Көчөдө бараткан кыз. Архив

Бишкекте 19 жаштагы кызды ала качып кетти делген жигит кармалды

297
(жаңыланган 19:13 23.12.2019)
Ала качуу тууралуу милицияга кыздын жакындары арыз жазган. Көп өтпөй ал Сокулук районунан табылган.

БИШКЕК, 23-дек. — Sputnik. Борбор калаада 19 жаштагы кызды ала качып кеткен деп шектелген жигит кармалды. Бул туурасында Бишкек шаардык милициянын маалымат кызматы билдирди.

Ала качуу тууралуу милицияга 19-декабрда кыздын жакындары арыз жазып, Тыналиев көчөсүндө жайгашкан үйүнүн жанынан Daewoo Nexia үлгүсүндөгү автоунаа салып кеткенин айткан.

Аталган факт 175-берене ("Турмуш куруу үчүн ала качуу") боюнча Кылмыш жана жоруктардын бирдиктүү реестрине катталган.

Андан көп өтпөй ала качкан жигит Чүй облусунун Сокулук районунан табылып, анын 22 жашта экени аныкталды. Милиция аны убактылуу кармоочу жайына киргизгенин маалымдады.

297
Белгилер:
милиция, кыз, жигит, кыз ала качуу, Бишкек
Тема боюнча
Ошто 16 жаштагы кызды өз макулдугу менен ала качып кетишти. ШИИБ иш козгоду
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

168
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

168
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды
Муштум. Иллюстративдүү сүрөт

Жатып калган кишини мыкаачылык менен сабады делген киши кармалды

198
Кечээ социалдык тармактарда бир адам эси-учу жок жаткан кишини ур-тепкиге алып, кийин автоунаага түшүп кетип калган видео тараган.

БИШКЕК, 14-авг. — Sputnik. Бишкекте эркек кишини сабап салды деп шектелген жаран кармалды. Бул тууралуу Sputnik агенттигине Милициянын кайгуул кызматы башкармалыгынын маалымат катчысы Байгазы Айтикул уулу билдирди.

Окуя кечээ саат 18:40та Кайыңды жаңы конушунда болгон. 102 кызматына белгисиз жаран бир кишини сабап жаткандыгы тууралуу маалымат түшкөн. Көп өтпөй социалдык тармактарда бирөө эс-учу жок жаткан кишини ур-тепкиге алып, кийин автоунаага түшүп кетип калган видео тараган.

Милициянын маалыматына караганда, сабалган адам тирүү. Ошондой эле ал кол салган кишинин автосун айдай качкан деп шектелүүдө.

Насыя үчүн аялын өлтүрө сабаган зөөкүр. Июлдагы соттук чечимдер

"Ыкчам-иликтөө иштеринин натыйжасында шектүү катары 1986-жылы туулган жаран кармалып, Свердлов районунун тергөө кызматына өткөрүп берилди", — деди Айтикул уулу.

Аталган факт Жазык кодексинин 139-беренесине ("Ден соолукка оор залака тийгизүү") ылайык Кылмыш жана жоруктардын бирдиктүү реестрине каттоого алынды.

198
Белгилер:
видео, автоунаа, кылмыш, эркек, милиция, Бишкек
Тема боюнча
Интерпол аркылуу изделген Түркиянын эки жараны Кыргызстанда кармалды
Коронавируска экспресс-тест өткөзүү. Архивдик сүрөт

Бүгүн COVID-19га кабылган 272 адам аныкталды

0
(жаңыланган 11:32 15.08.2020)
Эпидемиологиялык абал турукташып келе жатканын карабай вирусту жаңыдан жуктуруп адып жаткандар болууда.

БИШКЕК, 15-авг. — Sputnik. Бүгүн өлкө аймагында дагы 272 киши коронавирус жуктуруп алганын Республикалык штаб кабарлады.

  • Бишкек - 47;
  • Ош – 43;
  • Чүй облусу – 24;
  • Ош облусу - 28;
  • Талас облусу – 8;
  • Нарын облусу – 10;
  • Ысык-Көл облусу – 65;
  • Жалал-Абад облусу – 34;
  • Баткен облусу - 13.

Ушуну менен коронавирус жуктуруп алгандардын жалпы саны 41 645ке жетти.

0
Белгилер:
бейтап, айыгуу, жуктуруу, коронавирус
Тема:
Кыргызстандагы коронавирус жуктуруп алгандар
Тема боюнча
Кечээтен бери өлкөдө коронавирустан 329 адам сакайды