РФте кырсыктап көз жумган кыргызстандыктар. Дагы эки маркумдун жарандыгы такталды

© Sputnik / Алексей Куденко / Медиабанкка өтүүТез жардам автоунаасы. Архив
Тез жардам автоунаасы. Архив - Sputnik Кыргызстан
Жазылуу
Челябинск облусунда 22-январда кечинде КамАЗ менен жеңил унаа кагышып, анда кыргызстандыктардын каза болгону айтылган. Көп өтпөй элчилик каза болгон беш адамдын үчөө кыргызстандыктар экенин аныктады.

БИШКЕК, 24-янв. — Sputnik. Россиянын Челябинск облусунда кыргызстандыктар каза болгон жол кырсыгы боюнча кылмыш иши козголду. Бул тууралуу ИИМдин маалымат кызматынан кабарлашты.

Эске салсак, Челябинск облусунда 22-январь күнү кечинде КамАЗ менен жеңил унаа кагышып, анда кыргызстандыктардын каза болгону айтылган. Көп өтпөй элчилик каза болгон беш адамдын үчөө кыргызстандыктар экенин аныктаган.

"Honda Stream унаасын 50 жаштагы кыргызстандык айдап бара жаткан. Жанында 44 жана 27 жаштагы мекендештери болгон. Үчөө тең Ош облусунун тургундары экен. Булардан тышкары автодо Өзбекстандын бир жана Тажикстандын бир жараны болгон", — деп айтылат билдирүүдө.

Жол кырсыгы. Иллюстративдүү сүрөт - Sputnik Кыргызстан
Бишкектен Кара-Балтага кеткен жолдо эки автоунаа кагышып, үч киши каза тапты
Ал эми КамАЗдын рулунда казакстандык жаран болгон. Текшерүүлөрдүн жыйынтыгында анын мас эмес экени аныкталды.

Аталган факт боюнча Россия ИИМинин Челябинск облусу боюнча бөлүмү Кылмыш-жаза кодексинин 264-беренесине ("Эки жана андан көп адамдын өлүмүнө алып келген транспорттук каражатты башкаруу жана жол эрежелерин бузуу") ылайык кылмыш иши козголду.

Маркумдардын бардыгынын жакындары табылды.

Жаңылыктар түрмөгү
0