Өлүккана.  Архив

Моргдо жаткан балдарын тааный албай... 90-жылдардагы кылмыштар

2017
(жаңыланган 18:07 06.01.2020)
Союз тарагандан кийин өлкө аймагында социалдык-экономикалык абал өтө начарлап, кылмыштуулук күч алган. Айрым учурда жөнөкөй адамдардын төбө чачын тик тургузган иштерге укук коргоо кызматкерлери да барган.

Sputnik Кыргызстан агенттиги 25 жыл мурун январь айында чыккан гезит беттерин барактап, 1995-жылдын башында болгон чуулуу иштерди тизмектеди.

Бала бакчаны тоноп

22 жаштагы жигит бала бакчаны тоноого бел байлаган. Эргул колуна тапанча алып директордун кабинетине кирип, жаш кызды жана жетекчисин барымтага алып, сейфти ачтырып, тыйын-тыпырын жана тагынып жүргөн зер буюмдарын алып из жашырган. Ага чейин ал бир топ шаардыктарды карактап, шарттуу түрдө эркинен ажыратылып, жанына бир-эки шерик таап алып көптөн бери карматпай келген. Сот аны 12 жылга эркинен ажыратты.

"Өзү берген..."

Бишкек шаарынын борбордук көчөлөрүндө жарым жыңалач болуп качып жүргөн эркекти милиция кызматкерлери кармап, ага жардам көрсөткөн. Ирандык жаран эки милиционерге акчасын, баалуу буюмдарын, кийимин алдырып, алардан катуу таяк жеп качып кутулгандыгын билдирген. Кийин колго түшкөн тартип сакчылары чет элдик жаран акчасын, зер буюмдарын, кийимин өзү бергендигин айтып, кылмыш жоопкерчилигинен кутулууга аракет кылган.

Карызы үчүн жан берген ишкер

Борбор калаанын чок ортосундагы "Айчүрөк" дүкөнүндө таң эрте 40 жаштагы адамдын сөөгү табылган. Окуя болгон жерге милиционерлер келип ыкчам-тергөө иштерин жүргүзүп, маркум өзүн-өзү атып алганын аныктаган. Тергөө маалында анын мындай кадамга 50 миң доллар карызы үчүн баргандыгы белгилүү болгон.

Бир айылдан чыккан эки сөөк

Бишкектин четиндеги айылдардын биринде эки жаш жигит киши колдуу болгон. 19 жана 20 жаштагы баланы мас болуп көчөдө топтошуп жүргөндөр сабап, андан соң экөөнү көчөгө таштап салышкан. Каргаша болгон жерге келген милиция кызматкерлери жигиттердин бирин өлүкканага, экинчисин оор абалда ооруканага жеткизген. Бирок таяк жеген экинчи эркек да операциядан аман чыккан эмес. Балдарды белгисиз адамдар арматура менен сабаган, аларды ата-энелери да өлүкканада тааный албай койгон.

Акча аңдыган зөөкүрлөр

Кылмышкерлер түркиялык 20 жаштагы эки ишкерди өзгөчө мыкаачылык менен өлтүргөн. Зөөкүрлөр чет элдиктерди ур-тепкиге алып сабап, 25 миң долларды алып из жашырмак. Бирок акча ага чейин эле Түркияга жиберилгени аныкталган. Ошондо шектүүлөр экөөнү кыйнап, тапанча менен башка аткылап өлтүргөн. Калаа тургундарын дүрбөлөңгө салган окуяга Түркиянын Кыргызстандагы элчиси да кийлигишип үн каткан.

Музейден уурдалган мылтык

Каракол шаарындагы музейде географ, саякатчы Николай Пржевальскийдин мылтыгы уурдалган. Кылмышкерлер музейдин терезесин талкалап кирип өз ишин жасап из жашырган. Адистер уурдалган экспонат баалуу деп саналарын, аны ири суммадагы каражатка сатууга болорун кабарлаган.

2017
Белгилер:
газета, 90-жылдар, кылмыш, Кыргызстан
Тема боюнча
Коргонгом... Өгөй уулуна бычак урган 73 жаштагы кишиге өкүм чыкты
Сөөгү 4 жылдан кийин табылып... Атасын короого көмүп салган кишиге өкүм чыкты
Соттолгон адамдын мүлкү кантип конфискацияланат? Кызык жагдайлар
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

282
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

282
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

210
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

210
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

357
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

357
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда