Ооруканадагы ымыркай. Архив

Ошто дарыгерлер 8 айлык бөбөктүн тамагына тыгылган тыйынды алып чыкты

(жаңыланган 11:01 09.01.2020)
Окуя 2-январь күнү болгон. Наристе чөнтөктөн түшүп калган тыйынды жутуп алып, ал кызыл өңгөчүнө тыгылып калган.

БИШКЕК, 9-янв. — Sputnik. Чоң Алай райондук жалпы дарыгердик практика борборунун медиктери сегиз айлык баланын тамагына туруп калган үч сомдук монетаны операциясыз алып чыгышты. Бул тууралуу аталган борбордун дарыгери Арстанбек Карыбеков билдирди.

Маалыматка ылайык, окуя 2-январь күнү болгон. Саат 20.50лөр чамасында Жекенди айыл өкмөтүнө караштуу Карамык айылынын жашоочусу сегиз айлык уулун аталган ооруканага алып келген. Ал чөнтөктөн түшүп калган тыйынды жутуп алып, монета кызыл өңгөчүнө тыгылып калган. Дарыгерлер операциясыз үч сомдукту алып чыгышты.

Карыбековдун айтымында, учурда баланын абалы жакшы, үйүнө жиберилди.

Белгилер:
дарыгерлер, тыйын, бала, Ош облусу
Тема боюнча
Эрте төрөлгөн эгиздин бирин түгөйү сактап калды. Реанимациядагы окуя
Атасынын өлгөнүн уккан уулунун сөзүнө ыйлап жибердим. Дарыгердин маеги
Акча санап жаткан аял. Архив

Күйөөсүнүн 5000 долларын коротуп, өзүнө кол салуу уюштурган аял кармалды

(жаңыланган 18:08 22.04.2021)
Милиция буга чейин каракчылык фактысы боюнча кылмыш ишин козгогон, бирок тергөө учурунда кылмыш болбогону аныкталган.

БИШКЕК, 22-апр. — Sputnik. Кыргызстандык аял жолдошу жиберген беш миң долларды коротуп салганы үчүн коркуп, өзүнө кол салуу уюштурган. Бул тууралуу Чүй облустук ИИББден билдиришти.

2020-жылдын 29-декабрында 42 жаштагы Э.Г. аттуу аялдан арыз түшкөн. Анын айтымында, үйүнө бет кап кийген белгисиз эки киши кирип келип сабап, беш миң долларын алып кеткен.

Факты боюнча кылмыш иши козголгон. Тергөө учурунда аял мындай сценарийди мурдагы жолдошу менен ишке ашырганы аныкталган. Тартип сакчылар 42 жаштагы Э.Г. менен 39 жаштагы С.О. деген шектүүлөрдү милициянын бөлүмүнө жеткиргенден кийин алар күнөөсүн мойнуна алышкан.

"Аял жолдошу чет өлкөдөн жиберген акчасын коротуп салгандыктан коркуп ушундай кадамга барганы белгилүү болду", — дешти милициядан.

Учурда тергөө амалдары уланып жатат.

Белгилер:
кылмыш, аял, милиция, Чүй облусу, Кыргызстан
Тема боюнча
Ысык-Атада уурдалды деп милицияны түп көтөрткөн бала досунун үйүнөн табылды
Алай районунда болгон жол кырсыгы

Алайда 6 киши менен бараткан унаа оодарылып, айдоочу мүрт кетти. Сүрөт

(жаңыланган 17:57 22.04.2021)
Кырсык 19-апрель күнү саат 17:00дөр чамасында Алай районунун Гүлчө айыл аймагындагы Чыйырчык ашуусунда болгон.

БИШКЕК, 22-апр. — Sputnik. Алай районунда Honda Stepwagon үлгүсүндөгү автоунаа кырсыкка учурап, 36 жаштагы айдоочу окуя болгон жерде каза болгон. Маалыматты Ош облустук жол кыймылы коопсуздугун камсыздоо башкармалыгынын өкүлү Алтынбек Теңизбаев тастыктады.

Анын айтымында, кырсык 19-апрель күнү саат 17:00дөр чамасында Ош — Сары-Таш — Эркеч-Там жолунун 62-чакырымында, тактап айтканда, Алай районунун Гүлчө айыл аймагындагы Чыйырчык ашуусунда болгон.

Алай районунун 36 жаштагы тургуну Honda Stepwagon үлгүсүндөгү унаасы менен батыштан чыгышты карай бара жатып рулду башкара албай, жолдун четиндеги тосмону сүзүп, машина оодарылып кеткен.

Анын кесепетинен автоунаанын ичинде жүргүнчү катары бара жаткан Алай районунун 24, 25, 41, 54, 61 жаштагы жашоочулары жана Ош шаарынын 37 жаштагы тургуну ар кандай жарааттарды алып, райондук ооруканага жеткирилген. Ал эми айдоочу Ш.Д. алган жараатынан улам окуя болгон жерде каза болгон.

Кырсык боюнча тийиштүү экспертизалар дайындалып, учурда тергөө иштери жүргүзүлүп жатат.

Белгилер:
Алай району, өлүм, айдоочу, жол кырсык, Ош
Тема:
2021-жылдын башынан бери Кыргызстанда болгон жол кырсыктар
Тема боюнча
Ош — Баткен жолунда жеңил автоунаа оодарылып кетти. Видео
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр