Окуучулардын майрамы. Архивдик сүрөт

Окуучулардын майрамы учурунда урап түшкөн шып. Аким эмне дейт?

311
(жаңыланган 22:56 24.12.2019)
Москва районунун акиминин айтымында, мектеп эски жана чатырын оңдоо керек. Кокустук иштеп жаткан динамикадан болушу мүмкүн.

БИШКЕК, 24-дек. — Sputnik. Чүй облусуна караштуу Москва районунун Александровка айылындагы мектептин шыбынын бир бөлүгү окуучулардын майрамы болуп жаткан маалда түшүп кеткенин аким Өмүр Ногоев билдирди.

Анын айтымында, мектеп 1962-жылы курулган.

Жергиликтүү ЖМКлардын жазышынча, окуя бүгүн түштө болгон. Бактыга жараша, эч ким жабыркаган эмес.

Аким жакында эле чатырын оңдоо чечими кабыл алынганын билдирди. Жаңы жылга чейин тендер өткөрүү пландалууда.

"Ремонтко даярданып жатканбыз, бирок жаңы жылдык майрам залда өткөрүлгөн. Балким музыка катуу чыгып, ал жактагылар бийлегенден улам шып түшүп кетиши ыктымал. Бактыга жараша, эч ким жабыркаган жок. Майрам дароо токтотулду. Эртең башка жер караштырабыз", — деди аким.

Ал өз сөзүндө оңдоо иштерин жүргүзүү боюнча чечим окуя болгонго чейин кабыл алынганын кошумчалады.

Чүй облустук милициясы аталган окуя Кылмыштар менен жоруктардын бирдиктүү реестрине катталып, териштирүү иштери башталганын айтты.

311
Белгилер:
мектеп, майрам, Жаңы жыл, Чүй облусу, Кыргызстан
Милиция кызматкеринин фуржкасы. Архив

Бишкекте айдоочу милиция кызматкерин сүзүп кетти

95
(жаңыланган 21:57 14.07.2020)
Кырсык бүгүн кеч курун Горький — Белорусская көчөлөрүнүн кесилишинде болгон. Жабыркаган милиция кызматкери ооруканага жеткирилген.

БИШКЕК, 14-июл. — Sputnik. Бишкекте Audi үлгүсүндөгү автоунаанын айдоочусу тартип коргоо кызматкерин сүзүп кеткенин Милициянын кайгуул кызматынан билдиришти.

Кырсык бүгүн, 14-июлда, саат 19:30дарда Горький — Белорусская көчөлөрүнүн кесилишинде болгон.

"29 жаштагы жигит Горький көчөсү менен күн батыш тарапты көздөй бара жатып Белорусская көчөсүнө жетпей жөө жүргүнчүлөр өтчү чийинден милициянын кайгуул кызматынын өкүлүн сүзүп алган", — деп айтылат маалыматта.

Милиция кызматкеринин ооруканага жеткирилгени кошумчаланды. Ал эми айдоочу канында алкоголь бар-жогун аныктоо үчүн наркология бөлүмүнө жөнөтүлгөн.

95
Белгилер:
айдоочу, чийин, милиция, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте таксист велосипедченди коюп кетти. Видео
Медик. Архивдик сүрөт

Стационарда иштеп көз жумган студент кыз. Өлүмдүн болжолдуу себеби айтылды

1412
(жаңыланган 16:07 14.07.2020)
Адинай Мырзабекова Discoveri мейманканасында уюштурулган убактылуу стационарда ыктыярчы-медайым болуп иштеп жаткан.

БИШКЕК, 14-июл. — Sputnik. Стационарда иштеп жатып каза болгон студент кыздын сөөгүн ачып көрүштү. Алдын ала билдирүүлөр боюнча, ал пневмониядан көз жумган. Бул тууралуу Саламаттыкты сактоо министрлигинин маалымат кызматы кабарлады.

Эске салсак, кечээ Бишкектеги стационарлардын биринде иштеп жаткан 21 жаштагы студент Адинай Мырзабекова каза болгон.

Министрликтин маалымат кызматы билдиргендей, ал Кыргыз мамлекеттик медициналык академиянын дарылоо иши факультетинде 5-курста окучу. Акыркы күндөрү Discoveri мейманканасында уюштурулган убактылуу стационарда ыктыярчы-медайым болуп иштеп жаткан.

Штаб COVID менен пневмониядан каза болгондорду көмүү эрежесин жарыялады

"13-июлда болжол менен 19:45те кыздын абалы кескин начарлап, карышып калган. Ага реанимациялык жардам көрсөтүлгөн. Бирок реанимациянын 40-мүнөтүндө, саат 20:45те үзүлгөн. Кесиптештеринин айтымында, ал буга чейин өзүн жаман сезип жатканын айткан эмес. Кыздын сөөгүн ачып көрүштү. Алдын ала маалымат боюнча, студент кыз пневмониядан көз жумган",— деп айтылат маалыматта.

Министрлик акыркы диагноз соттук-медициналык изилдөөнүн жыйынтыгынан кийин коюларын кошумчалады.

Медициналык окуу жайдын жетекчилиги бул боюнча кийинчерээк маалымат берерин айтты.

1412
Белгилер:
медайым, кыз, студент, Бишкек, Кыргызстан
Тема боюнча
Чүйдө стационарга оор абалдагылар көп кайрылууда, эми медиктер үймө-үй кыдырат
Кызматкерлер таштандыны алып кетип жатышат. Архив

Күндүзгү стационар жана "Гансиден" чыккан таштанды кайда ыргытылат? ӨКМдин жообу

0
(жаңыланган 00:43 15.07.2020)
Социалдык тармак колдонуучулары стационарлардан, анын ичинде "Ганси" авиабазасынан чыккан медициналык таштандылар кайда ыргытыларына кызыгышкан.

БИШКЕК, 15-июл. — Sputnik. Бишкектеги күндүзгү стационар жана "Семетей" обсервациясынан (мурдагы "Ганси" авиабазасы) чыккан медициналык таштандыны жеке менчик компаниялардын бири чогултуп, ташып кетип жок кылат. Бул тууралуу ӨКМ маалымат кызматы кабарлады.

Буга чейин социалдык тармактын колдонуучулары стационарлардан, анын ичинде "Ганси" авиабазасынан чыккан медициналык таштанды кайда ыргытыларына кызыгышкан.

"Мындай иш-чаралар Республикалык штабдын тапшырмасы, Жугуштуу ооруларды алдын алуу департаменти, Санитардык жана эпидемиологиялык көзөмөл борборунун сунушу менен жүргүзүлүп жатат. "Семетей" обсервациясындагы медициналык таштандыларды чогултуу, алып кетүү жана кайра иштетүүдө санитардык-эпидемиологиялык талаптар аткарылууда", — деп айтылат маалыматта.

ӨКМ элди такталбаган маалыматты тараптоого чакырды.

0
Белгилер:
тазалоо, таштанды, ӨКМ, Кыргызстан
Тема боюнча
Бишкекте түнкү стационарлар бейтаптарды кабыл ала баштады. Сүрөт