Компьютерде отурган өспүрүм. Архивдик сүрөт

Өспүрүм компьютердин жарылышынан каза таптыбы? Милициянын жообу

185
(жаңыланган 19:44 20.12.2019)
ЖМКлар Кантта компьютер жарылып, анын кесепетинен өспүрүм каза болгону тууралуу маалымат жарыялашкан. Милиционерлер окуя болгон-болбогонун такташты.

БИШКЕК, 20-дек. — Sputnik. 15 жаштагы өспүрүм аныгында өрттөн күйүк алып каза тапкан. Бул тууралуу Чүй облустук ИИББден билдиришти.

Милициядан кабарлашкандай, кээ бир ЖМКлар Кантта компьютер жарылып, анын кесепетинен өспүрүм каза болгону тууралуу жазып жатышат. Бул маалымат чындыкка дал келбейт.

"Кечээ, 19-декабрда, Ысык-Ата районундагы үйлөрдүн биринде өрт чыгып, 2004-жылы туулган бала жабыркаган. Ал ооруканага жеткирилип, бирок, тилекке каршы, 20-декабрда алган жаракатынан улам көз жумган", — дешти милициядан.

ИИББден белгилешкендей, сотко чейинки териштирүү учурунда маркум майып болгону аныкталган. Ал кырсык чалган үйдө апасы, чоң энеси жана эки эжеси менен жашап келген. Өрт чыкканда өспүрүмдүн апасы дагы үйдө болгон.

Алдын ала маалымат боюнча, өрт электр зымдарынын тийишип кетүүсүнөн чыккан. Учурда тийиштүү экспертизалар дайындалды.

ИИББ үстүбүздөгү жыл ичинде Кантта компьютердин жарылышынан өрт чыкты деген бир дагы факты каттоого алынбаганын маалымдады.

185
Белгилер:
ИИББ, компьютер, Чүй облусу
Тема боюнча
Боомдо рельстен чыгып, оодарылып калган поезддин видеосу жарыяланды
Кош бойлуу. Архивдик сүрөт

Россияда эки жарым миңден ашык кош бойлуу аял COVID-19 жуктуруп алган

91
(жаңыланган 23:13 25.05.2020)
Адистин айтымында, вирус жуктурган аялдардын балдары илдетке кабылбай, соо төрөлөт. Ооруну энеси менен байланышкан учурда жуктуруп алышат.

БИШКЕК, 25-май — Sputnik. Россияда жалпысынан эки жарым миңден ашык кош бойлуу аялдан коронавирус аныкталган. Бул маалыматты РИА Новости Россиянын Саламаттыкты сактоо министрлигинин акушерия жана гинекология боюнча штаттан тышкаркы башкы адиси Лейла Адамянга шилтеме берип таратты.

Анын айтымында, вирус жуктурган аялдардын наристелери илдетке кабылбай, соо төрөлөт. Инфекцияны энеси менен байланышкан учурда жуктуруп алышат.

"Учурда өлкөдө 2561 кош бойлуу аялдан вирус аныкталган. Эң көп жуктургандар Москвада. Каза болгондор жок", — деген адис.

Адамян белгилегендей, коронавирус менен ооруган аялдарды операция жолу менен эмес,  табигый түрдө гана төрөткөнгө аракет кылышат. Хирургиялык жактан киришүү өтө зарыл учурда гана колдонулат.

Адис ымыркайды төрөлөрү менен энесинин колуна бербей, обочолонтуу керектигин кошумчалаган.

91
Белгилер:
ымыркай, коронавирус, кош бойлуу, Россия
Тема:
Кытайдагы жаңы типтеги коронавирус
Тема боюнча
Россия мигранттарга патент мөөнөтүн автоматтык түрдө узартып берет
Англия: кош бойлуу экендигин билбей жүрө берген медайым көз жарды
Жол кырсыкка кабылган унаа. Архивдик сүрөт

Ош—Бишкек жолундагы автокырсык: каза тапкан айдоочу бир үйдүн жалгыз уулу болгон

650
Маркумдун артында 74 жаштагы апасы, жубайы жана эки кызы калды. Ал көп жылдан бери Ош—Бишкек жолунда жүргүнчү ташып, үй-бүлөсүн багып келген.

ОШ, 25-май – Sputnik. Ош — Бишкек жолундагы Көк-Бел ашуусунда автокырсыктан каза болгон 31 жаштагы айдоочу бир үйдүн жалгыз уулу болгон. Бул тууралуу маркум жашаган Ноокат районунун Көтөрмө айылынын башчысы Таалай Сабиров билдирди.

Эске сала кетсек,  25-майга караган түнү саат 1:00 чамасында Honda Odissey автоунаасы Бишкекти көздөй бара жатып кырсыктаган. Айдоочу автокөлүктү чукул бурулуштан башкара албай, жол четинен 150-200 метр тик ылдыйга түшүп кеткен. Маркумдун Ноокат районунун Кыргыз-Ата айыл өкмөтүнө караштуу Көтөрмө айылынын 31 жаштагы жашоочусу экени аныкталды.

Анын кесепетинен Кыргыз-Ата айылынын үч тургуну жаракат алып, Кара-Көл шаарынын аймактык ооруканасына түшкөн. Айдоочу жана жанындагы үч адам каза болгон.

Сабировдун айтымында, маркумдун атасы мындан бир топ жыл мурда каза болгон.

"Ал үй-бүлөдө эки кыздан кийинки жалгыз уул эле. Үйүндө 74 жаштагы апасы, келинчеги жана төрт, эки жаштагы кыздары менен жашачу", — деди Сабиров.

Айыл башчы каза болгон кишинин көп жылдан бери Ош — Бишкек жолунда жүргүнчү ташып, үй-бүлөсүн багып келгендигин кошумчалады.

650
Белгилер:
жүргүнчү, кырсык, жол кырсык, Бишкек – Ош жолу
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте милициянын унаасы жол кырсыгына кабылды. Күбөнүн видеосу
Асманда күйүп, жерге кулаган учак. Казак бийлиги себебин иликтеп баштады
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

0
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

0
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды