Жол кырсыгынан жабыркаган унаа. Архив

Бишкекте жол кырсыктан аскер адамы каза таап, төрт жаштагы кызы жабыркады

1326
(жаңыланган 17:00 31.01.2020)
Нуркамал көчөсүндө, "ДК" соода борборунун жанында Audi менен Lexus кагышып кеткен. Натыйжада бир адам көз жумду.

БИШКЕК, 31-янв. — Sputnik. Бишкекте жол кырсыктын кесепетинен аскер адамы каза таап, анын төрт жаштагы кызы ооруканага жеткирилди. Бул тууралуу Кайгуул күзөт милициясынан билдиришти.

Окуя бүгүн саат 07.30да Нуркамал көчөсүндө, "ДК" соода борборунун жанында болгон. Маалыматка караганда, Audi менен Lexus кагышып кеткен.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Аскер адамы Audi унаасын башкарып бараткан. Кырсыктан кийин ал ооруканага жеткирилип, алган жараатынан улам түштөн кийин каза тапкан. Ал эми маркумдун кызы үчүнчү балдар ооруканасында жатат. Lexus автосунун айдоочусу болсо жаракат алган. "Ал качып кетти" деген маалыматты милиция четке какты.

Унаалар айып короого токтотулуп, териштирүү иштери жүргүзүлүүдө.

1326
Белгилер:
Аскер, унаа, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар (83)
Тема боюнча
Бишкекте жеңил унаанын айдоочусу эки адамды коюп кетти, бири оор абалда