Ширеңке. Архивдик сүрөт

Каракол: чогуу жашаган аялын өрттөөгө шектелген эркек кармалды

453
(жаңыланган 14:01 09.01.2020)
Жаракат алган келин 33 жашта экени, ал эми шектүү катары кармалган күйөөсү 35 жашта болгону айтылды.

БИШКЕК, 9-янв. — Sputnik. Каракол шаарында жарандык никедеги жубайына бензин чачып өрттөп жиберген деген шек менен күйөөсү кармалды. Бул туурасында Ысык-Көл облустук милициясынын маалымат кызматы кабарлады.

Билдирүүгө ылайык, 4-январь күнү болжол менен саат 16.20 чамасында Каракол шаардык милициясынын  нөөмөт кызматына Торгоев көчөсүнө чакыруу түшкөн.

"Ыкчам-тергөө тобу окуя болгон жерге барган. Териштирүү жүргүзгөн учурда Жети-Өгүз районунун Богатыровка айылынын 33 жаштагы тургуну Б.С. Ак-Суу районунун Маман айылынын 35 жаштагы тургуну Ч.Н. аттуу чогуу жашап жүргөн аялын пикир келишпестиктен улам бетине бензин чачып күйгүзүп жибергени аныкталган. Андан соң киши окуя болгон жерден качып кеткен. Келин Ысык-Көл облустук  бириккен ооруканасынын травматология бөлүмүнө жаткырылган", — деп айтылат маалыматта.

Премьер-министр Мухаммедкалый Абылгазиев. Архивдик сүрөт
© Фото / пресс-служба правительства / Алишер Алиев
Аталган факт Каракол ШИИБдин Кылмыштар жана жоруктар боюнча бирдиктүү реестрине катталып, Жазык кодексинин 39-130 беренесинин ("Бейбаштык максатта киши өлтүрүүгө аракет көрүү") негизинде сотко чейинки өндүрүшкө алынган. Ал эми келиндин жаракаттарын аныктоо үчүн соттук-медициналык экспертиза дайындалган.

Шектүү Ч.Н. кармалып, Каракол шаардык сотунун чечими менен 2 айга камакка алынды. Учурда тергөө иштери жүрүп жатат.

453
Белгилер:
күйөө, келин, шектүү, Каракол, милиция
Тема боюнча
Акчанын айынан... Кочкордо дагы бир келин күйөөсүнүн токмогунан көз жумду
Бир миң сомдук купюралар. Архив

"Бишкек автотранспорт ишканасынын" жетекчилиги 6,5 млн. сом кымырганы аныкталды

3
(жаңыланган 14:10 18.01.2021)
Эки кылмыш ишти кошкондо мекеменин кызмат адамдары мамлекетке 6,5 миллион сом зыян келтиргени белгилүү болду.

БИШКЕК, 18-янв. — Sputnik. Октябрь райондук прокуратурасы мэриянын алдындагы "Бишкек жүргүнчү ташуу автотранспорт ишканасынын" жетекчилиги бюджеттен 5,25 миллион сом кымырып алганын аныктады. Бул туурасында Башкы прокуратурадан билдиришти.

Маалыматка ылайык, муниципалдык мекеменин кызмат адамдары финансылык-бухгалтердик документтерди жасалмалоо жолу менен өзүнө акча ыйгарып алышкан. Мунун айынан мамлекетке ири суммада зыян келтирилген.

Аталган факты Жазык кодексинин 205-беренесинин 2-бөлүгү менен ("Ишенип берилген мүлктү ыйгарып алуу же коротуу") КЖБРге катталган. Азыркы тапта сотко чейинки териштирүү жүрүп жатат.

Мындан сырткары, ишкананын кызмат адамдары автобустарды оңдоо үчүн тетиктерди сатып алууда "Р" деп аталган компания менен атайлап пайдасыз келишим түзүлгөнү аныкталган. Мунун натыйжасында мамлекет тарткан зыяндын көлөмү 1 285 958 сомду түздү.

Бул иш боюнча Жазык кодексинин 322-беренесинин 2-бөлүгү менен ("Билип туруп пайдасыз контракт түзүү") КЖБРге катталып, сотко чейинки териштирүү башталды.

3
Белгилер:
аныктоо, келишим, каражат, зыян, ишкана, Прокуратура
Тема боюнча
5000 доллар алып турган. Токой чарба башкармалыгынын кызматкери кармалды
Саламаттык сактоо министрлиги пайдасыз ишке 1 млн. доллар короткону аныкталды
Табылган курамында алтын бар делген ак түстөгү таштар

Нарында курамында алтын бар деген таштарды ташып бараткандар кармалды. Сүрөт

64
(жаңыланган 12:49 18.01.2021)
Райондо "Мал уурулук" аталышындагы ыкчам иликтөө жана алдын алуу иш-чаралары жүргүзүлгөн. Анын алкагында таштарды мыйзамсыз ташууга шектелгендер кармалды.

БИШКЕК, 18-янв. — Sputnik. Нарын районунда курамында алтын бар делген ак түстөгү таштарды мыйзамсыз негизде алып келе жаткан жарандар кармалды. Бул тууралуу Нарын облустук ички иштер башкармалыгынын маалымат кызматынан билдиришти.

16-январь күнү Нарын райондук ички иштер бөлүмүнүн кызматкерлери "Мал уурулук" аталышындагы ыкчам иликтөө жана алдын алуу иш-чараларын өткөрүшкөн.

Анын алкагында таңкы саат 05:50лөр чамасында Нарын районунун аймагынан УАЗ үлгүсүндөгү автоунаа токтотулуп текшерилген.

"Натыйжада Нарын районунун беш тургуну Солтон-Сары жайлоосунун Көл-Төр аймагынан курамында алтын бар делген ак түстөгү үч капка салынган таштарды алып келе жаткан жеринен кармалган", — дешти милициядан.

Факты Нарын РИИБи тарабынан каттоого алынды. Ак түстөгү таштарга тиешелүү экспертиза дайындалып, териштирүү иштери жүргүзүлүүдө.

64
Белгилер:
шектүү, таш, Нарын
Тема боюнча
Кыргызстандын алтын корунун баасы абсолюттук рекорд койду