Новосибирскиде 2 кыргызстандык каза болду. Үрөй учурган автокырсыктын видеосу

© Sputnik / Сергей Ермохин / Медиабанкка өтүүМассововая авария на автодороге между Пушкиным и Шушарами под Санкт-Петербургом
Массововая авария на автодороге между Пушкиным и Шушарами под Санкт-Петербургом - Sputnik Кыргызстан
Жазылуу
Видеодон минивэн мекендештердин автоунаасын капталынан сүзүп, анын тамтыгы чыгып калганын көрүүгө болот.

БИШКЕК, 24-дек. — Sputnik. Россиянын Новосибирск шаарынан келе жаткан кыргызстандыктар жол кырсыгына кабылып, эки адам ошол жерден каза болду. Бул маалыматты Кыргызстандын Новосибирскидеги КРдин Башкы консулдугунан тастыкташты.

Билдирмеге караганда, кырсык 21-декабрда Ордынск районунун аймагында болгон. Анын кесепетинен 50 жана 31 жаштагы мекендештер набыт болуп, 28 жаштагы жигит башынан жаракат алган.

"Кырсыктан жабыркаган жигит жандандыруу бөлүмүндө жатып, кечээ, 23-декабрда, жалпы палатага которулду. Каза болгондордун туугандары келген, сөөгүн мекенге жөнөтүү иштери жүрүп жатат. Кырсыкка кабылгандардын баары Ош облусунун Ноокат районунун тургундары", — деп айтылат маалыматта.

Социалдык тармакка ушул кырсыктын видеосу жарыяланды.

Анда кыргызстандыктар Daewoo Nexia автоунаасы менен Бишкекке келе жатып, каршы тилкедеги Ford Transit үлгүсүндөгү минивэн менен кагышканы айтылат. Мекендештердин автоунаасынын  капталы сүзүлүп, тамтыгы чыгып калганын көрүүгө болот.

Жаңылыктар түрмөгү
0