Эркектен коргонуп аткан аял. Архивдик сүрөт

ИИМ: кордук көргөн үй-бүлө мүчөлөрү укук коргоочуларга кайрылбайт

144
(жаңыланган 19:48 09.01.2020)
Милицияга кайрылган үй-бүлө мүчөлөрү ур-токмокко алынып, психологиялык жана сексуалдык жактан жапа чеккен.

БИШКЕК, 9-янв. — Sputnik. Өткөн жылы Кыргызстанда үй-бүлөлүк зомбулуктан жабыркаган беш миңден ашуун үй-бүлө мүчөсү милицияга кайрылды. Бул тууралуу Ички иштер министрлигинин маалымат кызматынан билдиришти.

ИИМ үй-бүлөдөгү зордук-зомбулук, анын ичинде аялдардын запкы чегиши актуалдуу маселе экенин эске салып, бирок бул багытта иш алып барууда көп кыйынчылыктар бар экенин маалымдады.

"Кордук көргөн жабырлануучулар укук коргоочуларга расмий кайрылбай, окуянын күбөлөрү да көз жумуп койгону тынчсыздандырат. Былтыр үй-бүлөлүк зомбулук боюнча беш миңден ашуун факты катталып, 580 сотко чейинки өндүрүш ачылды. Анын ичинде ур-токмокко алуу, психологиялык жана сексуалдык зомбулук көрсөтүү боюнча кайрылгандар бар. Ошондой эле беш миңден ашуун үй-бүлө мүчөсүнө коргоо ордери (жаза тууралуу эскертме кагазы) берилди", — деп айтылат билдирүүдө.

Мындан сырткары, ИИМ былтыр күчүнө кирген жаңы кодекстердин айрым беренелеринде үй-бүлөлүк зомбулук көрсөткөндөргө карата жаза күчөтүлгөнүн эскертти.

"Эгер мурда үй-бүлөлүк зордук-зомбулукка карата административдик жаза каралса, 2019-жылдын 1-январынан баштап киргизилген жаңы кодекстердин негизинде кылмыш жоопкерчилиги каралган жана Жоруктар кодексине киргизилген", — дешти ИИМден.

Эске салсак, жаңы жылда Баткен шаарында 31 жаштагы келин ур-токмоктон каза тапкан. Кийинчерээк Кочкордо дагы 37 жаштагы келиндин киши колдуу болгону ачыкталды. Эки учурда тең шектүү катары келиндердин жолдоштору кармалган. Ал эми 9-январь күнү Каракол шаарында жарандык никедеги жубайына бензин чачып өрттөп жиберген деген шек менен күйөөсү колго түштү.

144
Белгилер:
жаза, мыйзам, үй-бүлө, аял, зомбулук, милиция
Тема боюнча
Ур-токмоктон качып... Оштогу атасына бараткан кыздардын эжеси табылды
Абылгазиев ур-токмоктон каза тапкан келиндер боюнча үн катты
Тапанча кармаган адам. Архив

Нарында ресторан алдында ок атылып, 23 жаштагы жигит ооруканага түштү

2412
(жаңыланган 10:53 25.11.2020)
Нарын ОИИБдин маалымат кызматы атышкандардын уюшкан кылмыштуу топко эч кандай тиешеси жок экенин кошумчалады.

БИШКЕК, 25-ноя. — Sputnik. Нарын шаарындагы атышуудан 23 жаштагы жигит ооруканага түштү. Бул тууралуу облустук ИИБдин маалымат кызматы кабарлады.

Ага ылайык, 24-ноябрь күнү саат 18:20лар чамасында Нарын ИИБдин "102" кызматына шаар тургуну чалып Кулумбаев көчөсүндө жайгашкан "Корона" ресторанынын алдында ок атылганын маалымдаган.

Аталган билдирүүнү Нарын ШИИБи каттоого алып, окуя болгон жерге ыкчам тергөө тобу барган.

