Ымыркай. Архив

Ысык-Көлдө бөбөк ооруканада чарчап калып, чоң энеси милицияга кайрылды

275
(жаңыланган 10:49 15.01.2020)
Жандандыруу бөлүмүндө көз жумган бөбөктүн көкүрөк жана далы жагы көгөрүп калгандыктан факты каттоого алынып, соттук-медициналык экспертиза дайындалган.

БИШКЕК, 15-янв. — Sputnik. Ысык-Көл облусунун Ак-Суу райондук ооруканасында бир жаштагы кыз чарчап калып, чоң энеси милицияга арыз менен кайрылды. Бул тууралуу облустук милициянын маалымат катчысы Сталбек Усубакунов билдирди.

Наристе ооруканага Боз-Учук айылынан алып келинген. 10-январь күнү милицияга райондук ооруканадан бир жашар бала чарчап калгандыгы тууралуу маалымат түшкөн.

"Жандандыруу бөлүмүндө көз жумган бөбөктүн көкүрөк жана далы жагы көгөрүп калгандыктан факты каттоого алынып, соттук-медициналык экспертиза дайындалган", — деп айтылат билдирүүдө.

Мындан тышкары, кечээ, 14-январь күнү, кыздын чоң энесинен милицияга арыз түшкөн.

Маалыматка караганда, бөбөктүн атасы бир жыл мурда каза болгон. Ал эми апасы Түркияга иштөөгө кеткен. Жубайлардын дагы бир эркек баласы бар. Аны чоң энеси тарбиялап келет. Ал эми кызды тайлары багып жүрчү.

Милициянын билдирүүсүндө, чоң эне небереси ур-токмоктон чарчап калды деп шектенип, анын өлүмүнүн себебин тактоо үчүн укук коргоо органдарына кайрылды.

275
Белгилер:
ымыркай, арыз, милиция, өлүм, Ысык-Көл облусу
Тема боюнча
Бишкекте жолтандабас койдуруп кеткен 3 жашар наристе чарчап калды
Көчөдөн бараткан кыз. Архивдик сүрөт

Ош шаарында бир жылдан бери дайынсыз болгон кыз изделүүдө. Сүрөт

69
(жаңыланган 19:13 15.08.2020)
Жаш кыз былтыр жайында Кара-Суу районунда үйүнөн чыгып кеткен боюнча дайынсыз. Милиция аны табышууга коомчулуктан жардам сурады.

БИШКЕК, 15-авг. — Sputnik. Ош шаарында былтыр жоголгон 18 жаштагы Муножат Салиева изделип жатат. Бул тууралуу калаа милициясынын маалымат кызматы билдирди.

Кыз 2019-жылдын 15-июль күнү Кара-Суу районунда жашаган үйүнөн чыгып кеткен боюнча дайынсыз болууда. Милиция аны табуу үчүн кайрадан коомчулукка кайрылып жатканын айтты.

"Изделип жаткан Муножат Салиева 2002-жылы туулган. Бою 165-170 сантиметр, жоголгон күнү үстүндө кара-ак (сызык) түстөгү жемпир, кара шым жана кара түстөгү бут кийим кийип жүргөн. Айрымдар кыз дайынсыз болгон күнү аны Ош шаарынын Масалиев көчөсүнөн көрүшкөндүгүн айтышкан", — деп жазылган маалыматта.

Милиция Жалал-Абадда жоголгон эже-сиңдини Баткенден тапты. Кыздардын жообу

Ош шаардык милициясы жогорудагы кыз тууралуу кандайдыр бир маалыматы барларды 03222-2-75-15, 0702-17-09-17 жана 0551-05-42-75 телефондору аркылуу кабарлап коюну өтүнөт.

69
Белгилер:
кыз, издөө, милиция, Ош
Тема боюнча
Мөңгүгө кирип кеткен. Жалал-Абаддагы жайлоодо 14 жаштагы баланын сөөгү табылды
Перевернувшийся автомобиль после дорожно-транспортного происшествия. Иллюстративное фото

Бишкектин четинде унаа оодарылып кетип, беш киши жабыркады. Видео

169
Окуя кечээ кечинде болгон. Бишкекке бара жаткан Lexus RX300 унаасынын айдоочусу рулду башкара албай кырсыктаган.

БИШКЕК, 15-авг. — Sputnik. Бишкектин четинде унаа беш кишиси менен оодарылып кеткенин Sputnik агенттигине Чүйдүн Жол кыймылы коопсуздугун камсыздоо башкармалыгынын маалымат катчысы Тимур Мирсадык уулу билдирди.

Машина талкаланган. Бишкектин четиндеги үрөй учурган кырсыктын видеосу

"Lexus RX300 борбор калааны көздөй бара жаткан. Болжолдуу маалыматтар боюнча айдоочу унааны башкара албай анча бийик эмес тосмону сүзгөн. Унаанын ичинде беш киши болгон. Бардыгы ооруканага жеткирилди", — деди Мирсадык уулу.

Автокөлүк айып короого токтотулуп, жол кырсыгы териштирилип жатат.

169
Белгилер:
видео, айдоочу, унаа, жол кырсык, Чүй облусу
Тема:
2020-жылдын башынан бери Кыргызстанда болгон жол кырсыктар
Тема боюнча
Ысык-Көлдө жүрөк үшүн алган жол кырсыгы болду. Окуя болгон жердеги видео
Ысык-Көлдүн жээги. Архивдик сүрөт

Ош, Талас жана Бишкектен 200 медик Ысык-Көлгө эс алууга жөнөтүлдү

0
(жаңыланган 20:11 15.08.2020)
Коронавирус жуктурган бейтаптарды дарылаган медицина кызматкерлеринин ден соолугун калыбына келтирүү үчүн эс алдыруу каралган.

БИШКЕК, 16-авг. — Sputnik. Медицина кызматкерлеринин кезектеги тобу Ысык-Көлгө эс алууга жөнөтүлгөнүн Республикалык штаб кабарлады.

Ош, Талас облустары менен Бишкек шаарынан топтолгон дарыгерлер, медайымдар, санитарлар, техникалык персоналдын өкүлдөрү менен тез жардам унааларынын айдоочуларынан турган топ 15-август күнү чыгып кетишкен.

Эми акча берилбейби? Медиктерге компенсация төлөөнүн шарты өзгөрүүдө

"Медиктер "Эне-Сай" пансионатында бир жума болушат. Каражат маселеси Эмгекчилердин ден соолугун калыбына келтирүү фонду тарабынан чечилди", — деп айтылат маалыматта.

Эскерте кетсек, акыркы үч аптанын аралыгында "Эне-Сай" жана "Алтын-Жай" пансионаттарында жалпы жонунан 450 медицина кызматкери эс алды.

0
Белгилер:
пансионат, медик, эс алуу, Ысык-Көл, дарыгер
Тема боюнча
Россиялык медиктер Чыңгыз Айтматовдун үй-музейине баш бакты. Сүрөт
Исмаилова: аймактарга бөлүштүрүлгөн жаш медиктерге колдоо көрсөтүү зарыл
Эми акча берилбейби? Медиктерге компенсация төлөөнүн шарты өзгөрүүдө