Уруш. Архивдик сүрөт

Булар коркуткан эмес беле? Москвада мекендештерин тоногондор кармалды. Видео

825
(жаңыланган 17:34 18.12.2019)
Быйыл декабрь айында ИИМдин Россиядагы өкүлчүлүгүнө Кыргызстандын 36 жаштагы жараны кайрылып, Москва шаарынын Нижегородская көчөсүнөн белгисиз адамдар байкесин уурдап кетишкенин айткан.

БИШКЕК, 18-дек. — Sputnik. Кыргызстандын ИИМинин Россиядагы өкүлчүлүгү алардын укук коргоо органдары менен биргеликте Москва шаарында мекендештерин коркутуп, сабап, тоноп жүргөн кишилерди кармады. Бул тууралуу ИИМдин маалымат кызматы билдирди.

Ага ылайык, КР Ички иштер министрлигинин Россиядагы өкүлчүлүгүнө азиат түспөлүндөгү белгисиз адамдар өз мекендештерин ар кандай шылтоолор менен тоноп, опузалап, акча талап кылып жүрүшкөнү жөнүндө ыкчам маалымат түшүп турган.

"Быйыл декабрь айында ИИМдин Россиядагы өкүлчүлүгүнө Кыргызстандын 36 жаштагы жараны кайрылып, Москва шаарынын Нижегородская көчөсүнөн белгисиз адамдар байкесин уурдап кетишкенин айткан. Андан соң кылмышкерлер ал адамды токойго алып барып, бычак менен денесине залал келтирип 200 000 рубль талап кылышкан. Андан кийин ай сайын "100 000 рубль берип турасың" деп коркутушкан", — деп айтылат маалыматта.

12-декабрда акчаны алып жаткан жеринен Кыргызстандын оор кылмышка шектелген  жарандары кармалган. Алар:

  • 1997-жылы туулган Н.А., Ош облусунун Алай районунун тургуну;
  • 1999-жылы туулган М.М., Ош облусунун Өзгөн районунун тургуну;
  • 1997-жылы туулган Ш.И., Ош облусунун Өзгөн районунун тургуну;
  • 1988-жылы туулган И.Д., Ош облусунун тургуну.

Кармоо учурунда шектүүлөр катуу каршылык көрсөткөн. Окуя болгон жерден акча, 3 бычак алынып, кылмыш ишинин материалына тиркелген.

Кармалган жарандар тергөөнүн аягына чейин Москва шаарынын тергөө абагына киргизилди.

Азыркы учурда жогорудагыдай кылмыш иштерин тактоо жана аларды жасоого тиешеси барларды аныктоо боюнча тергөө жана ыкчам-иликтөө иш-чаралары жүрүп жатат.

Ушуга байланыштуу ИИМдин Россиядагы өкүлчүлүгү жогорудагы адамдардан жабыр тарткандар болсо же кандайдыр бир маалыматтарды билсе, өкүлчүлүктүн +7 (926) 890-87-00 ишеним телефонуна чалууну суранат.

825
Белгилер:
опузалоо, тоноо, Россия
Тема боюнча
Милиция кыйнаса кайда кайрылуу керек. Телефондордун тизмеси
Дүкөн алдында сабалгандар. Шектүү бир туугандардын абактагы мөөнөтү узарды
Кишендер. Архив

Төрт айдын ичинде Кыргызстанда 8 миң киши кылмышка барган

9
Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

БИШКЕК, 24-июн. — Sputnik. Үстүбүздөгү жылдын төрт айында республика боюнча кылмыштуулуктун саны 31 пайызга өстү. Январь-апрель айларында өлкөдө 8 миңге жакын адам кылмыш кылганын Башкы прокуратурага шилтеме берип Улуттук статистика комитети жазды.

"Төрт айда Кыргызстанда 17,5 миң кылмыш катталган. Бул 2020-жылдын ушул учуруна салыштырмалуу 31 пайызга көп дегенди түшүндүрөт. Кылмыштардын 60 пайызы Бишкек шаарында жана Чүй облусунда жасалган", — деп айтылат билдирүүдө.

Кылмыштын көбөйгөн түрлөрү:

  • алдамчылык — 1,7 эсеге;
  • уурулук — 30 пайызга;
  • тоноо – 10 пайызга;
  • адам өлтүрүү — 21 пайызга;
  • зордуктоо жана зордуктоо максатында кол салуу — 17 пайызга;
  • ден соолукка анча оор эмес зыян келтирүү – 11 пайызга;
  • кызмат абалынан кыянаттык менен пайдалануу — 21 пайызга;
  • ишенип берилген мүлктү ыйгарып алуу же чыгымдоо — 2,3 эсеге;
  • паракорлук — 14 пайызга;
  • баңгизаттарды мыйзамсыз жүгүртүү — 29 пайыз.

Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

9
Белгилер:
статистика, өсүү, кылмыш, Кыргызстан
Тема боюнча
Военно-Антоновкадагы балдар үйүндө көз жумган өспүрүм. Эки экспертиза дайындалды
Ошто студенттерден пара алууга шектелип камалган декан үй камагына чыкты
Чек арачы. Архив

Сөөк ашуусундагы жол кырсыкта бир чек арачы каза болду

112
(жаңыланган 12:28 24.06.2021)
Окуя кечээ, 23-июнь күнү, Ысык-Көл облусунда болгон. Айдоочу Сөөк ашуусунда бара жатканда рулду башкара албай, автоунаа оодарылып кеткен.

БИШКЕК, 24-июн. — Sputnik. УКМКнын Чек ара кызматынын аскери кызматтык милдетин аткарып жүрүп жол кырсыгынан каза болду. Бул тууралуу аталган мекемеден кабарлашты.

Кырсык кечээ, 23-июнь күнү, Ысык-Көл облусунда болгон.

"Коюлган тапшырманы аткаруу үчүн үч аскер жүк ташуучу автоунаа менен жүк алып бара жаткан. Алдын ала маалыматтарга караганда, айдоочу Сөөк ашуусунда рулду башкара албай, автоунаа оодарылып кеткен. Кесепетинде айдоочу ооруканага жетпей жолдо каза болуп, эки аскер ар кандай жаракат алды", — деп айтылат билдирүүдө.

Жол кырсыгы боюнча тергөө иштери башталып, окуя кандай жагдайда болгону такталып жатат.

112
Белгилер:
өлүм, жол кырсык, Аскер, чек ара, Ысык-Көл, Кыргызстан
Тема:
2021-жылдын башынан бери Кыргызстанда болгон жол кырсыктар
Тема боюнча
15 жаштагы бала айдап... Ноокаттагы 6 киши көз жумган кырсыктын чоо-жайы
Медициналык кызматкер вакцина менен. Архив

Бишкекте дагы эки эмдөө пункту ачылды, 60тан өткөндөр "Спутник V" алса болот

0
"Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

БИШКЕК, 24-июн. — Sputnik. Бишкек шаарында дагы эки эмдөө пункту ачылды. Каалоочулар ал жерден "Спутник V" вакцинасын ала алышат. Бул тууралуу мэриядан билдирди.

Пунктулар Ленин райондук (64 45 57, 0505 111 330) жана Свердлов райондук (63 51 22; 0505 286 670) бириктирилген үй-бүлөлүк борборлорунда жайгашкан.

Учурда Бишкекте 24 убактылуу эмдөө пункту иштеп жатат. Дареги:

  • Октябрь райондук бириктирилген үй-бүлөлүк медицина борбору — 57-09-15, 0 (703) 29-37-93;
  • Биринчи май райондук бириктирилген үй-бүлөлүк медицина борбору — 32-55-71, 0 (550) 70-10-02;
  • Биринчи май райондук бириктирилген үй-бүлөлүк медицина борборунун №7 үй-бүлөлүк борбору — 62 09 62;
  • Свердлов райондук бириктирилген үй-бүлөлүк медицина борборунун №8 үй-бүлөлүк борбору — 43 39 03; 0551 117 744.

Белгилей кетсек, "Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

Кытайлык Sinopharm препаратынын экинчи дозасын саюу дагы уланууда (№4, 9, 14, 15, 16, 17, 19 үй-бүлөлүк медицина борборлору).

0
Белгилер:
үй-бүлөлүк медицина борбору, вакцина, коронавирус, Бишкек
Тема:
Коронавируска каршы эмдөө
Тема боюнча
COVID: эмделер алдында антителого тест тапшыруунун зарылдыгы барбы
Казак өкмөтү: Кыргызстанга вакцина берүү пландалган эмес