Казакстан тез жардам кызматкерлери. Архивдик сүрөт

Казакстанда жол кырсыгынан каза тапкан үч киши да кыргызстандык болуп чыкты

3588
(жаңыланган 13:49 17.01.2020)
Каза тапкандардын туугандарына кабар берилди. Кыргызстандын Казакстандагы элчилиги маркумдардын сөөгүн мекенине жеткирүүгө жардам көрсөтөт.

БИШКЕК, 17-янв. — Sputnik. Казакстандагы Самара — Шымкент трассасындагы жол кырсыктан каза тапкан үч кишинин дагы кыргызстандык экени аныкталды. Бул тууралуу Тышкы иштер министрлигинен билдиришти.

Жол кырсыгы 16-январга караган түнү саат 01.30дар чамасында Актөбө облусундагы Иргиз айылына жакын жерде болгон. Окуянын кесепетинен кыргызстандык айдоочу үч жүргүнчүсү менен мүрт кеткен. Алардын жарандыгы белгисиз болчу.

"Жол кырсыгынан 1991-жылкы К.А., 1993-жылкы К.А., 1995-жылкы К.М., 2001-жылкы А.М. көз жумду. Алардын бардыгы Кыргызстандын жарандары болгон. Ал эми 1997-жылкы кыргызстандык кыз жаракат алып Иргиз райондук ооруканасына жаткырылган. Анын өмүрүнө коркунуч жок. Ал эми маркумдардын сөөгү ушул эле оорукананын моргуна жеткирилген. Учурда Казакстандын тийиштүү органдары сотко чейинки тергөө амалдарын жүргүзүп жатат", — дешти министрликтен.

Каза тапкандардын туугандарына кабар берилди. Кыргызстандын Казакстандагы элчилиги маркумдардын сөөгүн мекенине жеткирүүгө жардам көрсөтөт.

3588
Белгилер:
жол кырсык, Казакстан, Кыргызстан
Тема боюнча
Россияда 7 кыргызстандык киши жол кырсыгынан жабыркады. Жеринен тартылган видео