"Ресторандын алдынан 23 жаштагы К.А. аттуу шаар тургуну менен 21 жаштагы Т.Э. аттуу адамдын ортосунда пикир келишпестик жаралган. Экөө уруша кетип, Т.Э. жанынан белгисиз ок атуучу куралды алып чыгып каршылашын аткан. Бирок ок ага эмес, көчөдө турган 23 жаштагы М.Д. аттуу жигиттин оң бутуна тийген. Андан кийин Т.Э. дагы бир жолу куралын урушуп жаткан адамга багыттап, ок чыгарууга аракет кылган. Бирок ал тоскоолдук жаратып, жыйынтыгында ок К.А. аттуу жигиттин курткасын тешип өткөн", — деп айтылат маалыматта.

Бутуна ок тийген адам жолдон өтүп бара жаткан автоунаа менен Нарын облустук бириктирилген ооруканасына жеткирилгени жана алган жараатынан эсине келе электиги айтылды.

Бул иш КР Жазык кодексинин 266-беренеси ("Ээнбаштык") боюнча каттоого алынып, тиешелүү экспертизалар дайындалган.

"Азыркы учурда шектүүлөр аныкталып, аларды кармоо иш-чарасы жүргүзүлүп жатат", — деп жазылат билдирмеде.

Нарын ОИИБ бул адамдардын уюшкан кылмыштуу топко эч кандай тиешеси жок экенин кошумчалады.

2412
Белгилер:
ресторан, оорукана, ок атуу, Нарын
Тема боюнча
Сузакта бири-бирин аткылаган эки кылмыштуу топтун мүчөлөрү кармалды. Сүрөт
Президенттин Жогорку Кеңештеги өкүлү, президенттик аппаратынын жетекчисинин орун басары рангындагы Курманбек Дыйканбаев. Архив

Шайлоодо 7 млн. талап кылган. Президенттин ЖКдагы өкүлү Дыйканбаев кармалды

1277
(жаңыланган 20:30 24.11.2020)
Дыйканбаев парламенттик шайлоо маалында мамлекеттик ишкананын башчысын бир партия үчүн 7 миллион сом берүүгө мажбурлаганы айтылууда.

БИШКЕК, 24-ноя. — Sputnik. Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев кармалды. Бул туурасында Улуттук коопсуздук мамлекеттик комитетинен билдиришти.

Маалыматка ылайык, Дыйканбаев октябрдагы парламенттик шайлоо өнөктүгү маалында стратегиялык маанидеги мамлекеттик ишкананын башчысын бир партиянын кызыкчылыгы үчүн 7 миллион сом берүүгө мажбурлаган. Эгер баш тарта турган болсо, кызматтан кетирерин айтып коркутканы тергөөдө аныкталган.

"Курманбек Дыйканбаев мыйзамсыз алган акчасын шайлоо алдындагы үгүт иштерине колдонгон. Муну менен ал кызматтык абалын кыянаттык менен пайдаланып шайлоочулардын көп добушун алуу максатын көздөгөн", — деп айтылат маалыматта.

Президенттин ЖКдагы өкүлү бүгүн, 24-ноябрда, кармалып, УКМКнын убактылуу кармоочу жайына киргизилген. Ал Жазык кодексинин 320-беренесинин 3-бөлүгү ("Кызматтык абалынан кыянаттык менен пайдалануу") менен кылмыш жасаган деп шектелүүдө.

УКМК бул багытта иштер мындан ары дагы улантылып, өз убагында коомчулукка жарыяланып турарын кошумчалады.

Белгилей кетсек, Дыйканбаев 4-октябрдагы парламенттик шайлоого "Биримдик" партиясы менен катышып, 58-тизмеде турган.

1277
Белгилер:
Курманбек Дыйканбаев, шайлоо, кармоо, УКМК
Тема боюнча
Соцфонддун төрагасы Медер Ирсалиев эки айга тергөө абагына камалды
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

98
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

98
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты