Өзгөн районунун Мырзаке — Кара-Шоро жолундагы жол кырсыгы

Улактан келе жатышкан... Өзгөндө 7 киши күйүп кеткен жол кырсыгынын чоо-жайы

1033
(жаңыланган 10:34 04.02.2020)
Маркумдардын улуусу 46, кичүүсү 27 жашта болгон. Алардын Өзгөн шаарына улакка барып, кайра кайтып келе жатканда кырсыкка кабылганы айтылды.

БИШКЕК, 4-фев. — Sputnik. Өзгөн районунун Мырзаке — Кара-Шоро жолунда кырсыкка учураган автоунаа ага орнотулган газ баллондун жарылганынан күйүп кетиши мүмкүн деп божомолдонуп жатат. Бул тууралуу Sputnik Кыргызстан агенттигине Ош облусу боюнча жол кыймылы коопсуздугун камсыздоо бөлүмүнүн тескөөчүсү Алтынбек Теңизбаев билдирди.

Бишкектин четиндеги Байтик айылынын кире беришиндеги негизги жолдо үч жеңил автоунаа кагышты
© фото очевидца, отправленное по Telegram-каналу
Эскерте кетсек, каргаша 3-февралга караган түнү болгон. Жээнбеков көчөсүндө Lexus ES300 унаасынын айдоочусу рулду башкара албай электр мамычасын сүзүп, өрт чыккан. Автоунаада бараткан жети эркек кишинин бири да аман калган эмес.

Теңизбаевдин айтымында, райондук милициянын тергөө кызматы жана Ош шаардык милициясынын тергөө тобу окуя болгон жерде иштеп жатышат. Тийиштүү экспертизалар дайындалды. Окуя Кылмыш жана жоруктардын бирдиктүү реестрине катталып, сотко чейинчи өндүрүш иштери жүрүп жатат.

Ал эми окуяга күбө болгон Өзгөн районунун жашоочусу Керим Тайыров унаа алгач оодарылып кеткенин айтып берген.

"Андан соң унаадан катуу үн чыгып, бир нерсе жарылгандай болду. Унаа аңтарылып калгандыктан эшиктеринин кармагычтары сынып, ачылбай калыптыр. Ошол себептен машина күйүп жатканда ичиндегилерди сыртка чыгара албай калдык", — деди Тайыров.

Ал эми маркумдардын айылдаштарынын айтымында, көз жумгандардын улуусу 46, кичүүсү 27 жашта болгон.

Арасындагы үч жигит жакында эле үйлөнгөн. Алар 2-февраль күнү Большевик айылынан Өзгөн шаарына улакка баруу үчүн коомдук транспорт менен кетип, үйлөрүнө кайтып бара жатканда кырсыкка учурашкан.

1033
Белгилер:
өрт, автоунаа, күбө, газ баллон, Өзгөн
Тема боюнча
Өзгөндө каза тапкан 7 кишинин кайсы айылдын жашоочулары экени айтылды
Өрт өчүрүү жана алдын алуу башкармалыгынын башчысынын орун басары майор Азиз Бейшекеев

Бейшекеев: өлкөдө жыл башынан бери 828 өрт кырсыгы катталды

3
(жаңыланган 13:07 04.06.2020)
Өрт өчүрүү жана алдын алуу башкармалыгынын башчысынын орун басары майор Азиз Бейшекеев үстүбүздөгү жылдын беш айында катталган өрт кырсыктарынын саны былтыркыга салыштырмалуу 30,6 пайызга азайганын айтты.
Бейшекеев: өлкөдө жыл башынан бери 828 өрт кырсыгы катталды

Өлкө ичинде жыл башынан бери 828 өрт кырсыгы катталды. Бул тууралуу Азиз Бейшекеев Sputnik Кыргызстан радиосуна маек куруп жатып билдирди.

Анын айтымында, былтыр 2019-жылдын январь айынан май айына чейин республика боюнча 1193 өрт кырсыгы болгон.

"Быйыл өрт кырсыктарынын басымдуу бөлүгү Ош жана Чүй облустары менен Бишкек шаарында катталды. Башкы себептери — электр шаймандарынын бузулушу, аны туура эмес колдонуу, от жакчу мештерди туура эмес эксплуатациялоо жана отко этиятсыз мамиле кылуу. Бирок былтыркыга салыштырмалуу 30,6 пайызга кыскарды. Тактап айтканда, быйыл жыл башынан бери 828 учур болсо, былтыр беш ай аралыгында 1193 өрт кырсыгы катталган. Мындай статистика өрт өчүрүүчүлөр үчүн көңүл кубантарлык көрүнүш жана чоң жетишкендик. Эми азыркы тапта жай келип, күн да катуу ысый баштады. Бул мезгилде ачык аянттарда өрт чыгуу тобокелчилиги жогору болот. Мындан улам бардык жарандарды ачык аянттардагы чөптөрдү байма-бай сугарууга жана өрт коопсуздугун сактоого чакырам. Ошондой эле ар бир үйдө өрт өчүрүүчү зарыл каражаттар — суу менен кумдун топтому жана жазы кездеме болушу талапка ылайык", — деди Бейшекеев.

Ал ошондой эле бардык коомдук жайларда өрт коопсуздугу боюнча түшүндүрүү иштери жүрүп жатканын кошумчалады.

3
Белгилер:
статистика, кырсык, өрт, ӨКМ
Тема боюнча
Бейшекеев: эреже боюнча газ баллон имараттын сыртында болушу керек
ЖК депутаты Айсулуу Мамашова

Мамашова: сот ажатканада 13 жаштагы кызды зордуктаган баланы актап жиберди

174
(жаңыланган 12:27 04.06.2020)
Депутаттын айтымында, сот шектүүнү актап, кайра жабырлануучу кыздын апасына шектүүгө моралдык чыгым төлөп беришин милдеттендирген.

БИШКЕК, 4-июн. — Sputnik. Бишкектеги соода борборлорунун биринин ажатканасында 13 жаштагы кызды зордуктоого шектелген 22 жаштагы жигитти сот актап жиберди. Бул туурасында депутат Айсулуу Мамашова парламенттин жыйынында билдирди.

Анын айтымында, бул ишти Биринчи Май райондук сотунун судьясы Айбек Эрнис уулу карап, "кыз зордукталган эмес" деген чечим чыгарып, шектүүнү жазадан бошоткон. Аны менен катар эле жабырлануучу кыздын апасына шектүүгө моралдык чыгым төлөп беришин милдеттендирген. Мындан улам алар райондук соттун чечимине нааразы болуп, шаардык сотко кайрылып, андан да утулуп калган. Учурда Жогорку сотко даттанып жатышат.

"Жакында эле Балдарды коргоо күнүн белгилеп, куттуктадык. Бирок мага Bishkek Park соода борборунун ажатканасында зордукталган 13 жаштагы кыздын энеси менен адвокаты кайрылды. Далилдери бар экенине, экспертизанын корутундусу чыкканына карабай, көпчүлүккө белгилүү судья Айбек Эрнис уулу (экс-депутат Өмүрбек Текебаевдин ишин караган) шектүү баланы актап жиберди. Ал жаш балдар лагеринде иштеп жүрчү экен. Тилекке каршы, анын башка кыздарды да зордуктаганы боюнча күбөлөр айткан. Бирок бүгүнкүгө чейин ал эркиндикте жүрөт. Себеби анын органдарда иштеген туугандары бар экен. Мындай адамдар түрмөдө отурушу керек болчу", — деди Мамашова.

Ошондой эле депутат кыздын апасына төлөөгө милдеттендирилген моралдык чыгымдын суммасын шектүү тарап өзү аныктамай болгонун билдирди.

"Судья Эрнис Айбек уулуна аябай нааразымын, уят деген болуш керек да, жаш кыздын тагдырын ойлобойбу. Жогорку сотко барганда калыс карап беришин суранам. Прокурорлор дагы жаш кыздын кызыкчылыгын коргой албай жатат", — деп кайрылды депутат.

Эл өкүлүнүн айтымында, окуя 2016-жылы болгон, сот иштери ошондон бери уланып жатат.

174
Белгилер:
баш тартуу, сот, зордуктоо, депутат, Айсулуу Мамашова
Тема боюнча
Ноокенде 10 жаштагы кызды зордуктады делген адамга сот чечим чыгарды
Табло курса доллара, евро, рубля и тенге на обменном бюро в Бишкеке

Ката кеткен. Акча алмаштыруу жайларын жабуу мыйзам долбоору ЖКга киргизилди

30
(жаңыланган 13:23 04.06.2020)
Мыйзам долбоору үстүбүздөгү жылдын апрель айында коомдук талкууга коюлуп, бир топ сын-пикирлерди жараткан.

БИШКЕК, 4-июн. — Sputnik. Кыргызстандагы акча алмаштыруу жайларын жабуу боюнча мыйзам долбоору Жогорку Кеңештин кароосуна киргизилди. Бул тууралуу парламенттин сайтында жарыяланды.

Сурамжылоо

Акча алмаштыруу бюролорун жабуу демилгесин колдойсузбу?
  • Жабыш керек! Акча алмаштыруу жайларын банктарга салыштырмалуу көзөмөлдөө оор
    0% (0)
  • Мен каршымын. Валюта рыногунда атаандаштык болушу керек
    0% (0)
  • Азыр ишсиз отургандар ансыз да көп. Дагы башкаларды жумушсуз калтыруунун эмне кереги бар?
    0% (0)
  • Мага баары бир, менин киреше-чыгашамдын бардыгы сом менен
    0% (0)
Добуш бергендер:
Аталган документ үстүбүздөгү жылдын апрель айында коомдук талкууга коюлган. Мыйзамды демилгелеген депутаттар менчик бюролор операциялар тууралуу маалыматты жашырып, валюта курсун негизсиз жогорулатып, мындай аракети менен сомдун кунун кетирет деген жүйө келтирген.

Долбоордун негиздемесинде 2015-жылы Улуттук банк акча алмаштыруу жайларын жабууга аракет кылып, бирок коомдук талкуу учурунда колдоо таппай калганы жазылган.

"Акча алмаштыруу операцияларын банктар, кредиттик союздар, чакан финансылык жана кредиттик компаниялар гана жүргүзүшү сунушталууда. Бул улуттук валюта рыногунун коопсуздугун, валюта операцияларынын ачык-айкындуулугун камсыздоого жана көбүрөөк салык түшүшүнө шарт түзөт", — деп жазылган мыйзам долбоорунда.

Документтеги ката

Деген менен мыйзам долбоорунун расмий тилде жазылган негиздемесинде ката кетип калган. Мүмкүн болуучу терс кесепеттердин болжолу бөлүмүндө "Мыйзам долбоорду кабыл алуу "Медицина кызматкерлеринин макамы жөнүндө" КР мыйзамдарына өзгөрүтүүлөрдү киргизүү" терс кесепеттерди алып келбейт" деп жазылып турат. Чынында бул мыйзам валюта рыногуна эмес, медицина тармагына тиешелүү.

Ал эми жөндөө таасирин талдоо жөнүндө маалыматында "Мыйзам долбоору жөндөө таасирине талдоо жүргүзүүнү талап кылбайт, себеби ал ишкердик ишти жөнгө салууга багытталган эмес" деп жазылган.

Законопроект о закрытии обменных пунктов в Кыргызстане
скриншот с сайта Жогорку Кенеша
Акча алмаштыруу жайларын жабуу боюнча мыйзам

Мыйзам долбоорун депутаттар Гүлшат Асылбаева, Алиярбек Абжалиев, Салайдин Айдаров, Искендер Гайпкулов, Пархат Тулендыбаев, Айнура Осмонова, Экмат Байбакпаев сунуштаган. Негизги демилгечиси Гүлшат Асылбаева.

30
Белгилер:
Жогорку Кеңеш, депутат, мыйзам, акча алмаштыруу жайы
Тема боюнча
Акча алмаштыруу жайларын жабуу мыйзамы боюнча Улуттук банк комментарий берди
Жалаа жаппасын! Акча алмаштыруу жайлары мыйзам жазган депутаттарга жооп берди