Бычак кармаган киши. Архивдик сүрөт

Өзгөндө чоң энесин бычактады деген небере изделип жатат

170
(жаңыланган 15:09 24.12.2019)
Учурда кылмышка шектүүнү кармоо боюнча ыкчам иш-чаралар жүрүүдө. Жабыркаган аялга операция жасалып, хирургия бөлүмүндө дарыланууда.

БИШКЕК, 24-дек. — Sputnik. Ош облусунун Өзгөн шаарында чоң энесин бычактады деген бала изделип жатат. Бул тууралуу облустук ички иштер башкармалыгынан кабарлашты.

Ага ылайык, милицияга 12-декабрда болжол менен саат 10:33 чамасында Өзгөн аймактык ооруканасына 1949-жылы туулган М.А. аттуу аял келип түшкөнү боюнча маалымат берилген.

"Бул кабар боюнча Өзгөн РИИБдин ыкчам-тергөө тобу тарабынан текшерүү жүргүзгөндө, 12-декабрда болжол менен саат 10:00 чамасында Өзгөн шаарынын  М.А. аттуу 70теги кемпирди 22 жаштагы небереси эч себепсиз ашканадагы бычак менен көкүрөк тарапка бир жолу сайып жиберип, качып кеткендиги такталган", — деп айтылат маалыматта.

Учурда кылмышка шектүүнү кармоо боюнча ыкчам иш-чаралар жүрүүдө. Жабыркаган кемпирге операция жасалып, хирургия бөлүмүндө дарыланууда. Милициядан тийиштүү экспертизалар дайындалгандыгын кошумча билдиришти.

170
Белгилер:
шектүү, милиция, бычак, Өзгөн
Тема боюнча
Төрт баланын энеси эле. Сузакта аялын бычактап өлтүрдү делген киши кармалды
Улуттук коопсуздук комитетинин мурдагы жетекчиси Абдил Сегизбаев. Архив

УКМКнын мурдагы жетекчиси Абдил Сегизбаев кармалды

1091
(жаңыланган 20:22 25.01.2021)
Аскер прокуратурасынын маалыматына караганда, учурда сотко чейинки өндүрүш ишинин алкагында териштирүү иштери уланып жатат.

БИШКЕК, 25-янв. — Sputnik. Улуттук коопсуздук комитетинин мурдагы жетекчиси Абдил Сегизбаев кызматтык абалын кыянаттык менен пайдалануу фактысы боюнча кармалды. Бул тууралуу Башкы прокуратурадан билдиришти.

Буга чейин Сегизбаев 25-январда УКМКга сурак берүү үчүн барганы айтылган.

Маалыматка караганда, 2021-жылдын 14-январында Алмамбет Шыкмаматов жана башка адамдар тарабынан Башкы прокуратурага түшкөн кайрылуунун негизинде Кылмыш-жаза кодексинин 320-беренеси ("Кызматтык абалын кыянаттык менен пайдалануу") боюнча сотко чейинки өндүрүш иши каттоого алынган. Анда Сегизбаев УКМКны жетектеп турган кезде Жогорку Кеңештин депутаттары Алмамбет Шыкмаматов, Аида Салянова жана Өмүрбек Текебаевдин беделине атайылап шек келтирип, кылмышка айыптаганы белгиленген. 

Сегизбаев кызматтык абалын кыянаттык менен пайдалануу жана башка мыйзамсыз аракеттер, “Белизгейт” иши боюнча дагы айыпталууда.

“УКМК менен Аскер прокуратурасы тарабынан сотко чейинки өндүрүш ишинин алкагында жүргүзүлгөн тергөөнүн натыйжасында Сегизбаев жогоруда аталган кылмыштарды жасаганы аныкталды. Буга байланыштуу ал Бишкек шаардык ИИББнын убактылуу кармоочу жайына киргизилди”, — дешти Башкы прокуратурадан.

Учурда кылмыш ишине тийиштиги бар башка тараптарды аныктоо боюнча иш жүрүп жатат.

Эске салсак, Сегизбаев Аламүдүн райондук администрациясынын жана Аламүдүн районунун Таш-Мойнок айыл өкмөтүнүн кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп дагы шектелүүдө. Ага буга чейин Жазык кодексинин 319-беренеси ("Коррупция") боюнча кылмыш иши козголгон.

1091
Белгилер:
камакка алуу, Абдил Сегизбаев, УКМК
Тема боюнча
Башкы прокуратура Абдил Сегизбаевге кылмыш ишин козгоду
Абдил Сегизбаев ага козголгон кылмыш иши боюнча үн катты
Кыздын силуэти. Архив

Кочкордо киши колдуу болгон келиндин сөөгү табылды. Шектүү изделүүдө

255
(жаңыланган 17:11 25.01.2021)
Келиндин өлүмүнө шектелип Кочкордогу жергиликтүү тургундун малын багып жүргөн чабан изделүүдө. Маркум Сокулук районунун 23 жаштагы тургуну болгон.

БИШКЕК, 25-янв. — Sputnik. Кочкор районундагы сарайлардын биринен киши колдуу болгон 23 жаштагы келиндин сөөгү табылды. Бул тууралуу Нарын ОИИБнын маалымат кызматы кабарлады.

Аялдын каза болгону тууралуу 23-январь күнү 30 жаштагы К.Б. аттуу жергиликтүү тургун кабарлаган. Ал ошол күнү Тынай-Булак кыштоосунда малын багып жаткан 26 жаштагы чабандан кабар алганы барып, кашардагы үйдөн келиндин сөөгүн көргөнүн айткан.

"Окуя болгон жерге барган ыкчам-тергөө тобу келиндин киши колдуу болуп өлтүрүлгөндүгүн аныктаган. Маркум Чүй облусунун Сокулук районунун 1998-жылы туулган тургуну К.К. экени такталган. Учурда К.Бнын малын багып жаткан малчынын өздүгүн тактоо жана кармоо боюнча ыкчам иликтөө иштери жүргүзүлүүдө", — деп жазылат милициянын маалыматында.

Факты Жазык кодексинин 130-беренеси ("Адам өлтүрүү") менен сотко чейинки өндүрүш иши башталып, тергөө иштери жүргүзүлүп жатканы кошумчаланды.

255
Белгилер:
келин, Кочкор, шектүү, кылмыш, өлүм
Тема боюнча
Арактын айынан... Токмок шаарында үч адам киши колдуу болду
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

0
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

0
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди