Камактагы аял. Архивдик сүрөт

Дайынсыз жоголгон дагы бир кыргызстандык аял Москванын абагынан табылды

559
(жаңыланган 18:13 22.01.2020)
1988-жылы Ош облусунда төрөлгөн аял акыркы ирет 21-декабрда байланышка чыгып, ошону менен дайын-дареги жок болуп жаткан.

БИШКЕК, 22-янв. — Sputnik. Дайынсыз жоголгон 32 жаштагы кыргызстандык аял Москвадагы абактан табылды. Бул тууралуу ИИМден билдиришти.

2020-жылдын январь айында КРдин Ички иштер министрлигинин Россиядагы өкүлчүлүгүнө мекендештер кайрылып, 1988-жылы төрөлгөн тууганы жоголуп кеткенин кабарлашкан. Алар аял акыркы жолу 2019-жылдын 21-декабрында байланышка чыкканын билдиришкен.

"Издөө иштери жүргүзүлүп, натыйжада аял Москва шаарындагы тергөө абагынан табылды. Ал 2019-жылдын 21-декабрында гипермаркеттердин биринен уурулук кылууга аракет кылган деп шектелип, полиция тарабынан кармалганы аныкталды. Ага карата "Уурулук кылууга аракет жасоо" беренеси боюнча кылмыш иши козголгон", — дешти ИИМден.

Учурда туугандары бул боюнча кабардар болуп, юридикалык кеңеш алышты.

Белгилей кетсек, буга чейин дайынсыз жоголгон чүйлүк кыз дагы Москвадагы абактан табылган.

559
Тема боюнча
Кыз ала кача коем деп 12 жылга кесилип кетти... Абак кызматкерлери менен маек
Бишкекте ага-ини жоголду. Туугандары элден жардам сурайт

Уюшкан кылмыштуу топтун эки мүчөсүн кармаган видео жарыяланды

246
Ишкерди коркутуп, соода түйүнүн тартып алууга аракет кылган уюшкан кылмыштуу топтун мүчөлөрү кармалды. Бул тууралуу УКМКдан билдиришти.

Ыкчам-издөө иш-аракеттеринин натыйжасында 25-ноябрь күнү 32 жаштагы Э.Т. жана Э.К. кармалган.

"Колго түшкөн жарандар 2020-жылдын сентябрь айында жеке ишкерди коркутуп, Бишкектеги соода комплекстердин бириндеги түйүнүн тартып алууга аракет жасашкан. Ошондой эле ишкерди шаар четине чыгарып дагы коркутушкан", — деп айтылат маалыматта.

Фак Кылмыш жана жоруктардын бирдиктүү реестрине Кылмыш-жаза кодексинин 203-беренеси ("Опузалап талап кылуу") боюнча катталып, кылмыш иши козголгон. Учурда УКМК аталган фактыга тийиштиги бар башка шектүүлөрдү издеп жатат.

246
Белгилер:
УКМК, кармоо, кылмышкер, уюшкан кылмыштуу топ
Тема боюнча
Катаал жазага татыктуу! Депутат Опумбаев менен Жунушалиевди кармоону талап кылды
Ишкердин соода түйүнүн тартып алмакчы болгон. УКМК шектүүлөрдү кармады
Милиционердин кишендери жана фуражкасы. Архив

Ошто тепкичтен автоунаа менен чыккан жаран милицияга алып келинди

152
(жаңыланган 17:21 26.11.2020)
Учурда тергөө кызматы окуяны иликтеп жатат, тиешелүү адистер менен келтирилген чыгымдар дагы эсептелүүдө.

БИШКЕК, 26-ноя. — Sputnik. Ош шаарында жолтандабасын текшерүү үчүн тепкичтен чыккан мурунку милиция кызматкери тергөөгө алып келинди. Бул туурасында Ош шаардык милициянын маалымат кызматы билдирди.

Бүгүн эртең менен социалдык тармактарда адамдар түшүп-чыгууга ылайыкталган тепкичтен машинасын айдап чыккан эки жигиттин видеосу тараган. Рулда отурганы жанындагы адамдын жаңы алган автоунаасын текшерип көрүү үчүн тепкичке салып, аны өзүлөрү видеого тарткан.

Айдоочу Ош ШИИБдин тергөө кызматына алып келинип, иликтөө иштери жүрүп жатканы айтылат.

"Ал 33 жаштагы Ш.С. аттуу ички иштер органынын мурдагы кызматкери. Акыркы жолу Ош облустук ички иштер башкармалыгында иштеп, 2016-жылы кызматтан кеткен. Тергөө кызматы окуяны иликтеп көрүп жыйынтык чыгарат. Учурда тиешелүү адистер менен келтирилген чыгымдар дагы эсептелип жатат", — деп айтылат маалыматта.

Бул факт Кылмыш жана жоруктардын бирдиктүү реестрине катталып, Бузуулар кодексинин 124-беренеси ("Авто ээнбаштык") боюнча сотко чейинки өндүрүш ачылган. Кийин ал Жазык кодексинин 266-беренесине ("Ээнбаштык") өзгөртүлдү.

152
Белгилер:
тепкич, кармоо, автоунаа, милиционер, Ош шаары
Тема боюнча
30 миң сом айып салынды. Жол эрежелерин бузган той кортежинин видеосу
Маршруткада сөгүнүп, тебинген аялдын үстүнөн айдоочу милицияга кайрылды
Милиция үлпөт тоюнда тапанчадан ок чыгарган күйөө баланы Кара-Балтадан тапты
Футболчу Диего Марадона кесипкөй бокстун эки салмак боюнча дүйнө чемпиону Сантос Ласьяр менен 1996-жылы бокс беттеши учрунда. Архив

Соцтармак Марадонанын бокстагы дебютун эскерди. Видео

0
Беттештен бир күн мурда мушкерлер салт катары таразага түшүшүп, Марадона атаандашынан 14 килограммга оор болгон.

БИШКЕК, 27-ноя. – Sputnik. Диего Марадона 1996-жылы бокс спортунда өз күчүн сынап, досу, кесипкөй бокстун эки салмак боюнча дүйнө чемпиону Сантос Ласьяр менен рингге чыккан. Бул тууралуу World Boxing Council (Дүйнөлүк бокс кеңеши) уюму футболчунун бокстагы дебютун эскерип, анын беттешиндеги үзүндүлөрүн Instagram баракчасына жарыялады.

Посмотреть эту публикацию в Instagram

Публикация от World Boxing Council (@wbcboxing)

Марадона ошол кезде өзү ойногон "Бока Хуниорс" футбол командасынын кийимине түспөлдөш көк-сары түстөгү чолок шымчан мушташкан. Атаандашы Ласьяр WBA (Дүйнөлүк бокс ассоциациясы) уюмунун титулу үчүн түштүк африкалык Питер Матебуланы уткандан кийин 15 жылдан соң рингге чыккан.

Маалыматтарга ылайык, беттештен бир күн мурда мушкерлер салт катары таразага түшүп, Марадона (75,3 килограмм) атаандашынан (61,45 килограмм) 14 килограммга оор болгон.

Тамашалуу маанайдагы беттеш үч раундга созулуп, айрым жеринде боксчулар бири-бирине эмес, калыска чабуул жасап, соккулашкан. Беттештин соңунда легендарлуу футболчу топту бут менен ойноонун керемет ыкмаларын жасап, көрүүчүлөрдүн көңүлүн көтөргөн.

Эске салсак, Диего Марадона 25-ноябрда 60 жаш курагында Буэнос-Айрес шаарынан анча алыс эмес жайгашкан Тигре шаарындагы жашап жаткан үйүндө жүрөк кемтиги оорусунан улам көз жумган.

Аргентинанын президенти бул кайгылуу окуяга байланыштуу үч күндүк аза күтүү күнүн жарыялаган.

0
Белгилер:
эскерүү, бокс, Диего Марадона
Тема боюнча
Легендарлуу футболчу Диего Марадона көз жумду