Телефононд сүйлөшүп аткан киши. Архивдик сүрөт

Бишкекте ага-ини жоголду. Туугандары элден жардам сурайт

6159
(жаңыланган 16:54 22.01.2020)
Алгач 51 жаштагы Канат Асанов жоголгон. Ал 2020-жылдын 9-январында саат 18.00 чамасында Ынтымак жаңы конушундагы үйүнөн чыгып кеткен боюнча кайтып келген эмес. Алты күндөн кийин аны издеп чыккан иниси дагы дайынсыз болууда.

БИШКЕК, 22-янв. — Sputnik. Бишкекте 51 жана 47 жаштагы ага-ини дайынсыз жоголуп, изделип жатат. Бул тууралуу Sputnik Кыргызстан агенттигине алардын жакындары билдирди.

Маалыматка караганда, алгач 51 жаштагы Канат Асанов жоголгон. Ал 2020-жылдын 9-январында саат 18.00дөр чамасында Ынтымак жаңы конушундагы үйүнөн чыгып кеткен боюнча кайтып келген эмес. 

В Бишкеке ведутся поиски двух братьев — Каната и Кубата Асановых
© Фото / предоставлено родными пропавших
Жоголгон 51 жаштагы Канат Асанов

Ал эми иниси Кубат Асанов ушул эле жылдын 15-январында Заречное айылынан бир тууганын издөөгө кеткен бойдон дайыны жок. 

В Бишкеке ведутся поиски двух братьев — Каната и Кубата Асановых
© Фото / предоставлено родными пропавших
Иниси Кубат Асанов

Канат Асановдун өзгөчө белгилери: бою 160-165 сантиметр, арыкчырай, чачы ак баскан. Көз айнек тагынат. Үстүнө көк түстөгү капюшону бар куртка, кара шым жана кара бут кийимчен.

Кубат Асановдун өзгөчө белгилери: бою 160 сантиметр, арыкчырай, көзүнүн көрүүсү начар. Үстүнө кара куртка, кара баш кийим, көк жинсы шым жана кара бут кийим кийген.

Бир туугандардын жакындары алардын жүргөн жерин же алар тууралуу маалымат билгендер болсо, төмөнкү телефондорго кабарлап коюуну өтүнөт: 0501 12 42 19, 0551 12 42 19, 0777 74 06 99.

6159
Белгилер:
издөө, Чүй облусу
Тема боюнча
Бишкекте жоголгон келин аман-эсен табылды
Мектеп. Архив

Өкмөт мектеп, бала бакчаларды ачуу маселесин карады

94
(жаңыланган 13:40 27.10.2020)
Жыйында ар бир калктуу конуштагы эпидемиологиялык кырдаалды эске алуу менен мектептерди этап-этабы менен ачуу мүмкүнчүлүгү жөнүндө маселе каралды.

БИШКЕК, 27-окт. — Sputnik. Вице-премьер Аида Исмаилова бала бакчалардын жана мектептердин ишин жандандыруу маселеси боюнча жумушчу жыйын өткөрдү. Бул тууралуу өкмөттүн маалымат кызматы кабарлады.

Жыйында Бүткүл дүйнөлүк саламаттык сактоо уюмунун КРдеги өкүлү Назира Артыкова, ЮНИСЕФтин КРдеги өкүлү Кристин Жольм, билим берүү жана илим министринин орун басары Надира Жусупбекова маалымат беришкен.

Назира Артыкова Бүткүл дүйнөлүк саламаттык сактоо уюмунун директору Тедрос Гебрейесустун кайрылуусун жеткирди. Анда мамлекеттик, жергиликтүү өз алдынча башкаруу органдары калк менен бирге санитардык талаптарды аткарса мектептерди жабуунун кажети жок экендиги жазылган.

Жыйында ар бир калктуу конуштагы эпидемиологиялык кырдаалды эске алуу менен мектептерди этап-этабы менен ачуу мүмкүнчүлүгү жөнүндө маселе каралган.

"Калк жашаган ар бир аймактын эпидемиологиялык абалына талдоо жүргүзүү шарт. Бизде толук жана ишенимдүү маалымат болушу керек. Мектептер менен бала бакчалар ачылган учурда эпидемиологиялык кырдаалдын ар кандай учуруна даяр туруу зарыл", — деди Исмаилова.

Вице-премьер мектептер ачылса бардык мамлекеттик органдар жергиликтүү деңгээлде көзөмөлдү күчөтүп, ооруну алдын алуу үчүн алгоритмди аткаруу жоопкерчилигин алышы керек деп эсептейт.

Бир күндө 568 адамдан COVID-19 аныкталды, 3 400 бейтап ооруканада

Аида Исмаилова өкмөттүн облустардагы ыйгарым укуктуу өкүлдөрүнө, райондук мамлекеттик администрацияларга жана жергиликтүү өз алдынча башкаруу органдарына тез арада аймактагы эпидемиологиялык кырдаалды талдоо тапшырмасын берди.

94
Белгилер:
бала бакча, мектеп, өкмөт, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Октябрда коронавируска кабылган балдардын саны үч эсеге өстү
Өтө катаал айлар келе жатат. ДССУ башчысы мектептерди жабууга чакырды
Алтын кениндеги оор жүк ташуучу самосвалдар. Архив

Финпол: алтын казган компаниянын 9 млрд. сом салык төлөбөй жүргөнү аныкталды

1334
(жаңыланган 11:43 27.10.2020)
Аталган факт Кылмыш жана жоруктардын бирдиктүү реестрине Жазык кодексинин 319-беренеси ("Коррупция") менен катталды.

БИШКЕК, 27-окт. — Sputnik. Социалдык фонд жана Салык кызматында иштеген кызматкерлер аралашкан коррупциялык схема аныкталды. Бул туурасында Экономикалык кылымыштарга каршы күрөшүү кызматы (Финпол) билдирди.

Маалыматта мындай коррупциялык иштердин кесепетинен мамлекеттик бюджетке 9 миллиард сомдон ашуун каражат түшпөй калганы айтылат.

Сыймык Жапыкеев: Финпол ишкерлер менен ачык диалогго даяр

"Жогоруда белгиленген кызмат адамдары колундагы бийлигин пайдаланып жең ичинен каражат алып туруу үчүн мыйзамга каршы келген байланыш түзгөн. Бул үчүн коомчулуктун жана мамлекеттин кызыкчылыгына кооптуулук жараткан алтын казуучу "КГ.К." компаниясына артыкчылыктарды берген. Мунун натыйжасында компания салык жана камсыздандыруу төлөмдөрүн төлөбөй келген", — деп айтылат маалыматта.

Аталган факт Кылмыш жана жоруктардын бирдиктүү реестрине Жазык кодексинин 319-беренеси ("Коррупция") менен катталды. Учурда тергөө жүрүп жатат.

1334
Белгилер:
коррупция, бюджет, салык, компания, финансы полициясы
Тема боюнча
Башкы прокуратура: Атамбаев, Шадиев сыяктуулар өлкөгө 13,6 млрд. сом зыян келтирген
Финпол: тез жардам унааларын 1 млн. долларга кымбат алгандарга иш козголду

Бишкекте абаны булгаган автоунааларды аныктоо үчүн рейд жүрүүдө. Видео

0
(жаңыланган 14:47 27.10.2020)
Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

Абага зыяндуу заттарды нормадан ашык чыгарып жаткан автоунааларды аныктоо максатында борбор калаада атайын рейд жүрүүдө. Бул тууралуу Экологиялык жана техникалык коопсуздук боюнча мамлекеттик инспекциядан билдиришти.

Маалым болгондой, Мамэкотехинспекциянын жетекчисинин тапшырмасы менен Бишкектеги экологиялык абалды жакшыртуу боюнча комплекстүү чара көрүү планы иштелип чыккан. Рейд ошол пландын алкагында жүрүп жатат.

Автоунаалардын зыяндуулугу газ анализдеген автотест ченегичтер менен текшерилип жатканы айтылды.

"Азыр көп автоунаалардын катализатор системасы жок. Бул атмосфераны булгайт. Ошондуктан абага чыгып жаткан зыяндуу заттарды азайтуу үчүн машиналарыңарга катализатор системасын орнотууңуздарды суранабыз", — деп айтылат маалыматта.

Бишкек: рейд учурунда коронавирустун жайылышына шарт түзгөндөр аныкталды

Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

0
Белгилер:
Экологиялык жана техникалык коопсуздук боюнча Мамлекеттик инспекция, зыян, автоунаа, тазалык, аба
Тема боюнча
Кыргызстандын шаарларындагы аба канчалык кир экени айтылды