Кыз. Архивдик сүрөт

Бишкекте үйүнөн качкан кыз изделип жатат. Сүрөтү жана өзгөчө белгилери

437
(жаңыланган 23:51 09.01.2020)
25 жаштагы Амина Межахед 7-январь күнү саат 23:00дө апасынан ачкычты уурдап алып, үйдөн качып чыккан.

БИШКЕК, 9-янв. — Sputnik. Бишкекте шизофрения дарты менен жабыркаган кыз изделүүдө. Бул тууралуу Sputnik агенттигине Свердлов райондук ички иштер башкармалыгынан билдиришти.

25 жаштагы Амина Межахед 7-январь күнү саат 23:00дө апасынан ачкычты уурдап, үйдөн качып чыккан. Кыздын үстүндө кара куртка, кара спорттук шым жана бутуна көк түстөгү өтүк кийген. Бою 165 сантиметр. Оң колунда күйүктүн тагы бар.

"Аминанын апасы Россияда жашап жүргөн кыргыз жараны. Ал жактан кызын Ысык-Көлдүн таза абасына дем алдыруу үчүн алып келген. Жоголгон кыз өзүнүн кыймыл-аракетине толук жооп бере албагандыктан, милиция жардам сурайт”, - деп айтылат билдирүүдө.

Анын кайда экенин билгендер (0755) 07-47-20, (0557) 11-94-10 номерлери аркылуу кабарлап койсо болот.

437
Белгилер:
Бишкек, издөө, милиция, кыз
Тема боюнча
Ош: түндө көчөдөн табылган эки жаштагы кыздын энеси ким экени аныкталды
Минск шаарындагы нааразычылык акциясынын катышуучулары

Минскиде президенттик шайлоодон кийин митингге чыккандар тарады

176
(жаңыланган 10:12 10.08.2020)
9-август күнү Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгондор шаардын борборун көздөй агылган.

БИШКЕК, 10-авг. — Sputnik. Минск шаарында митингге чыккандардын басымдуу бөлүгү тарап кетти. Бул туралуу РИА Новости жазды.

"Борбордук көчөлөрдө нааразычылык акциясына чыккандар байкалбайт. Акырындык менен автоунаа кыймылы калыбына келип, эл күнүмдүк жашоосун улантууда", — деп айтылат кабарда.

Күч органдары митинг учурунда көчөлөргө койгон тосмолорду алып салды. Бирок айрым жерлерде полиция автоунаа менен кыдырып карап жүргөнүн көрүүгө болот.

Минск: ОМОН жоокерлери менен митингчилердин кагылышкан учуру. Видео

Эске салсак, кечээ, 9-август күнү, Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгон жүздөгөн адам Минск шаарынын борборун көздөй агылган. Аларга ОМОН отрядынын жоокерлери каршы турган.

Митингге чыккандарды таратуу үчүн милиция көздөн жаш чыгаруучу газ жана кулак тундуруучу гранаталарды колдонгон.

Кечээ кечинде Борбордук шайлоо комиссиясы президенттик шайлоонун алдын ала жыйынтыгын чыгарган. Азыркы мамлекет башчы Александр Лукашенко эл добушунун 82 пайызын алгандыгы айтылган.

176
Белгилер:
Александр Лукашенко, абал, шайлоо, митинг, Белоруссия
Тема боюнча
БШК: Белоруссияда президенттик шайлоо өттү, 54 пайыз шайлоочу добуш берди
Белоруссия: президенттик шайлоодо Лукашенко алдыда. Exit poll, БШКнын жыйынтыгы
Президенттик шайлоодон соң Минскидеги акциянын катышуучуларын кууп таратуу. Баяндама
Кишенделген адам. Архив

УКМК бир катар кылмыштарга шектелген өзбекстандык жаранды кармады

99
Учурда Башкы прокуратура ага карата баш коргоо чарасын тандап, Өзбекстандын компетенттүү органдарына өткөрүп берүү маселеcин карап жатат.

БИШКЕК, 10-авг. — Sputnik. Улуттук коопсуздук боюнча мамлекеттик комитет издөөдө жүргөн Өзбекстандын жаранын кармады. Бул тууралуу мекеменин маалымат кызматы кабарлады.

Ага ылайык, коңшу өлкөнүн 47 жаштагы тургуну бир катар кылмыштарга шектелип, таптырбай жүргөн. 8-август күнү чекисттер аны колго түшүргөн.

Кармалган адам УКМКнын тергөө абагына киргизилген.

Учурда Башкы прокуратура ага карата баш коргоо чарасын тандап, Өзбекстандын компетенттүү органдарына өткөрүп берүү маселесин карап жатат.

УКМК: ИИМдин бөлүм башчылары кол астындагылардан акча талап кылган

Белгилей кетсек, 1993-жылдагы үй-бүлөлүк жана кылмыш иши боюнча укуктук жардам жана укуктук мамилелер туралуу Минск конвенциясынын алкагында мамлекеттер бири-бирине кылмышкерлерди тапканга жардам берип, экстрадиция кылышат.

99
Белгилер:
экстрадиция, кармоо, кылмыш, Башкы прокуратура, УКМК, Өзбекстан
Тема боюнча
Бишкекте кармалган "Хизбут-Тахрирдин" мүчөсү оор кылмышка да шектелүүдө
Сабакка даярданып жаткан мугалим. Архивдик сүрөт

Бишкектин мугалимдери 1-сентябрга даярдык көрүп жатышат

0
(жаңыланган 14:34 10.08.2020)
Педагогдор жана мектеп жетекчилери үчүн онлайн-сабактар Билим берүү жана илим министрлигинин адистери тарабынан өткөрүлөт.

БИШКЕК, 10-авг. — Sputnik. 5-августтан тарта 25-августка чейин Бишкектин бардык жалпы билим берүү мекемелеринде "Санарип мугалим" аталышындагы онлайн-вебинар өткөрүлөт. Бул тууралуу мэриянын маалымат кызматы билдирди.

"Биз мугалимдер менен интернет аркылуу сабак берүүнүн ыкмасын, жетишкендиктерди баалоо, балдар менен иштөөнү уюштуруу жана окуучулар, мугалимдер арасындагы психологиялык кризистин алдын алуу максатында талкууларды жүргүзүп жатабыз", — деп айтылат мэриянын билдирүүсүндө.

Бишкек мэриясы калаадагы мыкты мектептерди атады

Педагогдор үчүн онлайн-сабактар Билим берүү жана илим министрлигинин адистери тарабынан эки этапта өткөрүлөт.

Сабактар 5-августтан 16-августка чейин жетекчилер үчүн өтсө, экинчиси 17-августтан 25-августка чейин жалпы билим берүү мекемелеринин бардык педагогдору үчүн болот.

0
Белгилер:
онлайн, мугалим, педагог, билим берүү
Тема боюнча
Германиядагы мугалим Бүбүйна: Кыргызстандын алыскы мектебинде иштегим келип кетет
Бүгүндөн тарта мугалимдер аралыктан окутууга даярдык көрө баштайт