотулду.

Өкүмдү Свердлов райондук сотунун судьясы Инара Гилязетдинова чыгарды.

Бишкек ТЭЦин модернизациялоо боюнча долбоордун аткаруучу директору Темирлан Бримкулов менен аталган ишкананын директорунун мурдагы биринчи орун басары Жолдошбек Назаров 2,5 жылга соттолду. Бирок тергөө абагында отурган күндөрү эсептелип, сот залынан бошотулду. 

Освобождение из зала Свердловского районного суда директора группы по управлению модернизацией Темирлана Бримкулова (приговор — 2,5 года лишения свободы) по делу о коррупции при модернизации столичной ТЭЦ.
© Sputnik / Табылды Кадырбеков
Бишкек ТЭЦин модернизациялоо боюнча долбоордун аткаруучу директору Темирлан Биримкуловду бошотуу

Мурдагы энергетика жана өнөр жай министри Осмонбек Артыкбаевдин абалын эске алуу менен жеңилдетилген жаза берилди.

"Артыкбаев мамлекетке 100 миллион сом кайтарып берсин. Кылмыш-жаза кодексинин 304-беренеси менен 50 миң эсеп көрсөткүчү (5 миллион сом) боюнча айып салынсын. Мамлекеттик кызматтарда үч жылга чейин иштебесин", — деп айтылды өкүмдө.

Ал эми мурдагы финансы министри Ольга Лавровага 3 миллион сом өлчөмүндө айып салынып, бошотулду.

Эскерте кетсек, буга чейин УКМК Бишкек ТЭЦин модернизациялоодогу коррупция фактысы боюнча козголгон кылмыш иштин тергөөсү аяктаганын билдирген. Натыйжада Сапар Исаков башында турган бир катар кызмат адамдары бийлигинен пайдаланып, TBEA компаниясы менен мамлекеттин кызыкчылыгына төп келбеген келишим түзгөнү аныкталган.

Бүгүнкү отурумда Сапар ИсаковгоЖантөрө СатыбалдиевгеСалайдин Авазовго, Айбек Калиевге өкүм чыкты.

3012
Белгилер:
өкүм, сот, коррупция, ТЭЦ, Бишкек, Ольга Лаврова, Осмонбек Артыкбаев
Тема:
ТЭЦ боюнча козголгон кылмыш иштер жана кармалгандар (70)
Тема боюнча
Жантөрө Сатыбалдиев 7,5 жылга кесилди
Сот Сапар Исаковду 15 жылга кести
Айбек Калиев 15 жылга соттолуп, мүлкү конфискацияланат
Колуна кишен тагылган киши. Архивдик сүрөт

Интерпол аркылуу изделген Түркиянын эки жараны Кыргызстанда кармалды

143
(жаңыланган 16:40 13.08.2020)
Кыргызстанда оор кылмыштар үчүн эл аралык издөөдө жүргөн эки чет элдик кармалды. Алардын бири өлкөдө 15 жылдан бери жашап жүргөнү белгилүү болду.

БИШКЕК, 13-авг. — Sputnik. Интерпол аркылуу издөөдө жүргөн Түркиянын эки жараны Кыргызстанда колго түшүрүлдү. Бул тууралуу Ички иштер министрлигинен билдиришти.

Биринчиси 32 жаштагы Ч.О. аттуу жаран. Ал 2011-жылы өспүрүмгө карата сексуалдык зомбулук жана кишини барымтада кармоо беренелери менен айыпталган. Интерпол аркылуу ушул жылдан баштап изделип жаткан.

Насыя үчүн аялын өлтүрө сабаган зөөкүр. Июлдагы соттук чечимдер

Экинчиси 62 жашта, Түркияда дайынсыз жоголуп кеткен адам катары 2010-жылдан бери изделип келген.

"Алдын ала маалыматтарга караганда, бул киши Кыргызстанга 2005-жылы келип, ар кайсы жерлерде жашап жүргөн", — деп айтылат билдирүүдө.

Эки учур боюнча тең издеп жаткан тарапка маалымат берилип, мындан аркы кадамдар күтүлүүдө.

143
Белгилер:
издөө, ИИМ, Түркия, Кыргызстан
Тема боюнча
Бишкек: үйдөн сейфти 2,5 млн сому менен көтөрүп кетти деген шектүүлөр кармалды
Минск шаарындагы милиция кызматкерлери

Минскиде эл менен кагылышуудан 100дөн ашуун милиция жабыркады

160
(жаңыланган 16:22 13.08.2020)
9-13-август күндөрү жалпысынан 103 кызматкер жабыркап, 28и ооруканага түштү. Тартип сакчыларына карата агрессия дагы деле сакталууда.

БИШКЕК, 13-авг. — Sputnik. Беларустагы нааразычылык акциялары учурунда күч органдарынын 100дөн ашуун кызматкери жабыркады. Бул тууралуу өлкөнүн Ички иштер министрлигине таянып РИА Новости жазды.

"Митингге чыккандардын катары акырындык менен суюлуп бара жатат. Бирок тартип сакчыларына карата агрессия сакталууда. 9-13-август күндөрү жалпысынан 103 кызматкер жабыркап, 28и ооруканага түштү", — деп жазылат кабарда.

Мындан тышкары, өткөн суткаларда мыйзамсыз аракеттерге барды деген айып менен 700дөй жаран кармалган.

Минскиде милиция демонстранттарды борбордон сүрүп чыга баштады

Эске салсак, Беларусь республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган. Тургундар менен укук коргоо органдарынын ортосунда кагылышуу болуп, бир адам көз жумган. Мындан тышкары, жүздөгөн адам кармалып, көп киши медицина кызматкерлеринин жардамына муктаж болгону айтылган.

Өлкөнүн Борбордук шайлоо комиссиясы (БШК) жекшембиде өткөн президенттик шайлоонун расмий жыйынтыгын жарыялап, анда учурдагы мамлекет башчысы Александр Лукашенко 80,08 пайыз добуш менен жеңип чыкканы белгилүү болгон.

160
Белгилер:
жабырлануучу, милиция, митинг, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенконун атаандашы Тихановскаяны коопсуз жайга алып чыгып кетишкен
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

0
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

0
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн