Бычак жана акча. Архивдик сүрөт

Чүйдө чет элдик жаран тонолду. Шектүүлөрдүн арасында келин бар. Сүрөт

317
(жаңыланган 17:01 10.12.2019)
Чет өлкөдөн келген жаран жашаган үйгө бейтааныш адамдар кирип келип, 70 миң сомдон ашык акчасын жана короодо токтоп турган Ford Mondeo автоунаасын алып кетишкен.

БИШКЕК, 10-дек. — Sputnik. Чүйдө чет элдик жаранды тоногон деп кармалган шектүүлөрдүн арасында бир келин бар. Бул тууралуу облустук милициянын маалымат кызматынан кабарлашты. 

Подозреваемые в грабеже иностранного гражданина в одном из сел Сокулукского района
© Фото / пресс-служба ГУВД Чуйской области
Чүйдө чет элдик жаранды тоногон деп кармалган шектүүлөр

Билдирүүгө караганда, 5-декабрь түнү саат 1.40тар чамасында Сокулук райондук милициясына кабар түшкөн. Жерине барган ыкчам-иликтөө тобу 49 жаштагы чет өлкөлүк жаран тонолгонун каттаган.

Жабырлануучунун айтымында, ал жашап жаткан үйгө бейтааныш адамдар кирип келип, 70 миң сомдон ашык акчасын жана короодо токтоп турган Ford Mondeo автоунаасын алып кетишкен.

Аталган факт Жазыктар кодексинин 202-беренеси ("Каракчылык") менен Кылмыштардын жана жоруктардын бирдиктүү реестрине катталган.

Райондук милиция ыкчам-иликтөө иштерин жүргүзүп, жыйынтыгында 24 жана 33 жаштагы эки эркек жана 31 жаштагы аял кармалды. Ал эми кылмышкерлер алып кеткен автоунаа Нарын облусунун Жумгал районунда табылган.

Шектүүлөр Бишкек шаарындагы №1 тергөө абагына киргизилди.

317
Белгилер:
тоноо, Чет элдик, милиция, Чүй облусу
Тема боюнча
Түндө чатырдан кирген. Кызыл-Кыяда авиакассаларды тоногон делген жаран кармалды
Аэропорттон жасалма кыргыз паспорту менен келген өзбек жараны кармалды
Жол кырсыкка кабылган унаа. Иллюстративдик сүрөт

Бишкекте эки машина кагышып, бири оодарылып калды. Видео

213
(жаңыланган 21:29 24.10.2020)
Каргаша бүгүн кечинде Гагарин менен Руставели көчөлөрүнүн кесилишинде болгон. Анда эки автоунаанын кагышып кеткени айтылды.

БИШКЕК, 24-окт. — Sputnik. Бишкекте автоунаа жол кырсыгына кабылгандан кийин оодарылып калганын "Короче" Telegram-каналы кабарлады.

Окуя бүгүн болжол менен саат 19.30дарда Гагарин менен Руставели көчөлөрүнүн кесилишинде жайгашкан май куюучу жайдын жанында болгон.

Милиция кырсык болгонун тастыктады. Алдын ала маалыматтар боюнча, жабыркагандар бар.

213
Белгилер:
милиция, автоунаа, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Кырсыктарды алдын алуу үчүн Алматыда өзгөчө жол белгисин чийүү пландалууда
Оштогу жол кырсыгында өрт чыгып, беш киши жабыркады. Сүрөттөр
Катуу соккудан автоунаа тегеренип кеткен. Бишкектеги жол кырсыктын видеосу
Тирүү сүлүк курт. Архивдик сүрөт

Кытай: дарыгерлер баланын кекиртегинен тирүү сүлүк куртту алып чыкты. Видео

214
Бала дем алуусу кыйындап, башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

БИШКЕК, 24-окт. — Sputnik. Кытайда дарыгерлер беш жаштагы баланын кекиртегинен тирүү сүлүк курт алып чыгышты. Бул тууралуу The Daily Mail жазды.

Медиктер анын организмге бир жыл мурда кирип кеткенин аныктаган.

​Бала дем алуусу кыйындап жана башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

Кишинин тамагына кирип алган сүлүк курттун видеосу. Кытайдагы окуя

Медициналык текшерүүдөн өткөрүп жаткан кезде бөбөктүн башынан узундугу чоң кишинин алаканындай болгон тирүү сүлүк куртту таап чыгышкан. Дарыгерлердин айтымында, курт организмге кир сууну ичкенде кирип кеткен.

Ак халатчандар баланын кекиртегиндеги куртту алып чыгып, башка ата-энелерге да сак болууну эскерткен.

214
Белгилер:
дарыгер, баш, бала, сүлүк курт, Кытай
Тема боюнча
Казакстанда 13 жаштагы кыздын ашказанынан шар сымал чач чыкты. Видео
Сүлүк курт адамдын мурдуна жана кызыл өңгөчүнө кирип кетет
Ооруканадагы бөлмө. Архив

COVID-19: Бишкекте бош оруну бар ооруканалардын тизмеси

0
(жаңыланган 10:42 25.10.2020)
Ооруканаларда мурдагы күндөргө салыштырмалуу орундар азайганы байкалды. Акыркы маалыматтар боюнча, эң көп бош орун Кардиология борбору менен №1 шаардык клиникалык ооруканасында бар.

БИШКЕК, 25-окт. — Sputnik. Саламаттык сактоо министрлиги коронавирус жуктуруп алгандарды жаткыруу үчүн Бишкектеги бош оруну бар ооруканалардын тизмесин жарыялады.

25-октябрь күнү саат 8:00гө карата берилген маалыматка ылайык, ооруканаларда 121 бош орун бар.

  • Кыргыз-түрк "Достук" ооруканасы — 5;
  • Улуттук фтизиатрия борбору — 5;
  • Улуттук хирургия борбору — 5;
  • Улуттук госпиталь — 17;
  • Улуттук кардиология жана терапия борбору — 28;
  • №1 шаардык клиникалык оорукана — 19;
  • Республикалык жугуштуу илдеттер ооруканасы — 10;
  • Темир жол ооруканасы — 6;
  • Эне жана баланы коргоо улуттук борбору — 13;
  • Улуттук онкология жана гематология ооруканасы — 6;
  • №2 клиникалык төрөт үйү — 16.
0
Белгилер:
бош орундар, дарт, коронавирус, оорукана, Бишкек
Тема:
Коронавируска байланыштуу Кыргызстандагы кырдаал
Тема боюнча
Өтө катаал айлар келе жатат. ДССУ башчысы мектептерди жабууга чакырды