Суунун боюнда отурган бир кыздын элеси. Архив

ИИМ: Москвада мажбурлап күйөөгө берилген кыргызстандык кыз табылды

186
(жаңыланган 13:36 11.01.2020)
Иликтөө учурунда аял кызын мажбурлап турмушка бергендиги белгилүү болгон. Укук коргоочулар кыздын туугандарына түшүндүрүү иштерин жүргүзүштү.

БИШКЕК, 11-янв. — Sputnik. Москвада кыргызстандык 17 жаштагы кызды мажбурлап турмушка беришкендиктен ал качып кеткен. 

Бул тууралуу Ички иштер министрлигинен билдиришти.

2019-жылы декабрда Кыргызстандын ИИМинин Россиядагы өкүлчүлүгүнө 43 жаштагы аял кайрылган. Ал 17 жаштагы кызы Москвадагы үйүнөн чыгып кеткен боюнча кайтып келбегенин айтып, таап берүүнү суранган. Кыз Москвага 2019-жылдын сентябрь айында барган.

Териштирүү иштеринин натыйжасында аял кызын 26 жаштагы кишиге турмушка узатканы ачыкталган.

"Кыз табылды. Ал энеси кыйнап туруп белгисиз адамга күйөөгө бергендигин айтты. Жолдошу менен бир ай чогуу жашагандан кийин үйүндө эч ким жокто кийимдерин жыйнап кетип калган. Кыз Москвада батирге чыгып, өзүнчө жашоону ниеттенген", — деп айтылат билдирмеде.

Милиция кыз менен анын туугандарына түшүндүрүү иштерин жүргүздү.

186
Белгилер:
жоголуу, издөө, кыз, ИИМ, Москва, Россия, Кыргызстан
Тема боюнча
Каракол: чогуу жашаган аялын өрттөөгө шектелген эркек кармалды
Бишкектеги үйүнөн качып кеткен кызды Сокулуктагы мечитке алып келишти
Күйөөгө тийбей жатып күйөөдөн качып калдык. Акыркы окуялар үрөй учурганда
Мектеп. Архив

Өкмөт мектеп, бала бакчаларды ачуу маселесин карады

108
(жаңыланган 13:40 27.10.2020)
Жыйында ар бир калктуу конуштагы эпидемиологиялык кырдаалды эске алуу менен мектептерди этап-этабы менен ачуу мүмкүнчүлүгү жөнүндө маселе каралды.

БИШКЕК, 27-окт. — Sputnik. Вице-премьер Аида Исмаилова бала бакчалардын жана мектептердин ишин жандандыруу маселеси боюнча жумушчу жыйын өткөрдү. Бул тууралуу өкмөттүн маалымат кызматы кабарлады.

Жыйында Бүткүл дүйнөлүк саламаттык сактоо уюмунун КРдеги өкүлү Назира Артыкова, ЮНИСЕФтин КРдеги өкүлү Кристин Жольм, билим берүү жана илим министринин орун басары Надира Жусупбекова маалымат беришкен.

Назира Артыкова Бүткүл дүйнөлүк саламаттык сактоо уюмунун директору Тедрос Гебрейесустун кайрылуусун жеткирди. Анда мамлекеттик, жергиликтүү өз алдынча башкаруу органдары калк менен бирге санитардык талаптарды аткарса мектептерди жабуунун кажети жок экендиги жазылган.

Жыйында ар бир калктуу конуштагы эпидемиологиялык кырдаалды эске алуу менен мектептерди этап-этабы менен ачуу мүмкүнчүлүгү жөнүндө маселе каралган.

"Калк жашаган ар бир аймактын эпидемиологиялык абалына талдоо жүргүзүү шарт. Бизде толук жана ишенимдүү маалымат болушу керек. Мектептер менен бала бакчалар ачылган учурда эпидемиологиялык кырдаалдын ар кандай учуруна даяр туруу зарыл", — деди Исмаилова.

Вице-премьер мектептер ачылса бардык мамлекеттик органдар жергиликтүү деңгээлде көзөмөлдү күчөтүп, ооруну алдын алуу үчүн алгоритмди аткаруу жоопкерчилигин алышы керек деп эсептейт.

Бир күндө 568 адамдан COVID-19 аныкталды, 3 400 бейтап ооруканада

Аида Исмаилова өкмөттүн облустардагы ыйгарым укуктуу өкүлдөрүнө, райондук мамлекеттик администрацияларга жана жергиликтүү өз алдынча башкаруу органдарына тез арада аймактагы эпидемиологиялык кырдаалды талдоо тапшырмасын берди.

108
Белгилер:
бала бакча, мектеп, өкмөт, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Октябрда коронавируска кабылган балдардын саны үч эсеге өстү
Өтө катаал айлар келе жатат. ДССУ башчысы мектептерди жабууга чакырды
Алтын кениндеги оор жүк ташуучу самосвалдар. Архив

Финпол: алтын казган компаниянын 9 млрд. сом салык төлөбөй жүргөнү аныкталды

1381
(жаңыланган 11:43 27.10.2020)
Аталган факт Кылмыш жана жоруктардын бирдиктүү реестрине Жазык кодексинин 319-беренеси ("Коррупция") менен катталды.

БИШКЕК, 27-окт. — Sputnik. Социалдык фонд жана Салык кызматында иштеген кызматкерлер аралашкан коррупциялык схема аныкталды. Бул туурасында Экономикалык кылымыштарга каршы күрөшүү кызматы (Финпол) билдирди.

Маалыматта мындай коррупциялык иштердин кесепетинен мамлекеттик бюджетке 9 миллиард сомдон ашуун каражат түшпөй калганы айтылат.

Сыймык Жапыкеев: Финпол ишкерлер менен ачык диалогго даяр

"Жогоруда белгиленген кызмат адамдары колундагы бийлигин пайдаланып жең ичинен каражат алып туруу үчүн мыйзамга каршы келген байланыш түзгөн. Бул үчүн коомчулуктун жана мамлекеттин кызыкчылыгына кооптуулук жараткан алтын казуучу "КГ.К." компаниясына артыкчылыктарды берген. Мунун натыйжасында компания салык жана камсыздандыруу төлөмдөрүн төлөбөй келген", — деп айтылат маалыматта.

Аталган факт Кылмыш жана жоруктардын бирдиктүү реестрине Жазык кодексинин 319-беренеси ("Коррупция") менен катталды. Учурда тергөө жүрүп жатат.

1381
Белгилер:
коррупция, бюджет, салык, компания, финансы полициясы
Тема боюнча
Башкы прокуратура: Атамбаев, Шадиев сыяктуулар өлкөгө 13,6 млрд. сом зыян келтирген
Финпол: тез жардам унааларын 1 млн. долларга кымбат алгандарга иш козголду
Киши доллар банконталарын кармап турат. Архив

Доллардын курсу дагы жогорулап 82 сомго жакындап калды

0
(жаңыланган 15:30 27.10.2020)
Дүйшөмбү күнү коюлган баага салыштырмалуу нарк бир сомго жогорулады, бүгүн эле эртең менентен бери 50 тыйынга кымбаттады.

БИШКЕК, 27 окт — Sputnik. Кыргызстанда доллардын курсу бүгүн кескин кымбаттап кетти.

Эртең менен эле америка валютасын сатып алуу 80.99, сатуу 81,38 сомду түзүп турган. Дүйшөмбүгө салыштырмалуу баа 55-56 тыйынга өстү.

Саат 15:00гө карата курс төмөндөгүдөй болууда:

  • Сатып алуу — 81,4төн 81,65 сомго чейин;
  • Сатуу — 81,8ден 81,9 сомго чейин.
0
Белгилер:
курс, кымбаттоо, өсүү, Кыргызстан, доллар, доллардын курсу
Тема боюнча
Жапаров Абдыгуловго финансы рыногун жөнгө салуу боюнча тапшырма берди
Доллардын баасын кармап туруу үчүн Улуттук банк 17,1 млн. доллар сатты
Доллар эмнеге кымбаттап жатат? Улуттук банк түшүндүрмө берди