Камакка алынган аял. Архивдик сүрөт

Чүй: кылмыш иши боюнча документи жоголгон аял 11 жылдан соң эркиндикке чыкты

4754
(жаңыланган 16:01 31.01.2020)
Адам өлтүрүүгө шектелген аял 25 жылга кесилген. Ал иштин кайра каралышын күтүп абакта 11 жыл жаткан.

БИШКЕК, 31-янв. — Sputnik. Кылмыш материалы жок туруп абакта 11 жыл жаткан аял эркиндикке чыкты. Бул тууралуу Акыйкатчы институтунан кабарлашты.

Маалыматка караганда, кечээ күнү, 30-январда, аял акыйкатчынын кеңсесине телефон чалып, түрмөдөн чыкканын айтуу менен ыраазычылык билдирген. Чечимди Токмок шаардык соту кабыл алган.

Акыйкатчы институтунан билдиришкендей, кыргызстандык аял кезинде биринчи инстанциянын чечимине макул эместигин айтып Чүй облустук сотуна даттанган. Натыйжада сот биринчи инстанциянын чечимин жокко чыгарып, ишти кайра кароого жөнөткөн. Токмок шаардык соту болсо ишти үч ирет шаардык прокуратурага жиберген. Бирок үчүнчү жолкусунда кылмыш материалы жоголуп кеткен. Буга ким күнөөлүү экенин соттон дагы, прокуратурадан дагы эч ким түшүндүрүп бере алган эмес.

Натыйжада аял биринчи инстанциядагы соттун чечими менен 25 жылга кесилип, абакта 11 жыл отурган. Ал адам өлтүрдү деп айыпталган. Бирок 2019-жылдын 1-январында күчүнө кирген жаңы Кылмыш кодексинде мындай кылмышка эң көп дегенде 20 жыл берилери көрсөтүлгөн.

Ошондой эле Акыйкатчы институту тергөө абагындагы бир күн эки күн деп эсептелерин жүйө келтирип, аял ал жакта беш айдан ашык убакыт өткөргөнүн маалымдады. Мындан тышкары, аял абакта 11 жыл отурганын, ага карата 2015-жылы эле амнистия колдонулушу керектиги белгиленди.

Акыйкатчы институтуна Башкы прокуратурадан дагы жооп келди, ага ылайык, УКМКнын Чүй облусу боюнча башкармалыгы кылмыш материалынын жоголуп кетиши боюнча тергөө ишин баштады.

4754
Белгилер:
материал, кылмыш, абак, Чүй облусу, Кыргызстан
Тема боюнча
Соттор талашып-тартышкыча мурдагы аткаминер качып кетти
Кармалган киши кишенчен. Архив

Бука сатып берем деген. Ошто элди 1,5 млн. сомго алдап кеткен адам кармалды

60
(жаңыланган 13:55 27.11.2020)
Элди алдап жүргөн адам Аравандын Кайрагач-Арык айылынын 38 жаштагы тургуну болуп чыкты. Учурда ал Араван РИИБинин убактылуу кармоочу жайында.

БИШКЕК, 27-ноя. — Sputnik. Ош облусунун Араван районунда жашоочулардан ири өлчөмдөгү акча алып, бербей качып жүргөн адам кармалды. Бул тууралуу Ош облустук ички иштер башкармалыгынын маалымат катчысы Жеңиш Аширбаев билдирди.

Анын айтымында, милицияга Ош облусунун жана Ош шаарынын жети тургуну арыз менен кайрылган. Алар Аравандын К.Г. аттуу тургуну багылган букаларын сатып, акчасын берем деп алдап, качып жүргөнүн билдиришкен.

Жалпы келтирилген чыгым 1 миллион 558 миң 800 сомду түзгөн.

"Аталган арыз боюнча ыкчам-иликтөө иштери жүрүп, жыйынтыгында Аравандын Кайрагач-Арык айылынын 38 жаштагы К.Г. аттуу тургуну кармалды. Ал Ош облусунда адамдардын ишеничине кирип, алдамчылык менен алектенип жүргөн", — деди Ашырбаев.

Колго түшүрүлгөн киши Араван РИИБинин убактылуу кармоочу жайына киргизилген. Азыркы учурда тергөө амалдары жүргүзүлүп жатканы айтылды.

60
Белгилер:
милиция, арыз, мал, алдамчылык, Араван району, Ош
Тема боюнча
Ошто тепкичтен автоунаа менен чыккан адам мурдагы милиционер экени такталды. Видео
 Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев. Архивдик сүрөт

Президенттин ЖКдагы өкүлү Курманбек Дыйканбаев эки айга камалды

60
(жаңыланган 13:01 27.11.2020)
Дыйканбаев парламенттик шайлоо маалында мамлекеттик ишкананын жетекчисин коркутуп, андан 7 миллион сом алган деп айыпталууда.

БИШКЕК, 27-ноя. — Sputnik. Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев эки айга УКМКнын тергөө абагына киргизилди. Бул тууралуу Биринчи май райондук сотунун маалымат кызматы кабарлады.

Дыйканбаевдин баш коргоо чарасы кечээ, 26-ноябрда, аталган сотто тандалган. Ага ылайык, кийинки жылдын 24-январына чейин тергөө абагына киргизүү чечими кабыл алынган болчу.

Курманбек Дыйканбаев кызматтык абалынан кыянаттык менен пайдалануу беренеси менен айыпталууда. УКМКнын билдиришинче, ал октябрдагы парламенттик шайлоо өнөктүгү маалында стратегиялык маанидеги мамлекеттик ишкананын башчысын бир партиянын кызыкчылыгы үчүн 7 миллион сом берүүгө мажбурлаган. Эгер баш тарта турган болсо, кызматтан кетирерин айтып коркутканы тергөөдө аныкталган.

60
Белгилер:
тергөө абагы, тергөө, сот, Курманбек Дыйканбаев
Тема боюнча
Соцфонддун төрагасы Медер Ирсалиев эки айга тергөө абагына камалды

Эстеп көрөлү. Макгрегор менен Порьенин алгачкы беттешинин видеосу жарыяланды

0
(жаңыланган 17:45 27.11.2020)
UFC уюмунун экс-чемпиону Конор Макгрегор менен америкалык Дастин Порьенин алгачкы беттешинин видеосу жарыяланды. Ал ирмемдерди уюмдун Facebook баракчасынан көрүүгө болот.

Белгилей кетсек, ирландиялык мушкер америкалык спортчу менен 2014-жылы беттешип, биринчи эле раундда техникалык нокаут менен утуп алган.

Дастин Порье менен Конор Макгрегордун кайрадан октагонго чыгары күтүлүүдө. Алдын ала маалымат боюнча, реванш Абу-Дабидеги "Мушкерлер аралы" спорттук жайында кийинки жылдын 23-январында болот.

Эки мушкер тең буга чейин россиялык спортчу Хабиб Нурмагомедов менен беттешип, жеңилүү ызасын тарткан.

0
Белгилер:
мушкер, видео, беттешүү, Конор Макгрегор, Дастин Порье
Тема боюнча
Эже-сиңди Шевченколордун энеси дүйнө чемпиону болду. Видео
Ар бир булчуңдун кыймылы көрүнүп... Шевченко катышкан турнирден өзгөчө видео
Хабиб Нурмагомедов Жастин Гэтжини утуп алды. Видео