Орто-Сайдагы флагшток. Архивдик сүрөт

Издөөдөгү ага-ини: биринин сөөгү Орто-Сайдагы флагштоктун жанынан табылды

18903
(жаңыланган 11:36 07.02.2020)
51 жаштагы Канат Асанов 9-январь күнү жоголгон. Бир аптадан кийин анын иниси Кубат Асанов дайынын билдирбей кеткен. Туугандары ал агасын издөөгө кеткен деп божомолдоп жаткан.

БИШКЕК, 7-фев. — Sputnik. Бишкектин түштүгүндөгү Орто-Сай айылындагы флагштоктун жанынан буга чейин изделип жаткан бир туугандардын бири, 47 жаштагы Кубат Асановдун сөөгү табылды. Бул тууралуу Sputnik агенттигине маркумдун жакындары кабарлады.

Эске салсак, өткөн айда Бишкекте 51 жана 47 жаштагы ага-ини дайынсыз жоголуп, изделип жаткан. Маалыматка караганда, алгач 51 жаштагы Канат Асанов жоголгон. Ал 2020-жылдын 9-январында саат 18.00дөр чамасында Ынтымак жаңы конушундагы үйүнөн чыгып кеткен боюнча кайтып келген эмес. Ал эми иниси Кубат Асанов ушул эле жылдын 15-январында Заречное айылынан бир тууганын издөөгө кеткен бойдон дайыны жок болуп жаткан.

Аламүдүн райондук милициясынан сөөк 6-февраль күнү саат 18.50дө табылганын тастыкташты.

Канат Асановду өздөө иштери уланууда. Анын өзгөчө белгилери: бою 160-165 сантиметр, арык чырай, чачын ак баскан. Көз айнек тагынат. Үстүнө көк түстөгү капюшону бар куртка, кара шым жана кара бут кийимчен. 

В Бишкеке ведутся поиски двух братьев — Каната и Кубата Асановых
© Фото / предоставлено родными пропавших
Жоголуп кеткен Канат Асанов

Ал тууралуу көрүп-билгендер 0 (755) 07-47-20, 0 (551) 12-42-19 жана 0 (706) 98-99-84 номерлерине кабарлап койсо болот.

18903
Белгилер:
эркек, издөө, сөөк, Кыргызстан, Бишкек
Тема боюнча
Чүйдө оорукананын жанынан аялдын сөөгү табылды. Милиция жакындарын издөөдө
Колунда күйүп турган ширеңке менен киши. Архив

Вандалдар Бишкектин чок ортосундагы скульптураны өрттөп кетишти. Видео

252
(жаңыланган 23:13 25.10.2020)
Скульптура 2018-жылдан бери турган. Кээде анын лагын жаңыртуу үчүн атайын кызматтар алып кетип турушкан.

БИШКЕК, 25-окт. – Sputnik. Бишкектин Эркиндик проспектиндеги жыгачтан жасалган павлиндин скульптурасын вандалдар өрттөп кетишти. Бул тууралуу “Бишкек жашыл чарба” ишканасынын маалымат катчысы Аида Айдаралиева Facebook баракчасына жазды.

“Акыркы кезде вандалдар тууралуу бат-баттан жазып калганым абдан өкүнүчтүү. Павлиндин скульптурасы 2018-жылдан бери турган. Кээде анын лагын жаңыртуу үчүн алып кетип турчубуз. Эми аны вандалдар өрттөп салыптыр. Эмнеге мындай кадамга барышканы белгисиз”, - деди Айдаралиева.

Анын айтымында, видео төрт күн мурда тартылган.

252
Белгилер:
өрт, вандализм, скульптура, Бишкек
Тема боюнча
Дарыканадан акча уурдай качып, кайра кайтарып камалган жигиттин маеги
Киши өзүн соккудан коргоп жатат. Архив

Араванда милиционерди себепсиз уруп жиберди делген киши кармалды

130
Милиционердин жаракатын аныктоо үчүн соттук-медициналык экспертиза дайындалды. Кылмышка шектүү 48 саатка убактылуу кармоочу жайга киргизилген.

БИШКЕК, 25-окт. — Sputnik. Оштун Араван районунда милиция кызматкерине кол көтөргөнгө шектүү делген адам кармалды. Бул тууралуу Sputnik агенттигине облустук милициянын маалымат кызматы кабарлады.

Окуя 23-октябрь күнү саат 17:20лар чамасында Юсупов айыл аймагында болгон.

"ИИМдин Күзөт кызматынын Аравандагы бөлүгүнүн милиционери, 24 жаштагы кенже сержант кызматтан кийин табелдик ок атуучу куралын тапшырып, үйүнө бара жаткан. Ошол учурда жергиликтүү 37 жаштагы Э.Д. аттуу тургун милиция кызматкерин оозго алгыс сөздөр менен тилдеп, эч себепсиз эле бетке жана моюн тарабына уруп жиберген", — деп айтылат маалыматта.

Оштон автоунаа айдай качкан жаранды Токтогулдун инспектору кууп жүрүп кармады

Милиционердин жаракатын аныктоо үчүн соттук-медициналык экспертиза дайындалды. Ага кол көтөргөн киши иштебейт, буга чейин эки ирет "Ээнбаштык" беренеси боюнча соттолгон.

Факты Араван РИИБинде Кылмыштардын жана жоруктардын бирдиктүү ресстрине катталып, текшерүү иштери жүрүп жатат. Шектүү 48 саатка убактылуу кармоочу жайга киргизилди.

130
Белгилер:
сабоо, милиция, Араван району, Ош
Тема боюнча
Оштогу окуя: шектүүнүн өлүмүнөн соң подполковник менен үч капитан иштен кетти
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

108
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

108
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты