Көчөдөгү жалгыз бөбөк. Архив

Ошто эки жаштагы кыз түндө көчөдөн табылды. Ата-энеси изделүүдө

780
(жаңыланган 14:05 03.01.2020)
Бөбөктү Тез жардам кызматынын өкүлдөрү 29-декабрда түндө көрүп калышкан. Ал көп кабаттуу үйлөрдүн алдында жалгыз жүргөн.

БИШКЕК, 3-янв. — Sputnik. Ош шаарында эки жаштагы кыз табылып, эми анын ата-энеси изделүүдө. Бул тууралуу Ош шаардык милициядан кабарлашты.

Маалыматка ылайык, наристени 29-декабрь күнү саат 01:30дар чамасында шаардагы көп кабаттуу үйлөрдүн алдында жүргөн жеринен табышкан. Аны Тез жардам кызматынын өкүлдөрү көрүп калып, милицияга кабар берген.

"Бөбөк балдарды реабилитациялоо борборуна өткөрүп берилген. Учурда аны аталган борбордун кызматкерлери карап жатат", — дешти милициядан.

Аталган факты Кылмыштардын жана жоруктардын бирдиктүү реестрине катталды. Азыркы тапта кыздын ата-энеси изделүүдө.

780
Белгилер:
издөө, ата-эне, кыз, Ош
Тема боюнча
Түндө жоголгон 12 бала табылды. Милициянын билдирүүсү
14 саат издешти! Бишкекте жоголгон окуучу табылды
Камакка алынган жаран. Архивдик сүрөт

УКМК укук коргоочу Рузиев Караколдон кармалганын кабарлады

113
(жаңыланган 19:18 30.05.2020)
Камилжан Рузиевге каршы эки кылмыш иши козголгон. Күч органдары анын башка кылмыштарга тиешеси бар-жогун текшерүүдө.

БИШКЕК, 30-май — Sputnik. Улуттук коопсуздук мамлекеттик комитетинин кызматкерлери тарабынан "Вентус" коомдук бирикмесинин башчысы Камилжан Рузиевдин кармалганын аталган мекеменин маалымат кызматы билдирди.

57 жаштагы укук коргоочуга карата Кылмыш-жаза кодексинин 359 ("Документтерди жасалмалоо") жана 204-беренеси ("Алдамчылык") менен иш козголгон.

Кармалган жаран Каракол шаардык ИИБдин убактылуу кармоочу жайына киргизилди.

УКМК учурда шектүүнүн башка кылмыштарга тийиштиги бар-жогун текшерип жатат.

113
Белгилер:
берене, кылмыш, укук коргоочу, УКМК
Тема боюнча
Алай: постто турган кайгуулчуну сүзүп из сууткан чек арачы кармалды
Атланта шаарында болгон башаламандык

АКШдагы башаламандык: митингге ири шаарлар кошулууда

769
(жаңыланган 14:48 30.05.2020)
Президент Дональд Трамп көз жумган афроамерикалыкка полиция тарабынан жасалган мамиле акылга сыйбай турганын айтты.

БИШКЕК, 30-май — Sputnik. Нааразылыгын билдирип чыккандар, алардын полиция менен кагылышуусу жана вандализм актылары ушу тапта АКШнын Нью-Йорк, Атланта (Жоржия штаты), Альбукерке (Нью-Мексико штаты), Фонтана, Сан-Хосе (Калифорния штаты) жана Хьюстон (Техас штаты) шаарларында күчөп жатат. Бул тууралуу РИА Новости жазды. 

Эскерте кетсек, массалык башаламандык полиция тарабынан кармалган Жорж Флойддун өлүмүнөн кийин башталган. Интернетте полиция кызматкерлери анын колуна кишен салгандан кийин жыгып, үчөөлөп басып калган видео тарады. Бирөөсүнүн тизеси моюн жакка туш келген. Флойд бир нече жолу дем ала албай калганын айтып, андан кийин тынчып калганын көрүүгө болот. Эркек киши реанимацияда көз жумган. Митинг башталгандан кийин төрт полиция кызматкери иштен алынып, бирөөнө "кокусунан өлүмгө дуушар кылган" деп айып тагылууда. Ал арада АКШ президенти Флойдду кармаган полиция кызматкерлеринин жоругун "акылга сыйгыс" деп атаган.

Маалыматта Пентагондун Миннеаполис шаарында аскер полициясын жөнөтүүгө кам уруп жатканы айтылат. Түндүк Каролинадагы Форт-Брэгг жана Нью-Йорктогу Форт-Драманын жоокерлерине төрт сааттын ичинде, ал эми Колорадодогу Форт-Карсон менен Канзастагы Форт-Райлидеги аскерлерге 24 сааттын ичинде аракеттерге даяр турууга буйрук берилди.

Пентагондон айтылган маалыматта, президент Дональд Трамп коргоо министри Марк Эсперге Миннеаполистеги акциялар көзөмөлдөн чыгып кете турган болсо чара көрүүгө даяр туруусун тапшырды. Шаарда улуттук гвардия митингчилерге каршы көздөн жаш агызуучу газ колдонууда. Дүкөндөр тонолуп, 200 имарат талоончулукка туш болгону айтылды.

Аскердик бөлүктөр 1807-жылдагы көтөрүлүш жөнүндөгү мыйзамга ылайык жайгаштырылат. Аталган мыйзам акыркы жолу 1992-жылы Лос-Анжелесте болгон башаламандыкта колдонулган.

ЖМКлар нааразылык акцияларынан улам Ак үй да аз убакытка жабылганын жазышты, митинг ошол жерде өтүүдө.

769
Белгилер:
акция, Дональд Трамп, полиция, митинг, башаламандык, АКШ
Тема боюнча
Мексика: мэрди Рождество кечесинде атып кетишти
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

0
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

0
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди