Алматыдагы авиакырсык

Алматыдагы авиакырсык: каргашанын үч себеби айтылды

7021
(жаңыланган 14:30 29.12.2019)
12 адамдын өмүрүн алган учак кырсыгы 27-декабрь күнү эртең менен болгон. Абага көтөрүлгөн самолет көп өтпөй бетон курулушту сүзүп кулаган.

БИШКЕК, 29-дек. — Sputnik. Тергөө Алматыдагы авиакырсыкка үч нерсе себеп болушу мүмкүн экенин айтты. Бул тууралуу Sputnik Казакстан агенттиги жазды.

Белгилей кетсек, каргаша 27-декабрь күнү эртең менен болгон. Саат 7:05те абага көтөрүлгөн учак эки кабаттуу бетон курулушту сүзүп кулаган. 95 жүргүнчү жана экипаждын бир мүчөсү менен бара жаткан самолеттон 12 киши каза тапты. Арасында экипаждын командири да бар.

Тергөөнүн берген маалыматы боюнча, кырсыкка учактын техникалык мүчүлүштүгү, аба ырайы жана учуудагы кетирилген кемчиликтер себеп болушу мүмкүн.

Кырсык болору менен анын чоо-жайын аныктоо үчүн премьер-министр Аскар Мамин башында турган комиссия түзүлгөн болчу. Ал эми президент Касым-Жомарт Токаев адам өмүрүн алган каргашанын себебин тактап, күнөөлүүлөрдү мыйзам чегинде жазалоо тапшырмасын берген.

Учак кулаган жерде 1000дей куткаруучу, укук коргоо органдарынын кызматкерлери, тез жардам бригадалары иштеди. Көп өтпөй наристени куткарып калган полиция кызматкеринин видеосу тараган.

Ал эми авиакырсыктан жаракат алгандарга кыргызстандык дарыгер, профессор Сабырбек Жумабаев түнү менен Алматыга барып операция жасады.

7021
Белгилер:
себеп, учак, авиакырсык, Алматы
Тема:
Алматыда жүргүнчүлөрдү ташып бараткан учак кулады (26)
Тема боюнча
Алматы: Сабырбек Жумабеков авиакырсыкка кабылгандарга түндө операция жасады. Сүрөт
Авиакырсыктан атасы каза болуп, 4 баласы жаракат алды. Алматыдагы кейиштүү окуя